Palani Fakataumu‘a-Pau ki he Ngaahi Nofo‘anga ‘oku Tokoni‘í
Kuo fa‘u ‘e he Kāinga Ora ha Palani Fakataumu‘a-Pau ki he Ngaahi Nofo‘anga ‘oku Tokoni‘í, ‘a ia ‘okú ne ‘oatu ai ki he‘emau kau ngāué ha taumu‘a pau ‘i he tupulaki mo e nga‘unu atu ‘a ‘emau tokonaki ‘o e ngaahi Fale Nofo‘anga Fakataimí mo e Nofo‘anga ma‘á ha Ngaahi Kulupu Fakakomiunitií ma‘á e kakai mo e ngaahi fāmili ‘oku vivili ‘a ‘enau fiema‘ú.
‘Okú ne fokotu‘u atu ‘a e ngafa ‘o e Kāinga Ora ‘i hono tokonaki ‘o e ngaahi nofo‘anga ‘oku fakapa‘anga ‘e he pule‘angá, ‘a ia ‘oku hoko ai ‘a hono fokotu‘utu‘u ‘o e nofo‘angá mo e ngaahi sēvesi tokoni kehé ko ha konga mātu‘aki mahu‘inga ia ki he tu‘unga lelei ‘a e mo‘ui ‘a e tokotaha kasitomaá.
Fakataha‘i mo e ngaahi palani fakafekau‘aki kehe ‘a e Kāinga Ora, ‘oku fakaai atu ‘e he Palani Fakataumu‘a-Pau ki he Ngaahi Nofo‘anga ‘oku Tokoni‘í ha Fa‘unga-Ngāue Fakatumu‘a-Pau ke ne takiekina ‘a e ngāue ‘a e Kāinga Ora ki he Ngaahi Nofo‘anga ‘oku Tokoni‘í ke ne hokosia ‘a e tūkunga lelei taha ‘oku faka‘amua ki he kaha‘ú. ‘Okú ne fokotu‘u atu ‘a e founga te mau hoa ngāue ai mo e Ngaahi Kautaha Fakapa‘angá mo e Ngaahi Kautaha Fakahoko Ngāué ke tokanga‘i mo tali atu ki he ngaahi fiema‘u ki ha ngaahi koloa ki he Ngaahi Nofo‘anga ‘oku Tokoni‘í. ‘Okú ne mape‘i ha hala fononga ke fakalelei‘i ai ‘a e ngaahi tu‘unga ‘o e fakahoko ngāué.
Lau ha fakanounou ‘o e Palani Fakataumu‘a-Pau ki he Ngaahi Nofo‘anga ‘oku Tokoni‘í [PDF, 1.3 MB].
Kuo fakafo‘ou ‘a e peesí: 9 Sānuali 2023