Ngāue fakataha ‘a e Kāinga Ora mo e KiwiSaver

• ‘Okú ne tokanga‘i/pule‘i ‘a e Fakapa‘anga ki he Fuofua Fakatau ‘Apí ‘i he ‘o fakafofonga‘i ‘a e Pule‘angá; pea
• Fakapapau‘i pe ko e tokotahá na‘e ‘osi ma‘u ‘api kimu‘a, ka kuo ‘ikai ke toe ma‘u ‘api, ko ha tokotaha ia ‘oku taau/fe‘unga pea lava leva ‘o tohi kole ke toho ‘ene pa‘anga KiwiSaver ke tokoni ki hono fakatau ha ‘api

Ki he fa‘ahinga ‘oku nau fiema‘u ha Fakapa‘anga ki he Fuofua Fakatau ‘Apí, ‘e fiema‘u ke nau tohi kole hangatonu ki he Kāinga Ora, ‘i loto ‘i he vaha‘a taimi kuo tu‘utu‘uniá. ‘Oku ‘i ai ha ngaahi makatu‘unga ke ma‘u kae malava ke toki ‘atā ki ai, ka te ke lava ‘o ‘ilo lahi ange fekau‘aki mo e me‘á ni mo e founga ke fakahoko ‘aki ‘a e tohi kolé, kapau te ke ‘alu ki he ngaahi peesi First Home Grant.

Ko e fatongia pē ‘o e Kāinga Ora ‘i he toho ki he fuofua fakatau ‘apí ko hono sivisivi‘i ‘a e tu‘unga fakapa‘anga ‘o e kau ma‘u ‘api kimu‘á ke fakapapau‘i pe ‘oku nau ‘atā atu ki ai. Kapau ko ha tokotaha ma‘u ‘api koe kimu‘a, ‘e fiema‘u ke ke fakakakato ha tohi kole(external link) ki hano vakai‘i pea fakahū atu ia ki he Kāinga Ora. Te mau vakai‘i leva ho tohi kolé ke fakapapau‘i pe ‘okú ke ‘i he tu‘unga fakapa‘anga tatau mo ha tokotaha toki fuofua fakatau ‘api, ‘o fakatatau ki he tu‘unga lahi ‘o e ngaahi koloa ‘oku ala fakatau atu (realisable assets) ‘okú ke ma‘ú.

Kapau ko ho‘o fakatau ia ho fuofua ‘apí pea na‘e te‘eki ai ke ke ma‘u kimu‘a ai ha fa‘ahinga mafai ki ha ‘api pea loto ke toho ho ‘inasi KiwiSaver, ‘e ‘ikai fiema‘u ia ke ke tohi kole ki he Kāinga Ora. Ko e me‘a pē ‘oku fiema‘u ke ke faí koe tohi kole hangatonu ki ho‘o kautaha KiwiSaver.

‘Oku mau fokotu‘u atu, kimu‘a ke ke tohi kole ki ha Fakapa‘anga ki he Fuofua Fakatau ‘Apí pe ko ha toho ki he fuofua fakatau ‘apí, ke ke toe feinga ke alāanga mo e KiwiSaver.

‘E tokoni kapau te ke vakai‘i ‘a e fa‘ahinga ‘o e polokalama ‘okú ke kau ki aí, ko hai ho‘o kautaha fakahoko ngāue ki he polokalamá, ko e hā ‘a e lōloa ho‘o to‘o ‘inasi ki he polokalamá mo e hā ‘a e lahi/mahu‘inga kuó ke to‘o ki aí. ‘E tokoni eni ki ho‘o tohi kole ki ha Fakapa‘anga ki he Fuofua Fakatau ‘Apí mo e toho ki he fuofua fakatau ‘apí mei he KiwiSaver.

‘E ala lava foki ‘a e kau mēmipa ‘o e pa‘anga vāhenga mālōlō ‘oku fenāpasi mo e tu‘utu‘uní mo e ngaahi polokalama vāhenga mālōlō ‘oku faka‘atā ai ‘a e ngāue‘angá meí he totongi ki he KiwiSaver, ‘o ‘atā atu ki he Fakapa‘anga ki he Fuofua Fakatau ‘Apí.

Te ke lava ‘o talanoa ki ho‘o ngāue‘angá, vakai‘i ha fa‘ahinga fakamatala na‘á ke ma‘u mei ho‘o kautaha fakahoko ngāué, pe talanoa ki he Potungāue ki he Pa‘anga Hū Mai ‘a e Pule‘angá ‘i he 0800 549 472.

Kapau ‘oku ‘ikai ko ha mēmipa koe ‘o e KiwiSaver pea loto ke kau kiai, telefoni ki he 0800 549 472 pe hū ki he www.ird.govt.nz/kiwisaver(external link) pe hū ki he www.sorted.org.nz(external link) ki ha toe fakamatala lahi ange ki he KiwiSaver.