Greys Ave (Te Mātāwai)
Ko e langa fakalakalaka fo‘ou mo faka‘ofo‘ofa ko ‘eni ‘e he Kāinga Ora ‘i Greys Avenue ‘i he feitu‘u Central Auckland ‘oku fakataha‘i ai ha ngaahi ‘api langa fo‘ou ‘e 276 ‘i ha ‘ātakai ‘oku faitokonia ke fakaivia hono kau nofó ke nau fehokotaki mo hoko ko ha kau mēmipa longomo‘ui ‘o e komiunitií.
Talitali lelei ko e ki ‘api ‘i he Te Mātāwai
Ko e ngaahi ‘api ‘i he kolo fakaonopooni ko ‘eni ‘i koló ‘oku fakatefito ia ‘i ha komiunitī kehekehe, fie tokoni mo fehokotaki. ‘Oku hoko ia ko ha feitu‘u ‘oku talitali lelei ki ai ke nofo, ngāue mo tupulaki ‘i he senitā ‘i he koló ‘o Tāmaki Makaurau.
Ngaahi me‘a tefito ‘oku hā atú
- ngaahi ‘api ‘e 276
- sēvesi malu‘i Hapori Kaitiaki ‘i he feitu‘u ko iá ki he komiunitií 24/7
- ngaahi netiueka tokoni 24/7 ‘i he feitu‘u ko iá mo ha ngaahi sēvesi ki he mo‘ui leleí ‘oku ‘atā angé
- Fa‘u ke tokonia ‘a e nofo fakakomiunitií ‘aki ha ngaaahi feitu‘u ‘oku fevahevahe‘aki ‘oku faka‘atā ki ha ngaahi me‘a ‘e fakahoko, ‘eve‘evá mo e fakafehokotakí
- ‘Oku hā ‘i he konga ki he falikí ha ngaahi ‘ēlia fakakomēsiale, mo ha ngaahi pisinisi kuo fili ke nau tokoni‘i a e ngaahi fiema‘u ‘a e kau nofó mo e komiunitī ‘o e koló.
Ko e mauri ‘o e Waihorotiu
Ko e feitu‘u Te Mātāwai ‘i he 139 Greys Ave ‘oku lele ofi atu ia ki he Waihorotiu. Kuo fa‘u ai ‘a e ngaahi fale ‘i hení ke ho‘ata ai ‘a e mauri pe ko e mo‘ui ivi‘iá (life force), ko e tu‘unga longomo‘ui ‘o e wai mo ‘ene tikanga. ‘Oku kofukofu ‘e he ivi ko ‘ení ‘a e ngaahi falé; ‘o fakama‘a, fakamo‘ui mo malu‘i kinautolu kotoa ‘oku nofo, ngāue mo ‘a‘ahi ki aí.
‘Oku fakaivia ‘a hono fa‘u ‘o e ‘alaminiumé mo e nāunau kuo fa‘ufa‘u tōmu‘á ‘e he mauri ‘o e vaí, pea fokotu‘u ai ‘a e kaveinga ‘oku fakaloto lahi ‘i he kotoa ‘o e feitu‘ú ni.
Ko ha founga ‘oku tokoni lelei angé
‘Oku fakataha‘i ‘e he Te Mātāwai ‘a e ngaahi fale nofo‘anga ma‘á e kakaí mo e ngaahi sēvesi fakahoko-tokoní ‘oku fa‘u ma‘á e kakai ‘oku nau fiema‘u lahi taha iá. ‘I loto ‘i he ‘ātakai ko ‘ení, ‘e lava ke langa ai ‘e he kau nofo aí ha ngaahi netiueka fakasōsiale lelei mo ha ngaahi sēvesi ‘oku ‘atā atu ke tokoni‘i ‘enau mo‘ui leleí, tu‘unga lelei ‘o enau mo‘uí mo e fakalakalaka fakafo‘ituituí.
Ko e Te Mātāwai ‘oku fakatefito ia ‘i he manaakitanga. ‘Oku fekau‘aki ia mo hono ohi hake ‘o kinautolu ‘oku nofo aí mo fakapapau‘i ko e fakafeangai ki he tokotaha kotoa pē ‘oku fakahoko ia ‘i he faka‘apa‘apa mo e anga ‘ofa.
‘Ilo lahi ange fekau‘aki mo ‘emau ngaahi fale nofo‘anga ‘oku tokoni atú.
Ko ha senitā ki he ‘ulungāanga fakafonua kehekehe
Ko e Te Mātāwai ‘oku fakalaka atu ia ‘i ha feitu‘u nofo‘anga pē. ‘Oku ne ‘oatu ki he fa‘ahinga ‘i he feitu‘ú ‘a e ngaahi netiueka ‘oku nau fiema‘u ke nau tupulaki ai ‘i he ngeiá mo e nofo malú pea ohi ai ha ongo ki ha ‘amanaki lelei mo kau ki ai.
Ko e ngaahi ‘ekitivitī mo e ngaahi feitu‘u ‘atā ki he komiunitií ‘i he Te Mātāwai ‘oku fa‘u ia ke poupoua ha komiunitī ‘o ha kakai kehekehe ke nau kau atu ai ki ha ngaahi kaungā‘api ‘i ha feitu‘u ‘i kolo ‘oku longomo‘ui.
Ngaahi Fetu‘utakí
Ngaahi faka‘eke‘eke fakalūkufua ‘a e kakaí
Kapau ‘oku ‘i ai ha‘o fa‘ahinga fehu‘i pe fakakaukau ki he langa fakalakalaká, pea mo lēsisita ki he ngaahi fakamatala fakamuimui tahá, fetu‘utaki ki he tematawai@kaingaora.govt.nz
Ngaahi faka‘eke‘eke meí he mītiá
Kapau ‘oku ‘i ai ha‘o ngaahi fehu‘i ki he mītiá, fetu‘utaki ki he media@kaingaora.govt.nz Fakahā mai kiate kimautolu ‘a e taimi ‘e fiema‘u ki aí ‘i he taimi ‘oku ‘omai ai ho faka‘eke‘eké pea temau fai homau lelei tahá ke ngāue ki ho‘o kolé.