Taiala Faataatia Tau Siosiomaga

O lo o folasia i le Taiala Faataatia Tau Siosiomaga [PDF, 1.1 MB] matafaioi a le faalapotopotoga e patino i le siosiomaga, ma galuega faatino ua fuafuaina e faatupu ai le malamalama tutusa i le gafataulimaina o tulaga ua ave i ai le faamuamua. E saunia ai se alafua manino i galuega e tatau ona taulai i ai le faamuamua, ma laasaga moomia e ausia ai sini autu mo le siosiomaga ma le tāua o le galulue soosoo tauau ma a matou paaga, tagata o faaaogaina auaunaga ma tagata lautele e faataunuu le ausia o taunuuga nei.

E faavae galuega faatino o le taiala faataatia a le faalapotopotoga i faiga taualoa autu e tolu:

1. Faamautinoa suiga sa‘o ma le tonu mo tagata o faaaogaina auaunaga ma tagata
2. Lagolagoina faanaunautaiga o tagata Māori mo tulaga gafataulimaina i nofoaga ua loto e nofo ai
3. Faaaoga tatau avanoa e maua mai i galuega tetele ma le maualuga o le tulaga a le Kāinga Ora i totonu o matātā faufale ma atinaega o fanua.

E faamoemoe le faataunuuina o faiga taualoa nei, i taunuuga autu e fa:

1. Taumafai e taofi le gaosia o kasa oona po o le faia o faaiuga e iu ai i le gaosia e isi o kasa oona (e aofia ai le aunoa o kasa oona mai metotia o faaaoga e suia ai fale, atinae tetele ma galuega faatino).
2. Faaaoga lelei ma faaaoga tatau punaoa aemaise lava i le tuuitiitia o le soona faaaoga o le suavai, tuuitiitia o le faamaimau ma le mau mea o faaaoga, lagolagoina suiga e faaaoga tatau ai punaoa auā le atinaega o lo tatou tamaoaiga.
3. Faatupu tulaga sili ona lelei e toe faaolaola ai le siosiomaga faalenatura o laufanua ma le suavai ma le iloa lelei a faaletonu laufanua, ua faapena na afaina le soifua manuia o vaega uma o le soifua o tagata.
4. Faaitiitia lamatiaga o suiga o le tau ina ia tuuitiitia aafiaga o le tau e afaina ai fale, tagata o faaaogaina auaunaga ma tagata, e aofia ai le puipui o fale ma fanua.

Laasaga autu e 10

E avea laasaga autu nei ma faafanua e ausia ai taunuuga autu i totonu o le faalapotopotoga atoa, faapea meafai e patino i fale ma atinaega o le taulaga. E patino laasaga muamua e tolu i le lotoifale a le faalapotopotoga, ia mautinoa le mauaa o faiga gafataulimaina ma le malamalama i tulaga o fesuiaiga o le tau i galuega faatino ma le faagasologa o faagaioia ai faaiuga autu a le pulega.

Faatulagana

1. Mauaa faiga e puleaina ai aafiaga o suiga o le tau i faaiuga fai
Faamauaaina aafiaga o suiga o le tau i lenei vaitaimi ma le lumanai i atinaega o taulaga, fale ma tulaga o faafaigaluegaina ai faaiuga fai, a o iloilo ituaiga fale ma nofoaga tonu e fau ai fale.

2. Mauaa auala e faaitiitia ai suiga o le tau i faaiuga fai
Lipotia aafiaga mai kasa oona e tusa ma faaiuga uma ma faatino se tau e tausisia ma taofiofia ai le gaosia e le faalapotopotoga o kasa oona ina ia tino mai folafolaga e tuuitiitia ai kasa oona.

3. Suesueina o le telē o kasa oona o gaosiaina ma fuafuaga e tuuitiitia ai
Saunia suesuega e iloa ai le telē o kasa oona o gaosiaina ma fuafuaga e tuuitiitia ai kasa oona ina ia ogatasi ma tulaga ua faataatia e le Malo ma le maualuga e 1.5°C ua faia mo pisinisi ma le atinaega o fale ma taulaga.

Fale

4. Carbon neutral housing
Faatupu isi tulaga maualuga atu o le polokalame carbon neutral housing ina ia ausia sini o faamoemoe e tuuitiitia ai kasa oona ma faaaoga tatau suiga lelei ua vaaia.  

5. Malosiaga faalenatura
Ia iloa lelei le gafatia o aseta o faaaoga i fale mo tagata lautele e maua ai malosiaga faalenatura e mafai ai ona tuuitiitia kasa oona ma le taugata o le soifuaga mo tagata o faaaogaina auaunaga.  

6. Tuuitiitia o le faamaimau mai galuega faufale ma nofoaga o fau ai fale
Fuafuaina lelei ituaiga aseta, ma auala e faamamā ai nofoaga o fau ai fale ina ia tuuitiitia le faamaimau ma faasao mea e mafai ona toe faaaoga auā le tausisia o taulaiga ua autasi uma i ai vaega faaupufai mo le lagolagoina o suiga e mafai ai ona faaaoga tatau punaoa e atiae ai lo tatou tamaoaiga.

Atinaega o le taulaga

7. Atinaega o le taulaga ma atinae tetele e maualalo kasa oona e gaosia mai ai
Fuafuaina atinae i auala e tuuitiitia ai le faaleagaina o le siosiomaga mai kasa oona, siitia le malosi e mafai ai ona toe faafoisia mai suiga o le tau ma faiga e gafatia ai ona toe tatupu le siosiomaga i auala faalenatura. Tuuitiitia aafiaga o kasa oona mai atinae tetele o tatou moomia ma faatupu i galuega tau atiae.  

8. Suia auala mo feoaiga
Lagolagoina taumafaiga e suia ai auala o feoai ai tagata i ituaiga auala e maualalo kasa oona o gaosia ai.

9. Vaomatua i totonu o taulaga
Toe fesootai tagata i le siosiomaga o siomia ai ma lagolagoina le toe faaolaola o le siosiomaga e ala i le toe totō o vaomatua i totonu o taulaga.

10. Toe faaolaola suavai
Fuafuaina se taatiaga o tuaoi e mafai ai ona toe faaolaola alāvai ma fesootaiga o fanua i le suavai; ma le, tuuitiitia o faaputuga palapala ma iliili i alāvai.

Nisi faamatalaga

Malamalama i auala o matou fau ai fale e gafatia suiga o le tau ma tagata.