Tuuina mai o manatu faaalia po o se faaseā
Faailoa mai, pe afai o iai se faaseā ua e manao e fai i ai se fuafuaga, se fautuaga o e manao e faailoa mai, po o le fia faailoa o se galuega lelei na fai.
E sili ia i matou le maua e tagata o fale Kāinga Ora e manaia ma lelei i le nofo – ma o tulaga tonu lava lena i le tele o aiga. Ae a tulai mai faafitauli, ona faapena lea ona matou faia galuega uma e maua ai se taunuuga lelei mo tagata uma.
Afai e i ai se tulaga o se fale Kāinga Ora e te lē o fiafia ai po o le fetaiai ma se faafitauli, faamolemole faafesootai mai i se taimi vave e mafai ai. E eseese ma tele auala e mafai ona e faafesootai mai ai e faailoa mai ai se manatu po o le faia o se faaseā – tagai i le vaega Faafesootai mai.
Afai e fia tuuina mai i luga o le initaneti se faaseā ona faaaoga lea o le Pepa faatumu manatu faaalia ma faafesili, i le vaega ‘Faaseā’ o le ‘Ituaiga faafesili.’
E i ai faamatalaga taua e moomia mo le suesueina o se faaseā ua e faailoa mai. O faamatalaga nei e moomia:
- O le faafitauli ma le fesootaiga o lea faafitauli i le Kāinga Ora
- Faamolemole faailoa mai le tuatusi, pe afai e patino i se fale Kāinga Ora
- Faamolemole faailoa mai, pe afai e patino i se mea na tupu:
- Le aso ma le taimi na tupu ai
- O tagata na aafia ai
- O isi faamatalaga talafeagai e te manatu e ono fesoasoani e foia ai se faafitauli.
Matou te fautuaina lou faailoa mai foi o lou igoa, tuatusi ma faamatalaga e faafesootai atu ai. O lona uiga e mafai ai ona matou maua atu oe e faailoa atu tulaga ua oo i ai se suesuega po o le fia maua mai o nisi faamatalaga o moomia. E lē taofia ai sou manao e faalilolilo le faiga o lau faaseā.
E lē māmā ia i matou faaseā ma e faia galuega e maua ai taunuuga lelei mo tagata o nonofo i fale o matou saunia ma afioaga. E faalagolago i tulaga tonu o se mea o tupu, ma e lē faatatopea, ae faasili ai le faia o le mea sa‘o.
E ui i taumafaiga e faailoa atu ai tulaga ua oo i ai se suesuega, e tatau foi ona e malamalama e iai lava tulaga e tapulaa ai mea e mafai ona matou faasoa atu e pei ona faatulafonoina i le Privacy Act. O lona uiga e i ai gaioiga patino na matou faatinoa po o isi laasaga o fuafua i ai e lē mafai ona matou faailoaina atu.
E lē tau mate le lē maua o se nofo lelei ona o tulaga faapenei, tau lava o lou iloa ma le mautinoa o matou faia mea uma e foia ai faaletonu i se taimi vave e mafai ai. E ui i le tulaga ese o laasaga patino matou te faia i tulaga taitasi, e ono aofia ai ma vaega nei:
- Faatalanoa ma tagata o faaaogaina auaunaga le tulaga ma auala e foia ai – e tele lava na o le pau lava lea o le faatatau e foia ai
- Saunia lagolagosua e talafeagai ona faatino i tagata o faaaogaina auaunaga e tali atu ai faaletonu i mea e pei o lapisi ma galuega faaleleia
- Fesootai tagata o faaaogaina auaunaga ma matagaluega tau lagolagosua e tali atu ai i le faapogai o se faafitauli
- Faaaoga metotia o tusia i le Residential Tenancies Act i tulaga e moomia ai, e aofia ai le tuuina atu o se faasilasilaga o tulaga ua solia po o se lapataiga
E faamoemoe e faailoa atu i totonu o le lua aso faigaluega le maua ai o se faaseā, ma tatou fesootai pea a o tau suesue tulaga tonu o se mea na tupu.
Afai o e faatali mo se lipoti lata mai, faamolemole faafesootai le vaega Customer Support i le 0800 801 601 e toe tulitatao ai tulaga o lau mataupu ma le vaega tonu o vaaia lau mataupu.
E i ai tulaga e sili ai le faafesootai o se isi matagaluega mo se fesoasoani, a o le i faailoa mai i le Kāinga Ora. E aofia ai le:
- Afai ua e manatu e iai se tasi ua lavea, vili vave loa leoleo i le 111
- Afai o e masalomia ni amioga soligatulafono, lipotia loa Leoleo i le 105
- Afai o fai ma faatiga le pisapisaō, faafesootai le ofisa e pulea le pisapisaō mai le tou Pulega faalotoifale
- E mafai ona faafesootai le Animal Control Office o le tou Pulega faalotoifale, pe afai o se faafitauli i taifau.
- Afai o e popole i le ola o se meaola po o le tuulafoai o se fagafao, faafesootai se SPCA o lata ane.
A uma ona faafesootai se tasi o faalapotopotoga i tulaga o e popole ai, faamolemole faailoa mai loa i le faalapotopotoga e iloa ai le mea o tupu ma faamautinoa ai au fesootaiga ma isi pulega. O lona uiga e lē gata i le faia o la matou tiute e suesue ai lau mataupu, ae faapena ona faasino oe i le matagaluega e fetaui tonu ma lau mataupu e maua ai isi faamatalaga pe a moomia.
E ui i le tele o fale Kāinga Ora e manaia ma lelei i le nofo, e iai lava tulaga, e tupu ai amioga faavevesi e faatiga ma faapopole ai tagata o se tuaoi.
E lē natia aafiaga o tulaga faapenei ma ua matou faia tulaga uma e foia ai – ma e tele metotia e taulimaina ai tulaga faapenei.
E saili e Kāinga Ora avanoa e maua ai e tagata taunuuga lelei mo tagata o nofoia fale o saunia e le faalapotopotoga ma afioaga. E galulue vavalalata i tulaga e tatau ai ma tagata o faaaogaina auaunaga, aiga ma isi auaunaga tau lagolagosua ia malamalama i le faapogai o amioga faapenei ma sapaia taumafaiga gafataulimaina e faaleleia atili ai.
E ui i le muai faia o se faatatau e suia ai amioga faapenei, e tele foi isi metotia e tali atu ai – e aofia ai le faaaoga o metotia o maua i le Residential Tenancies Act (RTA), i tulaga e talafeagai ai.
E itiiti lava tulaga ua lē mafai ai ona faaauauina se mautotogi mo le lelei o le tagata o faaaogaina auaunaga po o tagata lautele, e mafai ona matou faia – ma ua iai tulaga ua matou faia ai le – faagata o mautotogi. A aliae tulaga faapenei e masani ona matou ofoina atu se isi fale Kāinga Ora i le tagata o faaaogaina auaunaga, ma e tele lava na talia avanoa faapenei e maua ai se isi amataga fou e aunoa ma nisi faaletonu.
E patino lava faiga e tali atu ai i tulaga taitasi ma e tele lava isi tulaga e fua i ai se faatatau, ma e ono fai si lavelave. E lē suia ai lava le faamoemoe – o le maua o se taunuuga sili mo tagata uma, i se taimi vave e mafai ai.
E faasili i le Kāinga Ora le tausisia o aga tausili ma tulaga maualuga o le faamaoni ma amioga lelei. E le o natia i le faalapotopotoga tulaga e mafai ai ona afaina aga tausili, po o le aliae o tulaga e lamatia pe faatupu ai le vevesi i isi ma e moomia se fuafuaga talafeagai e tali atu ai, e pei o le faaaoga o se vaega o le fale e faanofo ai se isi tagata, faaaoga le tatau o mea na faatupea, faiga faapiopio, pelogia, po o le feteenai o aia.
E mafai ona e lipotia faiga taufaavalea ua e masalomia ai se aufaigaluega, tagata nofo mautotogi po o au fai konekarate i le
- 0800 8355 469 – 24 itula, 7 aso o le vaiaso po o le
- imeli: integrityservices@kaingaora.govt.nz
Uma na faafou le itulau: 24 July 2023