Pule faitalia a tagata nofo mautotogi e toe foi mai ai

E le o lilo i le Kāinga Ora tulaga e faigata tele ai na tuua se nofoaga ua masani ai, ma ua saunia e le faalapotopotoga se taiala faavae e mafai ai e tagata nofo mautotogi ua aafia i se atinaega mo galuega faaleleia ona toe foi e nonofo i le vaipanoa sa nofo ai i se taimi vave e mafai ai.

O le ā le mea e tupu pe afai o matou fuafua se atinae mo galuega faaleleia

Afai ua e aafia i galuega e toe tau atiae ai se vaipanoa ma ua faanofo oe i se isi fale, ona maua lea o se avanoa e te faailoa ai i le Advisor Customer Liaison le vaipanoa e te fia nofo ai. E iloilo tulaga e pei o nofoaga e moomia tele na e asiasi i ai, e pei o aoga, galuega, fomai ma falesa.

O lona uiga o le a matou taumafai i tulaga e mafai ai e:

• saili se fale tumau i le vaipanoa o e nofo ai nei, pe afai o le tulaga lena o e manao ai.
• ae afai ua le mafai na matou maua se fale talafeagai i le vaipanoa o e nofo ai, ona matou siitia lea o oe e te nofo le tumau i se isi fale ae faamuamua loa na saili se isi nofoaga e te nofo ai.
• e le moomia na e toe foi i le vaipanoa sa e nofo ai, pe afai ua e le manao e te nofo ai pea i le vaipanoa lea, po o lou maua ai o se fale i fafo atu ma le vaipanoa sa e nofo ai.

Na saunia le taiala faavae Choice to Return e faanonofo ai le toatele o tagata mautotogi i vaipanoa e fetaui ma onomea ma le soifuaga o tagata. Atonu e umi se vaitaimi e saili ai se fale e fetaui ma onomea, ae tele atu avanoa maua mo tagata uma pe a faamatuu mai fanua e fau ai fale. E tuu atu ia te oe le faitalia e te faia ai se faaiuga o le vaipanoa e te nofo ai, pe afai ua e aafia i se atinaega o galuega e toe tau atiae ai ma ua moomia na e siitia ese.