Faiga Fou
O lo o faia e Kāinga Ora suiga i faiga o fau ai fale ia aogā, faatupu ai manuia ma e gafataulimaina.
Matou te galulue soosoo tauau ma paaga tau atinae ma paaga faufale e atiina ae faiga fou e siitia ai tulaga lelei ma le vave fau o fale fou a o faatumauina tulaga gafatia ma le aogā i le soifua maloloina ma le soifua manuia o tagata o nofoia fale.
E galulue soosoo tauau vaega o nafa ma faiga fou ma Scion, BRANZ, Callaghan Innovation ma isi tautai faufale. O nisi nei o avanoa na matou faaaogaina e maua ai tekonolosi fou, ma faiga o faagasolo ai ma oloa e ono faalavelavea ai taumafaiga e aofia ai:
- Suesuega faalotoifale o le faalapotopotoga ma polokalame tau atiae mo mea faufale ma faiga faavae
- Se faiga e faaaoga ai GIS e iloa ai le taatiaga o lologa, sone o galuega tau eleele ma sone mo fuafuaga i ata faasatelite 3D, ma e faagaioia ai vailiiliga o fale 3D
- Suia konekarate faufale taitoatasi i se maliega e faaaoga mo le tele o tausaga e ta‘ua o le Construction Partnering Agreements, ma e faamatuu atu ai i paaga tulaga mautinoa e moomia ai ona latou saunia faiga fou ma faatuputeleina ai
- Faapuupuu le taimi e saunia ai pemita e tau auala atu i tulaga faatonuina, ma faiga e mafai ona toe faaaoga ma ua muai faamaonia i faailoga Lifemark ma le Homestar
- Galulue faapaaga ma Piritahi e faafaigofie galuega tetele o moomia e saunia ai fanua mo atinaega tetele.
O lo o matou faalauaiteleina le faaaogaina o mea o fau i nofoaga ese e fai ma metotia tau fausaga, faapea ma le faaaogaina o ituaiga fausaga e mafai ai ona fesiitai fale ma mea faufale anagata e pei o puipui laupapa.
O le tele o fale tuai ua susū ma faigata ona faamafanafana. O lo o toe faafou a matou fale o i ai nei ia fetaui ma tulaga faaonaponei ma fau fale fou e faasao ai se vaega tele o le eletise ma le suavai. O faiga nei e atili lelei ma aogā ai fale mo tagata o umia fale ma le paneta. E tele tulaga moomia o Tulafono Laiti Faufale ua pasia e fale fou na matou saunia. O ituaiga molī e faasao ai le eletise, ituaiga augutu paipa e faasao ai le suavai, mea e taofiofi ai le mafanafana i totonu o fale, ma le sautualua o faamalama, o mea uma nei e atili mafanafana ma tuuitiitia ai le taugata o le nofoia o fale.
E i ai le pule aloaia e taimua ai Kāinga Ora i suiga, ona o le pito telē o lona tulaga e saunia ai fale i Niu Sila. O lona uiga e tatau ona taimua i faiga fou ma galuega mo suiga lelei e fau ai le tele o fale.
O le Offsite manufacturing (OSM) o se metotia e faavave ai le fau o fale lelei, ma o ituaiga e sili ona lelei mo tagata ma aiga, nofoaga, ma le matātā galuega o fausaga.
Faitau isi faamatalaga i le OSM
E faavae ituaiga fale ua saunia e Kāinga Ora e ta‘ua o Passive House i tulaga lelei na folafolaina: e lelei i le nofo, e maua le ea lelei i totonu ma e le tele se malosiaga faaeletise e faaaoga ai.
O ituaiga fale nei e mafai ona faatonutonu e le fale lava ia le vevela, ma e faaaoga mea faufale tulaga maualuga, ma masini e mānava ai ma toe maua atu ai le mafanafana.
E maua e tagata o nonofo i Passive House faiga e gafatia ona faamafanafana ai le fale, lelei ma manaia le ea i totonu o le fale ma le fetaui o le vevela e maua i le tausaga atoa. E tusa ma se faatatau faalesiosiomaga, o lona uiga o ituaiga fale sili ona lelei ma e sili ona tuuitiitia ai faiga o gaosia ai kasa oona.
E fou lava le fausaga o faia ai Passive House i Niu Sila, ma e moomia se vaega faapitoa e fuafuaina ituaiga fausaga nei e maua ai tulaga faatonuina po o tulaga tutusa le aogā ma ituaiga Passive House.
Faitau isi faamatalaga i le Passive Houses ma le Bader Ventura Passive House Pilot
Talu ai le telē o le polokalame e fau ai fale fou, ma le pule aloaia e saunia ai fale e sili ona lelei mo tagata o faaaogaina auaunaga, ua folafola ai e Kāinga Ora le fua o tulaga lelei i nisi o fale fou i le taimi lava faatoa uma na fau ma nofoia ai.
Galulue faatasi ma tagata o faaaogaina auaunaga ua tuuina mai le maliega, matou te aoina mai ai faamaumauga, e iloa ai tulaga lelei o fale e fua i le mafanafana ma le itiiti o le eletise e faaaoga ai. E tuufaatasi faamatalaga nei ma manatu faaalia o tagata o faaaogaina auaunaga, ina ia maua se ata atoa o le lelei ma le aogā o le fale i le nofo.
O le aoina mai o faamatalaga nei o se tasi o vala o tulaga ua matou folafolaina auā le faaleleia faifai pea, ma le faataunuuina o a matou aga taualoa gafataulimaina. E mafai ai ona matou iloa avanoa mo galuega faaleleia, ma fautuaina ai tulaga faatonuina o fale e fau i le lumanai ina ia maua e tagata o faaaogaina auaunaga o saunia e Kāinga Ora fale e mafanafana, matū ma lelei i le nofo e le soona alu ai tupe e tau faamafanafana ma tau faamālū ai.
O lo o faia uluai suesuega ‘faataitai’ i Porirua, ma e i ai le faamoemoe e faalauaitele atu i le atunuu atoa.
I totonu o taulaga, o lo o fau ai fogafale tolu e faaaoga ai puipui laupapa (CLT) i sitepu. E pei lava le malosi o puipui laupapa nei ma ituaiga e faasima po o ituaiga e fau i apamemea ma e mafai na tipi tonu lava i le ituaiga puipui o moomia i falegaosi mea – e tuuitiitia ai le taimi e tau fau ai i le nofoaga tonu o fau ai le fale.
Maimoa i le video e te iloa ai le vave ona faauma atoa o se apitaga i totonu o Aukilani e faaaoga ai CLT i nofoaga tu lata i le taulaga e pei o Ponsonby.
Uma na faafou le itulau: 17 October 2022