Tohi Kole ki he Fakapa‘anga ki he Fuofua Fakatau ‘Apí

‘Oku mau fokotu‘u mālohi atu ke ke tohi kole ki hano fuofua tali mai ‘o e tokoni fakapa‘angá. ‘Oku ne to‘o atu ‘a e tu‘unga fakamahamahaló pea tokoni ki hono fakavave‘i ‘a e ngāue ki aí.

Hili ho‘o lau ‘a e fakamatala ‘i laló pea ‘i hono ma‘u kotoa ‘a e me‘a ‘oku ke fiema‘ú, te ke lava ‘o tohi kole mai ‘i he ‘initanetí(external link).

Tomu‘a tali ‘o e tokoni fakapa‘angá (Pre-approval)

Ke tohi kole ki ha tomu‘a tali ‘o e tokoni fakapa‘angá, ‘e fiema‘u ke ke fakakakato ‘a e  Tohi Kole ki hano Fakapa‘anga ha Fuofua Fakatau ‘Apí, kau ai ‘a e ngaahi me‘a fakapepa ‘oku hā ai ‘a ho‘o pa‘anga hū maí mo e ngaahi to‘o ki he KiwiSaver.

Ko hono tomu‘a tali ‘o e kole tokoní ‘e ‘aonga ia ‘i ha māhina ‘e 6 – kapau ‘e te‘eki ai ke ke fakatau ha ‘api ‘i he vaha‘a taimi ko iá ‘e fiema‘u leva ke ke toe fai ha tohi kole.

Kapau ‘oku ke ma‘u ha fuofua tali ho‘o kole tokoní, ko ho‘o ma‘u pē ha ‘api ke ke fakataú, ‘e fiema‘u ke ke ‘omai ‘a e Aleapau Fakataú mo e fakamo‘oni ‘o e tipōsití ‘i he uike ‘e ua kimu‘a ‘i he aho totongi ‘osí.

Tohi kole mai ‘i he hili hano tali ‘o ha tala mahu‘inga (offer)

Kapau kuó ke fakahoko ha alea ola lelei ki ha ‘api ke fakatau pea ‘ikai ke ke ma‘u ha tali ki he tokoni fakapa‘angá, ‘e fiema‘u ke ke tohi kole ki ha  Fakapa‘anga ki he Fuofua Fakatau ‘Apí ‘o ‘ikai toe si‘isi‘i hifo ‘i he uike ‘e 4 kimu‘a ‘i he ‘aho totongi ‘osí. Kātaki ‘o fetu‘utaki mai ‘i he 0508 935 266 kapau ‘oku si‘isi‘i hifo he uike ‘e 4 ‘a e fakakakato ‘o e fakatau ‘o e ‘apí, koe‘uhi ‘e ‘ikai ke totongi atu ha tokoni fakapa‘anga hili ‘a e hoko ‘a e me‘á ni.

Me‘a ‘oku ke fiema‘ú ke malava ai ‘o tohi kole maí

Vakai‘i pe ‘okú ke ‘atā atu ki ai - Kapau kuo te‘eki ai ke ke fai pehē, fakapapau‘i ‘oku ke ma‘u ‘a e ngaahi makatu‘unga ki ha Fakapa‘anga ki he Fuofua Fakatau ‘Apí.

Vakai‘i ‘a e ngaahi makatu‘unga ki he ‘apí - Kimu‘a ke tohi kole ki ha tali kakató, fakapapau‘i ‘oku ma‘u ‘e he ‘apí ‘a e ngaahi makatu‘unga ‘oku fiema‘u ki ha Fakapa‘anga ki he Fuofua Fakatau ‘Apí.

‘E fiema‘u ke ke ma‘u ha ngaahi tatau faka‘ilekitulōnika (ko e fakatātaá, PDF) ‘o e kotoa ‘o e ngaahi me‘a fakapepa ko ení ke tānaki atu ki ho‘o tohi kole ‘i he ‘initanetí.

Lau‘itā ‘ilo‘i‘angá - Ko ha tatau kuo paaki ‘o ho‘o paasipootí, tohita‘ú pe laiseni faka‘ulí ‘i he hingoa ‘okú ke tohi kole atu ‘akí.

Kapau ‘okú ke tohi kole ki ha tali kakato ‘o e tokoni fakapa‘angá ‘e toe fiema‘u foki ke ke ‘omai ‘a e:

• Aleapau Fakataú - Tatau kuo fakamo‘oni tohinima ki ai ‘o e aleapau fakataú ‘o ‘ikai toe si‘isi‘i hifo ‘i he uike ‘e 2 kimu‘a ‘i he ‘aho totongi ‘osí.
• Fakamo‘oni ‘o e tipōsití - Fakamo‘oni ‘okú ke ma‘u ha tipōsiti ‘oku ‘ikai toe si‘isi‘i hifo ‘i he 5% ‘o e mahu‘inga fakataú.

‘I ho‘o ma‘u pē ha fuofua tali ‘o e tokoni fakapa‘angá pea ma‘u mo ha falé - ‘E fiema‘u ke ke ‘omai ‘a e aleapau fakataú mo e fakamo‘oni ‘o e tipōsití.

Ko hono langa ha ‘api fo‘ou

Kapau ‘okú ke langa ha ‘api fo‘ou, ‘e toe fiema‘u ke ke ‘omai:

• ha aleapau langa mo e/pe ha tala mahu‘inga mei ha tokotaha ‘okú ne fika‘i fakapa‘anga ha langa
• ha tatau ‘o ho‘o totonu ke nofo ‘i ha kelekele ‘a e kau Maulí, kapau ‘oku kaunga atu eni.

Ngaahi fehu‘i?

Kapau ‘oku ‘i ai ha‘o ngaahi fehu‘i kimu‘a ke ke fai ‘a ho‘o tohi kolé, pe fiema‘u tokoni ki ho‘o tohi kolé, te ke lava ‘o:

• telefoni mai kiate kimautolu ‘i he 0508 935 266
• ‘īmeili mai kiate kimautolu ki he  enquiries@kaingaora.govt.nz.

Tohi kole mai ‘i he ‘initanetí

Tohi kole mai ‘i he ‘initanetí he taimí ni(external link)

Fakapapau‘i ‘okú ke ma‘u ha ngaahi tatau kuo hiki faka‘ilekitulōnika ‘o e kotoa ‘o ho‘o ngaahi me‘a fakapepa ‘okú ke fiema‘ú ke ke lava ‘o tuku hake ia (upload) mo ho‘o tohi kolé. Ko e tohi kole ‘i he ‘initanetí ‘e fiema‘u ke fakakakato ia ‘i loto ‘i he miniti ‘e 59 – ‘i he hili iá ‘e ‘osi ‘a e taimí pea ‘e fiema‘u ke ke toe kamata fo‘ou.