3. Sailiili
Saili tulaga uma e tatau ona e silafia a o tau vaavaai se fale e te manao ai ma metotia e maua ai se fale e fetaui tonu ma oe.
O le vaega tonu lea e tatau ai ona e iloa mea e vaavaai i ai pe a e alu e te matamata i se fale ua avanoa ma fesoasoani atu i le faiga o sau tauofoga.
Amata loa na saili sou fale!
Taulai i tulaga tonu o e moomia ma fua i luga o lau tala o le tupe e faaaoga ai fesili nei:
- e fia potumoe, faletaele ma avanoa e paka ai taavale o e moomia?
- o le a se taua o mea e pei o togalaau, faletaavale po o isi foliga o le fale?
- o le a se mamao mai le galuega, felauaiga faitele, faleoloa, malae mo tafaoga, falemai po o isi nofoaga faitele?
- o a mea o moomia e faafaigofie ai na e fealuai, i le fale faapea nofoaga faitele?
-
e iai se faaletonu i le soifua maloloina mo oe po o se isi o lou aiga e ono aafia ai se mea o moomia i se fale?
-
o e fuafua e faatau se fale o iai nei, po o fuafua e faatau mai se fanua po o le fau se fale i fanua Māori?
E mafai na e faaaoga le auivi faataitai Saili se fale fetaui ma oe [PDF, 149 KB] e faamanatu ai vaega autu nei.
Metotia saili ai se fale
Atinae tetele saunia e le Kāinga Ora:
E ono atinae tetele o faia nei o taitaia e Kāinga Ora i totonu o Aukilani, ma le tasi i Te Kauwhata, Waikato. E te maua nisi faamatalaga i fale o avanoa mo le fia faatauina atu mai atinae nei i le upegatafailagi o tusia i lalo ifo po o lou susū ane i se tasi o Information Centres.
Hobsonville Point(external link)
Tulimanu Launch Road ma le Bomb Point Drive, paka taavale iliili, Aso Lulu i le Aso Sa, 10am - 4pm.
Atinae Northcote(external link)
Paka taavale Northcote Town Centre, Aso Tofi i le Aso Toonai, 10am - 4pm
Atinae Roskill(external link)
Roskill South Info Cube – 142 May Road, Aso Lulu i le Aso Toonai, 10am - 4pm
Ōwairaka Info Cube – 80 Hendon Ave, Aso Tofi i le Aso Toonai, 10am - 4pm
Atinae Oranga(external link)
34 Oranga Ave, Aso Lulu i le Aso Toonai, 10am - 4pm
Atinae Mangere(external link)
12 Waddon Place, Aso Lulu i le Aso Toonai, 10am - 4pm
Atinae Lakeside(external link)
Lakeside Village Centre, tulimanu Scott Road ma le Rimu Street, Aso Tofi i le Aso Sa, 10am - 4pm
Lisi o soo se ituaiga fale ma fanua:
E maua le fua faatatau o fale ma fanua ma faamatalaga faamaonia mo soo se fale, nofoaga ma le talaaga o vaitaimi na taulia ai:
E te iloa mai au sailiga o faia, le eseese o ituaiga fanua umia. E faamatala atu e le loia faufautua po o le fua fanua le eseesega o fanua umia ma tulaga e te aafia ai.
E lima ituaiga fanua umia autu i Niu Sila:
- Totogifuapau fanua umia saoloto - E te umia le fanua ma e leai ma ni tuutuuga e taofia ai le faaaogaina o le fanua ma e pule lava oe i mea e fau i luga o le fanua, se‘i vagana e iai ni aia faamauina po o aia e le i faamauina e taofia ai le faaaogaina o le fanua.
- Fanua lisi - O tulaga e ese ai le tagata e umia le fanua ma e iai lana aiatatau e lisi atu ai le fanua (e nofo ai pe fau ai se fale) mo se vaitaimi faatulagaina.
- Fale pipii faatasi - O tulaga masani le toatele o tagata e umia vaega taitasi o se ogafale tele. E te umia le afeafe o e nofo ai ae umia faatasi nofoaga faaaoga tele (e pei o faapaologa, lifi, togalaau ma potu tagamea).
- Umia faatasi - Tuufaatasia le umia saoloto ma le fanua lisi. I lalo o se maliega o tuufaatasia ai le umia saoloto ma le lisi o se fanua, e te umia:
- se vaega o le fanua saoloto faatasi ma isi o umia le fanua lisi
- e patino vaega o le fanua ma le fale o e nofo ai e iai lau aia i le lisi.
- E faatulaga i lalo o le maliega tuufaatasia o fanua umia saoloto ma fanua lisi aiatatau ma noataga mo tagata taitoatasi o umia le fale.
- Fanua Māori - E noatia fanua Māori i le Te Ture Whenua Maori Act 1993, ma e mafai na taofia i lalo o se tausi mavaega a se faalapotopotoga tuufaatasi Māori po o se pule toatasi po o le puleaina toatele.
Faatauina mai i luga o ata fuafuaina?
Ua e malie e faatauina mai se fale a o le i uma lelei na fau. E te iloa foliga o le fale pe a uma na fau mai ata fuafuaina a le tomai faufale po o tusitusiga fuafuaina ma toe iloilo le lisi atoa o tulaga maoti ma mea o aofia a o le i sainia le maliega faatauina atu ma le faatauina mai.
O le auala sili e te iloa ai tulaga tonu o le fale o lou alu i ai e te matamata i ai ma vaai foliga o le tuaoi pe faamata e fetaui ma au fuafuaga. Fai se kopi o le fale avanoa fia faatauina atu [PDF, 35 KB], e te iloa ai tulaga patino o se fale o e manao i ai ma le faatusatusaga o fale [PDF, 37 KB] e faamaumau ai fale na e matamata ai.
Ua e iloa lelei itu tino o fale na e matamata i ai, ma ua tatau loa ona e saili fautuaga mai tomai faafaigaluega:
- Tagata asiasi fale - Na te maioio lelei tulaga uma o le fale pe a alu atu e siaki le fale ua e manao tele i ai ma avatu se lipoti aloaia o le tino o le fale. Na te mafaia ona faasino atu mea o leaga ma faaletonu e ono toe moomia le toe faaleleia, e aofia ai faaletonu o moomia na fai loa i ai o se galuega, ma siaki le malosi o le tino o le fale po o foliga e iloa ai e mama gofie. E ono noatia le aofia o se lipoti aloaia a le tagata asiasi fale i le faaunegatupe mo se fale ma le maliega e faatauina atu ai/po o le faatauina mai.
E te maua le lisi o tagata asiasi fale i le tou vaipanoa i le boinz.org.nz(external link).
Tagai i nisi o itulau tafailagi faaopoopo e aoga i au “Sailiiliga.”
- Lisi o mea e siaki – Searching [PDF, 155 KB]
- Sailiga o se fale fetaui lelei [PDF, 149 KB]
- Lisi o mea e siaki – Asiasiga i se fale o faatau [PDF, 35 KB]
- Faatusatusaga o fale [PDF, 37 KB]
- Ituaiga fale
- Saili se tagata asiasi fale(external link)
- Te Kooti Whenua Māori(external link) - Mo auaunaga faaletulafono ma lagolagosua e fesootai i fanua Māori
- Te Matapihi(external link) - Metotia mo Fale Papakāinga
Metotia saili ai se fale:
- Hobsonville Point(external link)
- Atinae Northcote(external link)
- Atinae Roskill(external link)
- Atinae Oranga(external link)
- Atinae Mangere(external link)
- Lakeside Development(external link)
- OneRoof(external link)
- realestate.co.nz(external link)
- Trade Me(external link)
- homes.co.nz(external link)
- QV(external link)
- Le tou pulega faalotoifale(external link)
Uma na faafou le itulau: 15 July 2026