Ma‘u ‘apí / Hoa Ngāue ki ha Fuofua Fakatau ‘Api

Hoa Ngāue ki ha Fuofua Fakatau ‘Api

‘E lava ke tokoni ‘a e Hoa Ngāue ki ha Fuofua Fakatau ‘Apí ki ha tōnounou kapau ‘oku ‘ikai fe‘unga ho‘o pa‘anga tipōsití mo e nō fakatau ‘apí ke fakatau ‘aki ha ‘api fo‘ou.

Fakamatala fakamuimuitahá:

Ko e Hoa Ngāue ki ha Fuofua Fakatau ‘Apí ko ha palani-ngāue ia ki he kaungā ma‘u ‘apí ‘a ia kuó ne tokoni‘i ‘a e kau fuofua fakatau ‘api ‘e lauingeau ke nau fakatau ha ‘api talu mei ‘Okatopa 2021.

Koe‘uhi ko e ngaahi fiema‘u ta‘ehanotatau kimuí ni maí, kuo kakato ai ‘a e lēsisitá ‘i he taimí ni pea ‘i he‘ene peheé ‘oku ‘ikai ai ke mau toe tali ha ngaahi tohi kole fo‘ou.

Kātaki ‘o vakai ki he ‘emau ngaahi tokoni fakapa‘anga kehe ki he ma‘u ‘apí ke ne tokoni‘i koe ‘i ho‘o fononga atu ki hema‘u ‘apí.

Ko e Hoa Ngāue ki ha Fuofua Fakatau ‘Api ko ha polokalama fakapa‘anga ia ki hono kaungā-ma‘u ‘o ha ‘api ke tokoni‘i ‘a e fa‘ahinga toki fuofua fakatau ‘apí. Kapau ‘oku ‘ikai ke fe‘unga ho‘o pa‘anga tipōsití mo e nō falé ke fakatau ‘a e ‘api ‘oku ke faka‘amu ki aí, te ke ala ‘atā atu ke fakatau ha ‘api fakataha mo e Kāinga Ora. ‘Oku vakai‘i ‘a e ngaahi tohi kolé fakatatau ki he ngaahi tu‘unga takitaha, pea makatu‘unga ‘i he fiema‘ú mo e panga fe‘unga ki aí.

Ngaahi sitepu ki he ma‘u ‘apí mo e Hoa Ngāue ki ha Fuofua Fakatau ‘Apí

‘Ilo fekau‘aki mo e ngaahi sitepu mahu‘inga ‘o e fononga ‘i he Hoa Ngāue ki ha Fuofua Fakatau ‘Apí meí he tohi kolé ki he ma‘u ‘apí ‘i he ‘Steps to Home Ownership with First Home Partner [PDF, 456 KB].‘ Ki ha fakaikiiki lahi ange, fakalahi ‘a e ngaahi peesi fekumi ‘i laló.

Ke kei fakakaukau pe ko e Hoa Ngāue ki ha Fuofua Fakatau ‘Apí ma‘á u?

Fakaava fakalahi ‘a e ngaahi peesi fekumi ‘i he ‘initanetí ‘i laló ki ha fakamatala lahi ange pe, kapau ‘oku ‘ikai ke ke ma‘u ‘a e me‘a ‘okú ke kumí, fetu‘utaki mai ki he timí ‘i he vaha‘a ‘o e 9 pongipongi - 5 efiafi, Mōnite ki he Falaite ‘i he 0508 935 266.

Kuo fakafo‘ou ‘a e peesí: 13 Nōvema 2023