Ituaiga fale

E le gata i le fau o fale tutasi a le malo ma fale tumaoti, ae faapena foi na fau fale piilua, fogafale lua pe tolu e faasitepu, fale e pipii puipui ma apitaga i totonu o nofoaga tetele. E tele fogafale tetele o matou saunia i taulaga tetele i Niu Sila. O se faataitaiga lelei i Aukilani, e mafai ona faatuputeleina fale i lalo o le Unitary Plan.

Fale tutasi

E ta‘ua fale tutasi o se fale e nofoia e tagata e lē pipii i se isi fale o nofoia e isi tagata. E masani na ta‘ua o fale e tasi lava se aiga o nonofo ai, e le pei o ituaiga fale e toatele aiga e nonofo ai.

Bridge Street

Fale piilua

O fale piilua e faanonofo ai tagata ma e aofia ai fale mo aiga e lua ma e tofu ma le faitotoa ese e ulufale atu ai. O le tele o ituaiga faapenei ua saunia e Kāinga Ora e tu faaautafa le isi fale i le isi ma e lua potumoe.

Kawakawa Lane

Apitaga i totonu o nofoaga tetele

O ituaiga fale nei e fetaui lelei mo aiga toalaiti e lē tele ni mea e tapena. Ua faailoa mai suesuega le maua o le fetausiai o tagata o nonofo i apitaga i totonu o nofoaga tetele e feololo le maualuga ma e lelei tele le faataatiaga. O le tele o apitaga i totonu o nofoaga tetele ua saunia e Kāinga Ora e tasi pe lua potumoe.

Banff Avenue

Fale pipii puipui

O fale pipii puipui e laina faatasi ai autafa o le isi fale i le isi. E tele atu ai fale e maua i se vaega fanua ma e sili atu ona taugofie nai lo fale tutasi. E maua fogafale lua faasolo atu i fogafale fa i fale pipii puipui.

Maria Street

Faasitepu

O ituaiga fale e fogafale lua pe fogafale tolu le maualuga e faasitepu. O le tele o ituaiga apitaga faapenei e maua ai le tasi ma le lua potumoe. O auiliiliga o ituaiga nofoaga eseese nei e faaaoga e Kāinga Ora i nofoaga e tau lata i le taulaga e faaaoga lelei ai fanua lauiti. E le o ni fale maualuluga ma e le moomia ai ni lifi.

Bader Drive, McKenzie Road ma le Cessna Place