Vaai lelei lou fale
Vaai lelei lou fale Kāinga Ora, ma faia suiga e faafetaui ma manaoga faapitoa ma tulaga e tatau ona iloa pe a asiasi atu tomai faumea faapitoa i lou fale.
Maimoa mai e te iloa ai mea e moomia na toe faaleleia i lou fale.
O tulaga nei e faamautinoa e Kāinga Ora:
- vaai po o mamā ma aulelei le fale a o lei siitia atu e te nofo ai
- lelei le tino o le fale - ua matou saunia se polokalame e faatumauina ai galuega faaleleia i fale uma matou te umia
- lipea mea o moomia vave i se taimi vave e mafai ai
- siaki po o ola lelei faailo asu
- toe lipea mea e vave na uma le aogā ona e faaaoga soo i se taimi vave e mafai ai.
Talosaga mo se galuega faaleleia
E faamatala tulaga faanatinati ua moomia vave na toe lipea e aafia ai lou soifua maloloina ma le saogalemu. O tulaga e mafai ai, o le a faapena na faatino i totonu o le 4 itula.
O mea faanatinati o moomia vave le fia lipea e pei o:
- paipa ua mama leaga, lē sua le vai vevela po o le vai malulu.
- se faaletonu i le falelēta'ua, faletaele, faatanoavai po o paipa mo suavai palapala. Alavai ua poloka po o ua pa.
- se kesi ua mama po o ua lē ola.
- lē ola le eletise.
- faaletonu i se mea e puipuia ai le fale e pei o se faitotoa, loka po o se faamalama ua malepe.
- puipuiga mai se mu, faailoasu ua malepe, fia faaavanoa auala e sao ese ai i taimi o faalavelave faafuasei.
Faafesootai mai mo nisi lava o tulaga nei i le 0800 801 601 ma filifili le Option 4 – repairs and maintenance.
E mafai na talosaga isi mea o fia lipea i le MyKāingaOra(external link). E vave, faigofie ma e iloa ai le tulaga ua oo i ai se mea na faatalosagaina.
Afai o se galuega e le o vave moomia ona faatonu lea o se fai konekarate e alu atu e siaki mea o moomia i totonu o le 10 aso faigaluega. E iloa se tonu mautu pe a fautuaina e le fai konekarate le faatino i se taimi vave e mafai ai po o se galuega e tatau ia i matou ona faatino i lalo o matou polokalame galuega faaleleia. E talafeagai na faatino nisi o galuega toe lipea i le taimi e tasi, e pei o le toe vali po o le toe faafou le tele o fale na i lo le eseese o taimi e faatino ai. Tatou te galulue faatasi e fai se tulaga sili ona lelei.
| Ituaiga galuega faaleleia | Taimi faamoemoeina e faatino ai |
|---|---|
| Faatino se galuega faaleleia mo tulaga moomia tele e aafia ai tulaga tau soifua maloloina ma le saogalemu | 4 itula |
| Faatino se galuega faaleleia mo tulaga moomia tele (e le fesootai i tulaga tau soifua maloloina ma le saogalemu) | 48 itula |
| Faatino galuega faaleleia masani (e le o moomia vave na faaleleia) | 10 aso |
| Lautelega o se tali atu (mea leaga tetele po o se galuega faaopoopo i luga atu o se galuega lipea le tumau na fai) | 30 aso |
Faia e a‘u lava galuega lipea
E le moomia na e faafesootai mai mo galuega laiti e pei o le faamau o fao ma sui moliuila, ae mafai ona fesoasoani atu pe afai e te le o mafaia po o le lē fetaui o meafaigaluega e fai lelei ai.
O le a matou siaki galuega na e faia, e mautinoa ai o ausia tulaga moomia tau saogalemu. Afai e le ausia tulaga moomia ma ua tatau na alu atu se fai konekarate e toe fai, ona sauni lea mo tulaga e te ono totogia ai le galuega.
O mea ‘ona, asbestos ma vali filogia i le ‘ele
E iai fale tuai na fau i mea e gaosia ai le asbestos ma/po o ituaiga vali filogia i le ‘ele. E leai se afaina o mea nei pe afai o lelei lava tulaga o iai.
E patino lava tulaga faamalosia e lote ai ma e faafaigaluega tomai faumea e iloa lelei le faiga e lote ai.
A e vaaia i mea ua malepe foliga o asbestos po o se vali filogia i le ‘ele faafesootai mai.
Faia suiga i se fale mo se manaoga faapitoa
Afai e te nofo mautotogi i se fale Kāinga Ora ma e iai sou manaoga faapitoa po o le moomia o se suiga e faafaigofie ai na e fealuai i totonu o lou fale, ona e faafesootai mai lea e faatalanoa auala e mafai ona fesoasoani atu ai. Faafesootai mai
Tomai faumea faapitoa
E noatia fai konekarate o matou faafaigaluegaina i se Tulafono Laiti o Amioga. E tatau ai ona latou:
- fesootai atu e faatulaga se taimi mo se galuega lipea e fai - se‘i vagana o se galuega ua moomia ona fai loa ma e iai le faamoemoe e maua atu oe i le fale
- tusi lona igoa, tuatusi, numera telefoni, aso, taimi ma le mafuaaga e fia fesootai atu ai pe afai e le o maua atu oe i le fale
- faaali se ata e iloagofie ai a o lei ulufale i lou fale
- o le uma ai o se galuega i aso faigaluega taitasi, e tapena mamā ma teu lelei, ma aveese lapisi
- tausisia tulaga patino e le faalauaiteleina ma e le soona lotea au meatotino
- talafeagai lavalava o fai ma e faaaloalo i taimi uma.
E fesoasoani pe a e:
- i ai i le fale i le taimi na tou malilie i ai po o le vave faafesootai mai ae lei lata i le taimi na faatonuina pe afai e te le o avanoa
- faaavanoa le mea e fia fai ai se galuega faaleleia e le o poloka i meafale po o nisi mea
- vaai tamaiti ma fagafao e le o faalavelave i galuega o fia fai.
Uma na faafou le itulau: 16 April 2026