Polokalame Tau Fanua

O le auala lea e mafai ai e Kāinga Ora ona saunia fale i luga o tulaga ua le mafai ai ona maua fale i fefaatauaiga masani, ma mafai ai ona matou faataunuu tulaga o faamuamua e le malo mo le atinaega o nofoaga tu taulaga.

E faalagolago le ausia o lea faamoemoe i faiga faapaaga ma pulega faalotoifale, iwi ma isi paaga tau atinae fausaga tetele, ina ia gafatia i fefaatauaiga masani le faataunuu tele o fale o moomia ma ituaiga e gafatia e tagata na totogi.

E faapefea ona faagaioia?

O le polokalame lenei ua mafai ai e Kāinga Ora ona nono se vaega tupe e $2 piliona e faatau mai ai fanua ma faatupe atinae mo le fia fau o fale e gafatia na totogi ma fale tumaoti.

O le faamoemoe o le Polokalame lenei le faatino o poloketi i totonu o taulaga eseese i le atunuu atoa, e amata mai laufanua e lei faaaogaina muamua faasolo atu i tuaoi tu taulaga ma le taulaga o faatino ai poloketi Brownfield.

O le faiga masani e faataunuu ai le Polokalame e aofia ai le sa‘o ma le fetaui lelei o fanua e faatauina mai e Kāinga Ora, o laufanua e lei faatoa muamua ma suia i se tulaga e mafai ona ‘fau‘ ai fale - faia galuega e suia ai le taatiaga o le laueleele, galuega tetele ma vaevae i fasi fanua e faatau atu, po o ‘fanua tetele.’ O le uma ai ona faatauina atu, ona faasolo loa lea o galuega faapaaga a le Kāinga Ora ma kamupani faufale tumaoti ina ia faataunuu le fau o fale ma nofoaga faitele mo tafaoga.

O ā tulaga e fua i ai ituaiga fanua matou te faatauina mai?

E faavae le Polokalame Tau Fanua Kāinga Ora i faiga taualoa ma vaega o ave i ai le faamuamua ma e faalagolago i nofoaga e fau ai, ina ia sa‘o ma fetaui fale o fau ma le ituaiga nofoaga o fau ai.

E malosi a‘ia‘i ma manino faiga e fuafua i ai a matou faaiuga mo le faatauina mai o fanua tetele. E faalagolago a matou faaiuga i tulaga tutasi ma manaoga eseese o itumalo taitasi ma itumalo laiti (ma tulaga ua le mafai ai i fefaatauaiga tumaoti ona faataunuu), atoa foi ma le tāua o fanua i tagata Māori, ma paaga tausi galuega o faatino galuega faufale i totonu o le itumalo e mafai ona galulue faatasi ma Kāinga Ora e faataunuu le fau o fale.

Ua agavaa ma talafeagai tomai o le aufaigaluega e tau saili ma faatau ituaiga fale ma fanua e fetaui tonu ma tulaga o moomia e tagata ma afioaga. E iai foi taimi e faatalosgaina ai i matou e sui lesitala fanua ma fale po o tagata e umia tumaoti fale ma fanua mo le tulaga lava lea.

E tele ina faatauina mai e Kāinga Ora fanua e le o faatauina atu i fefaatauaiga faamaketi, e auala atu i se fefaatauaiga tumaoti. Peitai, e iai taimi matou te auai ai i se fefaatauaiga faamaketi e aunoa ma ni noataga mo le fia maua o fanua e fetaui ma a matou fuafuaga. E faalagolago a matou tauofoga i faiga filigā e faamautinoa ai se tau e ofoina atu.

Taiala Faataatia mo le Faatauina mai Fanua Kāinga Ora

• Ferncliffe Farm i Tauriko West, Tauranga: Atinae faafaigaluegaina a Kāinga Ora i Tauranga
• 28 Adelaide Road i Mount Cook, Central Wellington: Faaopoopo le tele o fale i Ueligitone