Siitia ese ma le nofoaga

E moomia na tuuina mai se faasilasilaga tusia i totonu o le 28 aso, a o lei siitia ese mai le fale Kāinga Ora.

E mafai na e faia se faasilasilaga i le pepa faatumu: Notice to End Tenancy Agreement [PDF, 500 KB] ma lafo mai.

Siitia i se isi fale Kāinga Ora

Afai e te fia siitia i se isi fale Kāinga Ora, e sili ai ona tau amata mai au taumafaiga i le Customer Support Centre i le 0800 801 601. Tatou te faatalanoa ai tulaga e patino ia te oe, ma saili fale o avanoa i se vaipanoa e fetaui ma tulaga o e moomia. E faafetaui fale Kāinga Ora ma manaoga o tagata nofo mautotogi, ma e tofu vaipanoa ma le lisi faatalitali, ma e le mafai ona matou folafola atu o le a mafai ona e siitia i le taimi lava lea.

A matou maua se fale mo oe ma ua faamaonia le mamā aulelei o le fale toe leai ma se mea na faaleagaina ma e leai ma se aitalafu, ona matou talosagaina lea o le Ministry of Building, Innovation and Employment(external link) e faaaoga lau tupe faamau o iai nei mo lou fale fou. O le a matou faatulaga foi tupe totogi mautotogi na e muai totogia e faaaoga i lou fale fou. E moomia na e faatonu se kamupani e fesiitaia meafale ma faaola le telefoni ma le eletise.

A uma ona e tuuina mai se faasilasilaga

O le matou maua ai o lau faasilasilaga i totonu o le 48 itula, ona matou avatu lea o se lisi o mea e siaki e fesoasoani i au tapenaga e te siitia ese ai ma faatonu ai se aso mo le asiasiga mulimuli e toe tagai ai i le Property Condition Report[JI1]  na faia i le uluai taimi na e siitia mai ai e te nofo i le fale. Afai e moomia na e totogi mea na lipea i le fale, e mafai na tatou faatulaga se faiga e toe totogi ai ia talafeagai ma lau tala o le tupe e mafai ai ona faamotu.

Faafesootai vave mai i se taimi e mafai ai, pe afai ua e manao e tuua le fale a o lei aulia le 28 aso e faagata ai. O vaipanoa e sili ona moomia ai fale ua matou saunia, e ono moomia ai lou siitia ese i se taimi i luma mai pe afai o mamā ma aulelei lou fale, ma ua tatou malilie faatasi e faamuta vave loa le mautotogi. A faapea o le tulaga lea o le a faia, o lona uiga e te totogia le fale seia siitia atu le isi tagata mautotogi e nofo ai.

Afai ua suia lou mafaufau

Afai ua suia lou mafaufau ma ua e le toe manao e siitia ese, ona mafai lea na e nofo ai pea pe afai e te lei faia se isi fuafuaga, e pei o lou faia o se isi mautotogi fou. Faafesootai mai i se taimi vave e mafai ai pe afai ua suia tulaga nei, e mafai ona matou fesoasoani atu.

Afai ua faamuta e Kāinga Ora lau mautotogi

Afai ua moomia e Kāinga Ora ona faamuta se mautotogi, ona tuuina atu lea o se faasilasilaga tusia mo le tolu masina (90 aso), se‘i vagana ua faia e le Tenancy Tribunal se poloaiga e faamuta ai loa.

O le taimi lava ua matou avatu ai se faasilasilaga, ona faatulaga lea o se aso e asiasi atu ai e vaai ni mea e moomia na toe lipea po o le toe faaleleia a o lei aulia le vaitaimi e te siitia ese ai.

Afai na e uluai nofoia se fale Kāinga Ora a o lei aulia le Aso Sa 7 Aperila 2019, o lona uiga na e totogia se tupe faamau. Afai na e totogia se tupe faamau, ona matou talosagaina lea o le Auaunaga Maliega Mautotogi a le Ministry of Business, Innovation and Employment(external link)e toe faafoi atu lau tupe faamau i luga o le mautinoa ai o lo o lelei le fale na e nofo ai ma e leai se aitalafu.