E galulue faatasi Kāinga Ora ma le KiwiSaver

• E fai ma sui o le Malo e faafoea le Fesoasoani Tupe Muai Fale Faatau; ma
• Faamautinoa pe faamata na umia muamua e se tasi se meatotino, ma ua le toe umia, ma ua agavaa e talosaga le tala o le KiwiSaver e fesoasoani e faatau ai se fale

O ē o fia maua se Fesoasoani Tupe Muai Fale Faatau, e tatau ona talosaga sa‘o i le Kāinga Ora, i totonu o taimi faatulagaina. E tele vaega e tatau ona faamalieina e agavaa ai, ma e lelei lou faitau i le Fesoasoani Tupe Muai Fale Faatau e te maua ai faamatalaga auiliili mo se talosaga o fia fai.

Na pau lava le matafaioi a Kāinga Ora i tulaga ua tala ai i tua le vaega tupe lea mo le fia muai faatau o se fale, le iloiloina o tulaga tau tupe a ē sa umia muamua fale e faamautinoa pe agavaa pe leai. Afai na e umia muamua se fale, e tatau ona fai se talosaga(external link) mo le fia faamautinoa o tulaga o moomia e tuuina atu i le Kāinga Ora. O le a matou iloiloina lau talosaga e faamautinoa ai pe faamata e leai se suiga o tulaga tau tupe e pei o se tasi o muai faatau se fale, e tusa ai ma aseta mautinoa o e umia.

Afai o muai fia faatau sou fale ma e leai ma se vaitaimi na e nofo aitalafu ai i ni tupe tului mo au meatotino ma ua e manao e tala au saofaga KiwiSaver, e le moomia ona e tuuina atu se talosaga i le Kāinga Ora. Pau lava lau gaioiga e fai o le tuuina sa‘o o lau talosaga i le vaega KiwiSaver o teu ai au saofaga.

Matou te fautuaina lou toe faitau i faamatalaga e te malamalama lelei ai i le faiga o le KiwiSaver, a o lei faia se talosaga mo se Fesoasoani Tupe Muai Fale Faatau po o le tala i tua o saofaga mo se muai fale faatau.

E taua tele le siaki o le ituaiga vaega o teu ai au saofaga, o ai tonu faalapotopotoga o aafia ai, o le umi na e fai saofaga ai ma le aofaiga o au saofaga. O itu taua nei e fesoasoani i lau talosaga mo se Fesoasoani Tupe Muai Fale Faatau ma le tala i tua o au saofaga mo se muai fale faatau.

E ono agavaa foi sui fai saofaga o le complying fund ma pule o galuega na lesitala i le polokalame e tuusaunoa ai mo le Fesoasoani Tupe Muai Fale Faatau.

E mafai ona e talanoa i lou pule o le galuega, siaki soo se faamatalaga na maua atu mai le faalapotopotoga o teu ai au saofaga, po o le faafesootai le Inland Revenue i le 0800 549 472.

Afai e leai sau KiwiSaver ma ua e manao e fai sau lesitala, vili le 0800 549 472 pe tagai i le www.ird.govt.nz/kiwisaver(external link) po o le www.sorted.org.nz(external link) mo nisi faamatalaga o le KiwiSaver.