Kāinga Whenua

Ko e polokalama Nō Kāinga Whenua Scheme ko ha langa-ngāue ia ‘i he vaha‘a ‘o e Kāinga Ora mo e Kiwibank ke tokoni‘i ‘a e kakai Maulí ke a‘usia ‘a e tu‘unga ma‘u ‘api ‘i honau kelekele ‘oku kaungā ma‘u tokolahí.

‘Oku ‘atā atu ‘a e ngaahi noó ki he kau talāsiti kelekele Maulí, mo e fa‘ahinga ‘oku nau ma‘u ‘a e mafai ke nofo ‘i honau kelekele Maulí ‘oku kaungā ma‘u tokolahí, fakatou‘osi. Ko e ngaahi fiema‘ú mo e founga ki he tohi kolé ‘oku kehekehe, ko ia ai kātaki ‘o fili ‘a e tafa‘aki ‘okú ke fie ‘ilo ki aí ke ‘ilo lahi ange.

Ko hono ma‘u ha pa‘anga ke langa ha fale ‘i ha kelekele ki he kakai Maulí ‘oku faingata‘a koe‘uhí ko e tu‘unga ki he kelekelé ‘okú ne ‘ai ke faingata‘a ki he ngaahi kautaha noó ke malu‘i aki ‘a e noó ‘a e falé mo e kelekelé, hangē ko ia ‘oku nau fakahoko ki he ngaahi nō fale angamahení. Ko ha nō Kāinga Whenua ‘oku malu‘i ‘aki pē ia ‘a e falé, kae ‘ikai ‘aki ‘a e falé mo e kelekelé hangē ko ia ko e ngaahi nō fakatau ‘api kehé.

‘Oku tali mo ‘oatu ‘e he Kiwibank ‘a e noó, pea ‘e fiema‘u ke ke ma‘u ‘a ‘enau ngaahi makatu‘unga ki ha noó pea pehē foki ki he ngaahi makatu‘unga ‘a e Kāinga Whenua. ‘Oku ‘oatu ‘e he Kāinga Ora ‘a e malu‘i ki he mōkisi ‘a e kautaha noó ki he noó.

‘Oku toe fokotu‘u foki ‘e he nō Kāinga Whenua ha ngaahi fakangatangata ki he fa‘ahinga/kalasi ‘o e fale te ke lava ‘o langa, fakatau pe hiki atu ki he konga kelekelé. ‘Oku fiema‘u ko ha fale fungavaka taha (one-storey) ia ‘oku ‘i ai ‘a hono tu‘unga fale, ‘oku ‘ikai toe si‘isi‘i hifo ‘i he sikuea mita ‘e 50, pea mo fakafaingamālie ki he hala pule‘angá. ‘E fiema‘u ke tu‘u ia ‘i he fonua lahi ‘i he ongo motu Noaté pe Sauté.

‘Ilo lahi ange fekau‘aki mo e

• Nō Kāinga Whenua ma‘á e fa‘ahinga taautahá
• Nō Kāinga Whenua ma‘á e kau talāsiti ki he kelekele ‘a e kakai Maulí
• Ko hono fakatau pe langa ha ‘api fo‘ou ‘aki ha nō Kāinga Whenua [PDF, 1.3 MB]
• Aleapau Kāinga Whenua [PDF, 773 KB] Fakatokanga‘i: ko e tohi ko ení ko ha fakamo‘oni pea ‘e fakakakato pē ia ‘e he Kāinga Ora – Home and Communities hili ‘emau ma‘u mai ‘a e ngaahi me‘a fakapepa faka‘osi ‘o e noó mei he Kiwibank. ‘E ‘ave leva ia ki he kau Fakafofonga Laó ke fakamo‘oni kotoa mai ki ai ‘a e ngaahi fa‘ahi ‘oku kau maí.
• ngaahi tokoni fakalahi ‘i he Māori Housing Network (external link)