Kāinga Whenua
Maua atu se tupe e faatupe ai se fale a Māori o tu i fanua Māori e umia toatele.
O le Polokalame Faaunegatupe Kāinga Whenua o se taumafaiga na faavae e Kāinga Ora ma le Kiwibank e fesoasoani ai i tagata Māori o fia umia fale o tu i fanua Māori e umia toatele.
E mafai ona maua faaunegatupe mo tausi mavaega tau fanua Māori, ma tagata taitoatasi e iai lana aiatatau e nofoia ai fanua Māori e umia toatele. E eseese tulaga moomioa ma le faiga e faagasolo ai talosaga, ma e lelei lou filifili o le vaega tonu e te fia malamalama atili ai.
E ono faafaigata ona maua se fesoasoani tupe e fau ai se fale i fanua Māori, talu ai le lavelave o tulaga o le fanua e faamau ai se fale ma le fanua i le silasila a faalapotopotoga fai nonogatupe, e pei ona latou faia i faaunegatupe masani mo fale. Na o le fale e mafai ona faamau ai se faaunegatupe Kāinga Whenua, ae e le mafai ona fai i luga o le fale ma le fanua e pei o le tele o faaunegatupe mo se fale.
E faamaonia ma tuuina mai e le Kiwibank le faaunegatupe, ma e tatau ona e faamalieina aiaiga o nonogatupe faapea aiaiga a le Kāinga Whenua. E saunia e Kāinga Ora le inisiua mo le faaunegatupe o le mokesi e totogi i le faalapotopotoga fai nonogatupe.
E iai vaega o le faaunegatupe Kāinga Whenua e tapu i ai le ituaiga fale e mafai ona fau, faatau mai pe fesiitai atu mai se isi nofoaga e faatu i le fanua. Na o fale fogafale tasi e le itiiti ifo ma le 50 sqm le lautele, e le pa‘i le faavae i le eleele, ma e le tau mamao mai le auala e talia. E tatau ona tu i le motu i Matu po o le motu i Saute.
Malamalama atili i
- Faaunegatupe Kāinga Whenua mo tagata taitoatasi
- Faaunegatupe Kāinga Whenua mo tausi mavaega fanua Māori
- Faatau pe fau se fale fou e faaaoga ai le faaunegatupe Kāinga Whenua [PDF, 1.3 MB]
- Faaunegatupe Kāinga Whenua [PDF, 773 KB] Manatua: e faaaoga le faamaumauga lea mo se faamaoniga ma faatoa faamae‘a tulaga uma e tatau ona faia e le Kāinga Ora – Homes and Communities i le taimi lava ua maua ai faamaumauga faaiu o se faaunegatupe mai le Kiwibank. Ona lafo lea o faamaumauga i lau Loia Faufautua mo le fia maua o tagata uma e tatau ona saini ai.
- lagolago faaopoopo a le Māori Housing Network (external link)
Uma na faafou le itulau: 31 January 2023