/ Ngaahi fakamatala fakafika kuo tānaki ki he ngaahi fale nofo‘angá

Ngaahi fakamatala fakafika kuo tānaki ki he ngaahi fale nofo‘angá

‘I he kuata takitaha, ‘oku paaki ‘e he Kāinga Ora ha ongo fa‘ahinga fakamatala ‘e ua ki he‘emau ngaahi fale ‘oku mau tokanga‘í mo e ngaahi ‘api ‘oku ‘ikai nofo‘í.

Kuo liliu ‘a e lahi ‘o e tu‘unga fiema‘u ki he‘emau ngaahi ‘apí talu ‘a hono langa ‘o e konga lahi ‘o e ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá kimu‘a ‘i he 1980. ‘I he ‘aho ní, ‘oku mau fiema‘u ha ngaahi ‘api loki mohe taha, ua mo e nima ‘i homau ngaahi kolo tefito lalahí.

Ke fakalato ‘a e fiema‘u ko ‘ení, ‘oku mau hanga atu ki hono toe fakalakalaka fo‘ou, langa, fakatau mai mo lisi ha ngaahi fale nofo‘anga ‘i he feitu‘u ‘oku mau fiema‘u ki ai kinautolú. Ke tokoni ki hono fakapa‘anga ‘o e ngāué ni, ‘oku fakapotopoto ke mau vakai‘i hano fakatau atu ha ni‘ihi ‘o e ngaahi ‘apí.

‘E lava ke fakatau atu ha ngaahi ‘api ki ha ngaahi ‘uhinga kehekehe, kau ai ‘a e fu‘u motu‘a ‘a e ‘apí pea fu‘u mamafa fakapa‘anga ‘a hono tauhí, ‘ikai ke ne toe feau ‘a e ngaahi fiema‘u ‘a e kau kasitomaá, ‘ikai ke ne ma‘u mai ha pa‘anga fe‘unga, pe ‘oku ‘ikai ke tu‘u ‘i he feitu‘u totonú ke feau ‘a e fiema‘ú.

Ko ‘emau tukupā ki he kaha‘ú ke hoko ‘a e ngaahi fale ‘a e pule‘angá ko ha konga ia ‘o ha ngaahi komiunitī mo‘ui lelei mo tu‘uloa, kau ki ai ‘a e ngaahi ‘api ‘oku ma‘u ‘e he pule‘angá, ngaahi fale ki he kakai ‘oku tu‘unga mā‘ulalo ‘enau pa‘anga hū maí mo e ngaahi ‘api fakataautahá.

Ngaahi sitetisitika ki he ngaahi fale nofo‘angá - Ngaahi ‘api ‘oku mau tokanga‘í

Ko e Kāinga Ora ko e lenilooti lahi taha ia ‘i he fonuá ki he ngaahi ‘api nofo totongí. ‘Oku mau ma‘u pe tokanga‘i ha ngaahi ‘api ‘e 60,000 tupu.

‘Oku mau hokohoko ngāue atu, ko ha konga ia ‘o ‘emau ngāué, ke fakapapau‘i ‘oku fe‘unga ‘a e ngaahi fa‘ahinga ‘api totonu ‘oku mau ma‘ú, ‘i he ngaahi feitu‘u totonú, ke fakalato ‘a e fiema‘ú.

‘I he lolotonga ní, ‘oku fu‘u lahi ‘a ‘emau ngaahi ‘api ‘i he ngaahi vahefonua iikí pea ‘ikai fe‘unga ‘a e ngaahi ‘api ‘i he ngaahi feitu‘u ‘i koló ‘a ia ‘oku mā‘olunga ange ai ‘a e fiema‘u ki he fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá. ‘Oku fu‘u lahi foki mo ‘emau ngaahi ‘api loki mohe tolú kae ‘ikai fe‘unga ‘a e ngaahi feleti iiki angé pe ngaahi ‘api ki he ngaahi fāmili tokolahi angé, ‘i he ngaahi feitu‘u ‘oku lahi ai ‘a e fiema‘ú. Ke toe lelei ange ‘a ‘emau fakalato ‘a e fiema‘ú mo fakalelei‘i ‘a e tūkunga ‘oku ‘i ai ‘a homau ngaahi ‘apí, ‘oku mau lolotonga ngāue ke toe fokotu‘utu‘u fo‘ou ‘a ‘emau ngaahi ngāué.

Ngaahi līpooti lolotongá - 19 Mē 2023

Ngaahi ‘api ‘oku mau tokanga‘í - Mā‘asi 2023 - Fakamatala fakanounou ki he fonuá kotoa

Ngaahi ‘api ‘oku mau tokanga‘í - Mā‘asi 2023 - Ma‘u Mafai Fakakolo ki he Feitu‘ú (TLA)

Ngaahi ‘api ‘oku mau tokanga‘í - Mā‘asi 2023 - Poate Fakakolo ‘a ‘Okalaní (ALB)

Ngaahi sitetisitika ki he Ngaahi Fale Nofo‘angá - Ngaahi ‘Api ‘Oku ‘Ikai Nofo‘í

Hangē pē ko ha fa‘ahinga lenilooti, ‘oku ‘i ai pē ha fo‘i taimi ia ‘oku ‘i ai ha ngaahi ‘api ‘e ni‘ihi ‘a e Kāinga Ora ‘oku ‘ikai nofo‘i lolotonga ‘o e ngata ‘a ha nofo totongi ‘e taha kae kamata ha nofo totongi kehe. Lolotonga ‘o e vaha‘a taimi nounou ko ‘ení, ‘oku fai ‘a hono sivisivi‘i ‘o e ‘apí ke fakapapau‘i ‘oku ‘ikai ha maumau ki ai meí he kau nofo totongí pea mo fakahoko ha ngaahi ngāue monomono kimu‘a pea toki hiki mai ki ai ‘a e tokotaha/kau nofo totongi fo‘oú.

Ko e ngaahi ‘api ‘a e Kāinga Ora ‘oku ‘ikai nofo‘i ‘i ha vaha‘a taimi lōloá ‘oku angamaheni‘aki ‘a hono tuku ‘ikai nofo‘í ke fakatatali ki ha toe langa fakalakalaka fo‘ou, kuo ‘uli‘i ‘e he mefi‘emifetaminí/‘aisí, pe ‘oku lolotonga fakahoko ki ai ha ngaahi monomono lalahi mo hanau toe fakafo‘ou.

Ko ha fale nofo‘anga ‘oku ‘ikai nofo‘i ‘o fakatatali ki hano fakatau atu ‘oku kau ki ai ‘a e ngaahi fale ‘oku fakatau atu ‘i he malumalu ‘o e polokalama Ma‘u ‘Api ‘a e Kau Nofo Totongí.

Ngaahi līpooti lolotongá - 19 Mē 2023

Ngaahi ‘api ‘oku ‘ikai nofo‘í - Mā‘asi 2023 - Fakamatala fakanounou ki he fonuá kotoa

Ngaahi ‘api ‘oku ‘ikai nofo‘í - Mā‘asi 2023 - Ma‘u Mafai Fakakolo ki he Feitu‘ú (TLA)

Ngaahi ‘api ‘oku ‘ikai nofo‘í - Mā‘asi 2023 - Poate Fakakolo ‘a ‘Okalaní (ALB)

Ko e līpooti ‘a e Potungāue ki he Fakalakalaka Fakasōsialé

‘Oku pulusi ‘e he Potungāue ki he Fakalakalaka Fakasōsialé ha līpooti fakakuata ki he ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá(external link), ‘a ia ‘oku lava ke ma‘u atu ‘i he‘enau uepisaití. Fakatokanga‘i ange ‘e ala ‘i ai ha ngaahi faikehekehe ‘i he līpooti atu ‘a e MSD mo e Kāinga Ora. ‘Oku tupu ‘eni meí he fefaikehekehe‘aki ‘i he taimí mo e ngaahi founga ngāué. ‘Oku ‘oatu ‘e he ngaahi fakamatala kuo tānaki ‘e he MSD ha ‘ata ‘i ha fo‘i taimi pau, ko e fakamatala kuo tānaki ‘e he Kāinga Ora ‘oku to‘o ia meí he tauhi‘anga fakamatala ki he ngaahi fakahoko ngāué ‘oku ho‘ata mei ai ‘a e ngaahi liliu ‘i he tu‘unga ‘o e kau nofo totongí.

Ngaahi līpooti kuo faile ‘i he tauhi‘anga lēkootí

Te ke lava ‘o lau ‘a e ngaahi līpooti motu‘a angé ‘i he konga ‘o e tauhi‘anga lēkootí ki he‘emau Ngaahi Sitetisitika ki he Ngaahi Fale Nofo‘angá.

Kuo fakafo‘ou ‘a e peesí: 17 ʻEpeleli 2024