Mauaina mai - saunia oloa ma auaunaga mo la matou faalapotopotoga
E tinou Kāinga Ora – Homes and Communities e saili kamupani ma faalapotopotoga e faasili ai faiga fou, faiga faatuatuaina ma faiga aogā e tusa ma tupe o faaalu ai.
O faiga uma o matou faaaoga e faatauina mai ai oloa e faia i totonu o le auivi e ta‘ua o le
- Tulafono ma Aga Taualoa mo le Faatauina Mai o Oloa ma Auaunaga a le Malo
- Kāinga Ora Taiala Faavae ma Taiala Faiga Masani
Galuega ma auaunaga faatino
O le Procurement Group o le nofoaga tutotonu o tomai faapisinisi. E faamaopoopoa ma vaavaaia taiala faataatia o maua mai ai oloa ma auaunaga, e tofia kamupani fai oloa, ma saunia konekarate mo kamupani fai oloa, ma le puleaina o oloa, auaunaga ma galuega e aofia ai galuega fausaga mo le faalapotopotoga.
Faiga e faagaioia ai
E sili ai lo matou faaaoga o faatulagana ua faia nei mo le saunia o oloa (konekarate ma kamupani fai oloa) a o lei tuuina atu avanoa mo tauofoga fou mai faiga faamaketi. O le a faasalalau i le Government Electronic Tendering Service (GETS) avanoa fou e saunia ai oloa, auaunaga po o galuega toe faafou e silia ma le $100,000 le tau ma fausaga fou e silia ma le $10 miliona. O le auaunaga lea e maua fua ma e saunia e le Ministry of Business, Innovation and Employment (MBIE).
Afai o e manatu ai tatou te felagolagomai i avanoa tau pisinisi ona lesitala mai lea i le gets.govt.nz(external link)
Matou te faaaogaina foi le Tenderlink, o se faiga tele faakomepiuta mo le mauaina mai o oloa ma auaunaga e faaaoga i le Itulagi i Saute. Tagai i avanoa o faasalalau i le Tenderlink(external link).
Na tuufaatasia e Kāinga Ora kamupani fai oloa e saunia oloa, auaunaga ma galuega. E iai kamupani fai oloa o tatala (matou talia talosaga i soo se taimi) po o ua tapunia.
E taua tele ia i matou le saogalemu o i latou ua matou faakonekarateina, ma o le auga tonu o le galulue faatasi ai ma paaga i tulaga Tau Soifua Maloloina & Saogalemu ina ia usitaia e au konekarate uma le faia o le H&S Pre-qualification mo le fia saunia o auaunaga galuega fausaga mo i matou. E tatau i kamupani fai oloa ona fai muamua le H&S Pre-qualification a o lei saunia ma faatino auaunaga o galuega fausaga mo i matou.
Faitau i agavaa ma tomai faatulagaina.
Kāinga Ora toe teuteu Tuutuuga Konekarate Auaunaga Faufautua (Conditions of Contract for Consultancy Services - CCCS). Na saunia tuutuuga nei faatasi ma faalapotopotoga autu e pei o le Te Kāhui Whaihanga New Zealand Institute of Architects ma le Association of Consulting and Engineering New Zealand. E fia faailoa le agaga faafetai i faalapotopotoga nei mo le tofa loloto ma le felagolagomai na mafai ai ona faia teuteuga i tuutuuga nei.
Fai se kopi o le faamaumauga na toe teuteu [PDF, 943 KB].
Faaali mai manatu i le cccsfeedback@kaingaora.govt.nz
O lo o folasia i la matou Tulafono Laiti Saunia Oloa ma Auaunaga tulafono e tatau i tagata o tou faafaigaluegaina ma au konekarate ona tausisia a o faatino galuega po o auaunaga mo Kāinga Ora. O kamupani ma faalapotopotoga ua faakonekarate e Kāinga Ora e faataunuu auaunaga moomia, ua tuu atoa i ai ma le faatuatuaga e avea ai ma foliga vaaia o aga tausili ua matou talitonu i ai pe a faatino galuega mo tagata nofo mautotogi.
Fai se kopi o le Kāinga Ora Tulafono Laiti Saunia Oloa ma Auaunaga [PDF, 825 KB]
Ua faagasolo le fau o le tele o fale ma tau atiae fale o iai i le taimi nei e tali atu ai i le moomia tele o fale mo tagata lautele. Ua matou faafaigaluegaina le $2.6 piliona i tupe alu mo galuega i fafo atu ma le faalapotopotoga, ina ia maua e kamupani o saunia auaunaga avanoa e faamautu ai galuega ma mafai ai ona matou ausia sini e saunia ai fale ma atiae ai afioaga mo tagata sili ona lamatia gofie. E faatuatuaina Kāinga Ora e totogi kamupani ma faalapotopotoga o saunia oloa ma auaunaga i le taimi e tatau ai.
Matou te tuuina atu le Annual Procurement Plan (APP) i le MBIE, o faatulaga ai galuega fuafuaina faaletausaga mo oloa ma auaunaga fuafuaina. E aofia le APP i le lisi ua tuufaatasia o oloa ma auaunaga o fuafuaina e le Malo o Niu Sila.
Fai se kopi o le lisi tuufaatasia o oloa ma auaunaga o fuafuaina e le Malo o Niu Sila(external link)
Manatua: E noatia le mauaina mai o oloa ma auaunaga o fuafuaina i suiga po o le faalēaogāina. Na o galuega e fua i ai tapenapenaga e aogā i ai faamatalaga nei. E le o se faiga e faatauanau po o se avanoa e tuuina mai ai se tauofoga, ma e le o se faiga mautu e faatau ai oloa ma auaunaga ua faamatalaina.
O iai se faamoemoe tatou te felagolagomai i tulaga faapisinisi? Tagai i avanoa o maua nei i le Tenderlink(external link) po o le Government Electronic Tendering Service(external link) (GETS)
Afai e leai se konekarate e patino mo oloa ma auaunaga o faatonu i le pepa oloa faatonu, ona faaaoga lea o tuutuuga ma aiaiga lautele ua saunia e Kāinga Ora.
E iai le talitonuga o le a tausisia e faalapotopotoga o saunia oloa ma auaunaga tuutuuga ma aiaiga lautele i le saunia ai o soo se oloa / auaunaga mo i matou.
Fai se kopi tuutuuga ma aiaiga lautele Kāinga Ora [PDF, 718 KB]
Taiala Oloa Saunia [PDF, 431 KB]
E faaaoga le Pā Harakeke o le Lautelega ma Auivi e Gafataulimaina ai le Maua o Oloa e faagasolo ai e Kāinga Ora auala e saili ma maua mai ai oloa ina ia ausia taunuuga lautele ma le gafataulimaina e tusa ma le Auivi Taunuuga Lautele ua faataatia mai e le Malo ma e ogatasi foi ma sini autu o taiala faataatia ua matou saunia.
E faaaoga e Kāinga Ora le Harakeke (pola maoi) e fai ma pine faamau o le lautelega ma le gafataulimaina o auala e maua ai oloa, ma e atagia ai lo tatou faafaileleina o sini autu gafataulimaina mo Niu Sila.
Faitau atoa i le Pā Harakeke - Lautelega ma Auivi e Gafataulimaina ai le Maua o Oloa
Ua faavae e le MBIE faatulagana o faiga lelei mo le mauaina mai o oloa, auaunaga ma galuega e le New Zealand Public Sector. E faaaoga e Kāinga Ora faatulagana o faiga lelei i auala o mauaina mai ai oloa ma auaunaga.
Ua saunia e le MBIE se taiala o se vaega o taumafaiga a le Malo e fesoasoani i faalapotopotoga o saunia auaunaga ma oloa ia fesootai lelei ma le Malo ma lagolagoina faiga lelei e maua mai ai auaunaga ma oloa.
Auala e saunia ai oloa ma auaunaga e tuuina atu i le Malo - le taiala(external link)
Le taiala:
- saunia se aotelega o maketi a le Malo
- faamatalaina ai tulafono ma le faiga o tausisia e matagaluega a le Malo e faagasolo ai le faatauina mai o oloa ma auaunaga
- faataoto atu ai vaega tonu e maua ai avanoa mo le Malo
- fautuaga i faiga e tapena ma tuuina mai ai se talosaga o se tauofoga, ina ia maualuga ai avanoa e ono filifilia ai la outou auaunaga e saunia oloa po o auaunaga e tuuina atu i le Malo
- faamatala ai faaupuga masani e faaaoga i le talosagaina ai o se tauofoga.
Mo nisi faamatalaga faitau i le upegatafailagi Government Procurement– faamatalaga mo kamupani o saunia ma maua mai ai oloa ma auaunaga(external link).
Matou te taulimaina manatu faaalia ma faaseā mai faalapotopotoga o saunia auaunaga ma oloa e tusa ma le Guide to Supplier Feedback and Complaints ua saunia e le MBIE.
Afai e iai se atugaluga po o se manatu faaalia e faatatau i le faiga o faagaioia ai le maua o oloa ma auaunaga, imeli le ProcurementComplaints@kaingaora.govt.nz ma e imeli atu se faamaoniga o lau fesootaiga i totonu o le 48 itula.
E saunia e le MBIE tulaga e tausisia ai agatapuia o manatu faaalia a se faalapotopotoga o saunia auaunaga ma oloa.
Silasila i le Guide to Supplier Feedback and Complaints(external link) e te iloa ai le faagasologa o le faiga o se faaseā aloaia.
Faafesootai mai
Afai ua suia se faamatalaga o au teugatupe i le faletupe, tuatusi, igoa o le kamupani po o isi lava faamatalaga na tuuina mai, imeli mai i le newsuppliersetup@kaingaora.govt.nz e iloa ai e le vaega Purchase to Pay suiga e tatau ona fai.
O faafesili uma e faatatau i avanoa e talosagaina ai se tauofoga e tatau ona faaoo mai e tusa ma faamatalaga auiliili o se faatalosaga e patino i se tauofoga.
O isi fesili lautele po o le fia tuuina mai o se manatu faafesootai le Procurement Team i le procurement@kaingaora.govt.nz.
Uma na faafou le itulau: 28 February 2023