Ko ‘emau kau nofo totongí

Ko ho‘o aleapau ki he nofo totongí ko ha pepa fakalao ia. ‘Oku ne talaatu ‘a e me‘a ‘oku totonu ke ke ‘amanekina meiate kimautolú mo e me‘a ‘oku mau ‘amanekina meiate koé.

‘Oku mau ‘i heni ke tokoni‘i koe mo ho fāmilí ‘i ho ‘api Kāinga Ora mo ha tokangataha loto-mo‘oni fekau‘aki mo e tu‘unga lelei ‘a e mo‘uí.

‘Ilo fekau‘aki mo e founga ke ke fakapapau‘i ai ko hono totongi ‘o e nofó ‘e faingofua ia ‘i he lelei taha ‘e ala lavá. ‘Oku mau ‘i heni ke tokoni atu.

Ko hono tauhi ho ‘api Kāinga Ora, mo fakahoko ha ngaahi fakalelei ma‘á e kakai faingata‘a‘ia fakaesinó mo e me‘a ke ‘ilo ki ai ‘i he taimi ‘oku ‘a‘ahi atu ai ha kau ngāue ‘osi ma‘u tikité ki ho ‘apí.

‘I he taimi ‘e ni‘ini ‘e fiema‘u ke monomono/fakalelei‘i ho ‘apí. Vakai ki he ngaahi me‘a te mau lava ‘o fakahoko ma‘aú mo e me‘a ‘e ala malava pē ke ke fakahokó.

Ko e hoko ko ia ko ha kaungā‘api leleí ko ha konga mahu‘inga ia ‘o e nofo ‘i ho komiunitií. ‘Oku mau fakalototo‘a‘i kotoa ‘emau kau nofo totongí ke nau hoko ko ha ngaahi kaungā‘api lelei.

Ko e Kāinga Ora ko ha lenilooti anga fakakaume‘a ia ki he monumanu pusiakí. ‘Oku lava ke hoko ‘a e fanga monumanu pusiakí ko ha kaume‘a lelei pea ko hono ma‘u ha monumanu pusiaki (pe ko hono tauhi ‘a e monumanu pusiaki ‘oku ke lolotonga ma‘ú) ‘e hoko ia ko ha tokoni lahi ki he tu‘unga lelei ‘etau mo‘uí.

‘Oku lahi ‘a e ngaahi ‘uhinga te ke ala fiema‘u ai ke hiki ki ha ‘api ‘e taha. ‘Oku mau ‘i heni ke tokoni, ko ia ai fetu‘utaki mai kiate kimautolu kapau ‘oku ke loto ke hiki pea te tau lava ‘o talanoa fekau‘aki mo ho tūkungá, ho‘o ngaahi fiema‘u ki ha falé mo e ngaahi fili ki he fale nofo‘angá ‘oku ke ma‘ú.

‘I hono fakahā mai ‘i he taimi pē ‘oku hoko ai ha liliu ki ho‘o ngaahi fokotu‘utu‘u ki he nofó pe pa‘anga hū maí, ‘e lava ai ‘e he Kāinga Ora mo e Ministry of Social Development (Potungāue ki he Fakalakalaka Fakasōsialé) ‘o fakapapau‘i te ke lava ‘o ma‘u ‘a e tokoni lelei taha ‘oku ‘atā atu kiate koé.

Ke fakalato ‘a e fiema‘u ki ha ngaahi fale ‘a e pule‘angá ‘oku māfana, mo mātu‘ú, ‘oku langa ai ‘e he Kāinga Ora ha ngaahi ‘api fo‘ou ‘e lauiafe. Kae kimu‘a ke mau kamatá, ‘oku fa‘a fiema‘u ke mau fakahiki ‘a e kau nofo totongí ki ha ‘api ‘e taha ke fakafaingamālie‘i ‘a e langa fo‘oú.

Kapau ‘oku ke palani ke taukave ma‘a ha tokotaha nofo totongi Kāinga Ora, te ke fiema‘u ‘enau fakangofuá kimu‘a ke mau talanoa atu kiate koe fekau‘aki mo honau tūkungá.

Vakai‘i ho‘o ‘akauní, ngaahi palanisi totongi nofó, ngaahi kole fakaleleí/monomonó mo e ngaahi me‘a lahi kehe ‘i he ‘initanetí ‘o ngāue‘aki ‘a e MyKāingaOra - ko ‘emau app ki he kau nofo totongí pē, - ‘o hangē pē ko e MyMSD mo e MyIR.

Ko e 'Close to Home' ko ha tohi fanongonongo ia ma‘á e kau nofo totongí ‘oku poupou ki ai ‘a e Kāinga Ora. Lau ‘i ai fekau‘aki mo e ngaahi komiunitī fakafeitu‘ú, ngaahi fakahinohino ki he feime‘atokoní, ngaahi fakakaukau ke tokoni, fale‘i mo e nofo malu mo hao takatakai ‘i ‘apí.

Our tenants have extraordinary stories to tell and we’re proud to highlight those who are helping make their community a great place to live.