Ko homau ngaahi kaungā‘apí
Kapau ‘oku ‘i ai ha ngaahi ‘Api nofo‘anga ‘a e Kāinga Ora ‘i ho ngaahi kaungā‘apí, ‘e ‘i ai ‘a e taimi ‘e fiema‘u nai ai ke ke talanoa mai kiate kimautolu.
Kapau ‘oku ‘i ai ha‘o lāunga ‘okú ke loto ke mau ngāue ki ai, ko ha fokotu‘u fakakaukau ‘okú ke fie ‘omai, pe ko ha talanoa ‘okú ke fie vahevahe fekau‘aki mo ha ngāue lelei, ‘oku mau fie fanongo ki ai meiate koe.
‘Oku mau ‘ilo ‘oku lelei ‘a e feohi mo e fanga monumanu pusiakí/lalatá pea ‘oku mau fiema‘u ke hokosia ‘e he ‘emau kau nofo totongí mo honau ngaahi fāmilí ‘a e ngaahi lelei lahi ‘o hono ma‘u ha monumanu pusiaki.
Kapau ‘oku fakangata mai ho ‘apí ki ha ‘api ‘emau kau nofo totongí pea ‘oku ‘i ai ha‘o palani ke fakangata ‘aki ha ‘ā, te mau fakakaukaua ke tokoni atu ki he fakamole ‘o e ‘ā fo‘oú pe ko ha fakalahi/fakalelei ki ha ‘ā ‘oku ‘osi tu‘u, ka ‘e fiema‘u ke ke ‘omai ha fanongonongo ki ai ‘i ha tohi.
Kapau ‘oku ‘i ai ha‘o ngaahi palopalema fekau‘aki mo e fakalelei‘i ‘o e kelekelé, fakalelei‘i ‘o e ‘ulu‘akaú, pe palopalema ‘o e maumau mei ha matangi, fetu‘utaki mai kiate kimautolu.
Kapau ‘oku ke fiema‘u ke vakai‘i ‘emau ngaahi ‘apí pe ko ‘emau ngofua ki he ngaahi palopalema ki he fakatafenga vaí pe felotoi ki ha ngofuá, ‘e fiema‘u ke ke ‘omai kiate kimautolu ‘a e fakamatala totonú.
Kapau ‘oku ke mahalo‘i ha fa‘unga ta‘efakalao, pe ko ha liliu ki ha ‘api ‘a e Kāinga Ora ‘oku ‘ikai ha fakangofua ki ai ‘oku totonu ke ke fetu‘utaki mai kiate kimautolu.
Kapau ko ha tokotaha ma‘u ‘api fakafo‘ituitui koe pea ‘oku ‘i ai ha‘o ngaahi fehu‘i fekau‘aki mo e ngaahi fakangofua ‘i he Resource Management Act pe ngaahi fakatau kelekele Fakakongá, fetu‘utaki mai kiate kimautolu fakataha mo ha ngaahi fakaikiiki pau.