Talosaga mo se Fesoasoani Tupe Muai Fale Faatau

Matou te fautuaina malosi lou faia o se talosaga mo se muai faamaoniga. E taofi ai le taumatemate ma vave faagaioi ai le faagasologa o faia.

A uma loa na e faitau i faamatalaga o tusia i lalo ma ua maua faamaumauga uma o moomia, ona amata fai loa lea o le talosaga i luga o le initaneti(external link).

Muai faamaoniga

A fia faia se talosaga mo se muai faamaoniga, e moomia na e faia se talosaga mo le Fesoasoani Tupe Muai Fale Faatau, e aofia ai ma faamaumauga o faaali ai au tupe maua ma saofaga KiwiSaver.

E 6 masina le umi e aogā ai muai faamaoniga na taliaina – e moomia ona e toe talosaga pe afai e te lei faatauina se fale i totonu o le vaitaimi lea.

Afai ua e maua se muai faamaoniga, ma ua e maua se fale e fia faatau mai, e moomia ona e tuuina mai se maliega faatauina atu ma faatauina mai ma faamaumauga o le Faamaoniga o le tupe faamau i se vaitaimi e le itiiti ifo ma le lua vaiaso a o lei aulia le aso e aloaia ai.

Fai se talosaga i le luma ai ona talia o se tauofoga

Afai ua faamanuiaina se tauofoga na e faia i se fale ma e te lei maua se muai faamaoniga, e moomia ona e faia se talosaga mo se Fesoasoani Tupe Muai Fale Faatau i se vaitaimi e le itiiti ifo ma le 4 vaiaso a o lei aulia le aso e aloaia ai. Faamolemole faafesootai mai i le 0508 935 266 pe afai ua itiiti ifo ma le 4 vaiaso le vaitaimi o totoe a o lei aulia le aso e aloaia ai, talu ai e le mafai ona totogi atu se fesoasoani tupe pe a tuanai le faia ai o le tulaga lea.

O tulaga nei e moomia e fai ai sau talosaga

Siaki pe faamata e te agavaa - Afai e lei faia le tulaga lea, ia mautinoa o e ausia tulaga moomia mo se Fesoasoani Tupe Muai Fale Faatau.

Siaki le faavasegana o le fale - A o lei faia se talosaga mo se faamaoniga atoa, ia mautinoa o ausia e le fale tulaga moomia mo se Fesoasoani Tupe Muai Fale Faatau.

E moomia na faapipii kopi faatekonolosi (mo se faataitaiga, PDFs) mo faamaumauga uma nei i lau talosaga e fai i luga o le initaneti.

Ata e iloagofie ai - Se kopi o lou tusifolau, pepa fanau po o le laisene avetaavale i le igoa o faia ai lau talosaga.

O nisi nei o faamaumauga e moomia ona e tuuina mai pe afai o e talosaga mo se faamaoniga atoa:

• Maliega faatauina atu ma faatauina mai - Se kopi o le maliega faatauina atu ma faatauina mai ua sainia ma faamauina le aso na faia ai ma e le itiiti ifo ma le 2 vaiaso talu ona faia lea tulaga a o lei aulia le aso e aloaia lelei ai.
• Faamaoniga o le tupe faamau - Faamaoniga o se tupe faamau e le itiiti ifo ma le 5% o le tau e faatau mai ai.

A e maua loa se muai faamaoniga ma ua e maua se fale - E moomia na e tuuina mai le maliega faatauina atu ma faatauina mai ma le Faamaoniga o le tupe faamau.

Fau se fale fou

O faamaumauga nei e moomia ona e tuuina mai, pe afai e fau se fale fou:

• se konekarate faufale ma/po o se tau fuafuaina mai se tagata suesue fanua ma fale
• se kopi o lau aiatatau e nofoia ai fanua Māori, pe afai e talafeagai

Fesili?

Afai o iai se tulaga o e fia malamalama ai a o lei tuuina mai lau talosaga, ona e:

• telefoni mai i le 0508 935 266
• imeli mai i le enquiries@kaingaora.govt.nz.

Talosaga i luga o le initaneti

Fai nei loa se talosaga i luga o le initaneti(external link)

Ia mautinoa ua scan uma kopi o faamaumauga o moomia ma tuuina faatasi mai ma lau talosaga. E 59 minute e tatau ona faamae‘a lelei ai lau talosaga i luga o le initaneti – a pasi ma le taimi lea ona toe fai lea o le talosaga.