Faailoa faamatalaga i le mamalu o le atunuu
E manino lelei le pule aloaia a le Kāinga Ora e faataunuu ai le saunia o le tele o fale e tali atu ai i le moomia vave e tagata. O le faamoemoe o talatalaga le faailoa o lipoti lata mai i tagata e tusa ma fale o fau i nofoaga o soifua ma ola ai, ma lagolagoina ai le uluola o tagata ma afioaga.
Tele le manaomia o fale
E folafolaina atu le galulue malosi e faatunuu le tele o fale e tulaga lelei i le malosi e gafatia ai, i se taimi vave e mafai ai, e auala atu i le toe tau atiae o fanua ma galuega faapaaga ma isi e aofia ai fai atinae faufale ma iwi.
Matou te le o nofonofoai i le saili o avanoa e faatuputeleina ai fale a le malo ona o tulaga e avea ai fale Kāinga Ora ma suiga lelei i le soifua o tagata ma augatupulaga fai ae.
E taua le soifua ma ola i se fale mautu, mafanafana ma lelei – e faasolo mai aoaoga ma galuega e tau lava i le itu faaletino ma le mafaufau. Ua tele naua aiga ma tamaiti o soifua ma ola i se siosiomaga e le mautu, ma ua matou folafola ai le faataunuu o le fau o fale fou i se taimi vave e mafai ai e tali atu ai i le moomia vave o fale.
E faalagolago nofoaga tonu e fau ai fale i le moomia o fale ma avanoa e saunia ai le tele o fale i se vaipanoa e latalata i aoga, fesootai ai i auala mo feoaiga lautele, faleoloa ma isi auaunaga o moomia ma faigofie ona maua e aiga.
Atiae afioaga e uluoloa, gafataulimaina ma sapaia ai tagata uma
E lē na o le saunia o fale mafanafana ma matū ae faapena foi le lagolagoina o tagata ma fesoasoani e atiae tuaoi faalotoifale.
Matou te fia galulue faatasi ma tagata e atiae afioaga e uluola, gafataulimaina ma sapaia ai soo se tagata. O le tasi o auala e mafai ai ona matou faataunuu lea faamoemoe o le faamautinoa o le fuafuaina o fale ma atinae i se faiga e mafai ai e tagata ona fesootai ma toaga e auai i meafai i totonu o lotoifale o soifua ma ola ai. O atinae tetele o matou saunia e aofia ai le saunia o nofoaga taalaelae mo tafaoga, ma nofoaga e faaaoga faatasi.
E fuafua foi atinaega i aafiaga o taumafaiga nei i tagata o faaaogaina auaunaga, tuaoi ma le lotoifale atoa.
E muamua lava le faamuamua i tagata o nonofo i fale o matou vaaia e ono aafia i galuega tau atiae.
E faailoa atu foi i isi tuaoi e latalata i atinaega ua matou faia ia malamalama i fuafuaga ua tapena atu i ai. E tau auala atu le faailoa o faamoemoega nei i tusi e momoli sa‘o i fale, faatalanoaga e tuu asiasi i ai tagata, fonotaga e faia i luga o le initaneti, ma fesootaiga televavave.
E masani ona fesootai ma pulega faalotoifale, mana whenua, aoga, auaunaga o saunia oloa ma auaunaga ma Faipule faalotoifale, auā o sui nei o tagata lautele.
O faatalanoaga e tuu asiasi i ai o avanoa e fesili ma tali atu ai ma faatupu ai avanoa e talatalanoa ai ma tagata lautele
Faatinoga o galuega e tusa ai ma le faagasologa o se pemita
O le tele o fale fou, e auala atu i se atinae na matou amatamea ai pe afua mai se fai atinae faufale tumaoti, e moomia lava ona faagaioia e tusa ma le faagasologa o se pemita o moomia.
E faafoe e pulega faalotoifale le faagasologa o se pemita. E aofia ai vaega e pei o le iloiloina pe faamata o lava lelei atinae tetele ma auaunaga e lagolagoina ai le atinae o faatalosagaina ma e faapefea ona ogatasi ma le Fuafuaga a le Itumalo.
O le pule faitalia a le Pulega e fai ai se faaiuga pe faamata e tatau ona faailoa i tagata lautele se talosaga ua faia mo se pemita.
Afai e faia e le pulega faalotoifale se faaiuga e le moomia ona faailoa i tagata lautele o se talosaga mo se pemita mo le faia o se atinae fou mo fale o fia fau, ona faapena lea ona leai foi ma se tuutuuga e tatau ai ona faia ni talatalaga po o le faatalanoa ma tagata lautele o se faamoemoe e fau ai fale fou a le malo, peitai e faailoa pea lava i tagata tulaga ua oo i ai taumafaiga e tusa ai ma faiga lelei o matou tausisia.
Afai ua manatu ai le Pulega e tatau ona faailoa i tagata lautele se talosaga mo se pemita mo se atinae, ona faatalanoa lea o le fuafuaga ma tagata e tuaoi i ai le atinae e tusa ma le faagasologa o le faiga o se pemita.
Poloketi tetele
Ua loa tausaga na matou tapena ai poloketi tetele ma e faitau afe le tele o fale na fau ma ua mautu lelei fuafuaga, ma e ese le auala e faia ai talatalaga.
E lautelē talatalaga e faia mo poloketi tetele, ma e atagia ai faiga faapaaga o aseta teufaafaigaluegaina ma faiga faapaaga ua faia mo atinae faapenei.
O ituaiga faagasologa faapenei matou te galulue faatasi ai ma tagata e tuufaatasi se fuafuaga mautu, ma e patino lava talatalaga ma mana whenua, aoga ma faalapotopotoga o saunia auaunaga e pito telē lo latou sao i mea faitele ma le faataunuuina o auaunaga.
Uma na faafou le itulau: 17 October 2023