Pā Harakeke - Lautelega ma Auivi e Gafataulimaina ai le Maua o Oloa

Tofa Mamao

O fesootaiga uma ma kamupani fai oloa, o le a taumafai ai Kāinga Ora ia tino mai se aogā o tulaga lautele ma tulaga faapisinisi e auala atu i le tau aofia o sini autu gafataulimaina e maua mai ai oloa ma auaunaga, i tulaga e talafeagai ai.

O le a matou taumafai e lalaga faatasi sini autu nei ma sini autu o faiga tau fefaatauaiga ma sini autu o tagata, ina ia mautinoa le tutusa o vala uma ina ia malosi a‘ia‘i taunuuga ua saunia e Kāinga Ora mo Aotearoa Niu Sila, e pei ona faataatia atu i le harakeke.

Sini

• Faataunuu le vave faafoisia o le malosi ma le uluola o Tagatanuu Niu Sila ma afioaga uma
• Suia auala o soifua, tafafao ma galulue ai Tagatanuu Niu Sila
• Taulai i le soifua manuia o tagata o faaaogaina auaunaga i le taimi nei ma ē fou mai

E le mafai ona fai toatasia e Kāinga Ora se galuega. O lo o galulue faapaaga le pulega ma isi, e aofia ai pulega faalotoifale, matagaluega a le malo, malo faalotoifale, Iwi ma Rōpū Māori, faalapotopotoga saunia atinae tetele, fai atinae faufale tumaoti, ma faalapotopotoga e saunia apitaga, kamupani fai oloa ma faalapotopotoga saunia apitaga, ina ia aogā auaunaga o matou saunia.

O le Lautelega ma Auivi e Gafataulimaina ai le Maua o Oloa ua matou saunia e lagolagoina ai sini autu o la matou faalapotopotoga ma le tofa mamao ina ia maua suiga lelei e auala atu i faiga aogā o fau ai fale mananaia, ma atiae ai afioaga ma tagata, ma ia ogatasi ma le sini autu a le Malo o Niu Sila e faataunuu le maua o galuega aogā mai tupe o faaalu ai, lea e ta‘ua o le ‘Broader Outcomes Framework.’

O sini autu ua folasia i le Kāinga Ora Lautelega ma Auivi e Gafataulimaina ai le Maua o Oloa o sini faatuatuaina ua lalaga faatasi i faiga o matou maua mai ai oloa ma auaunaga. E tofusia laulaau nei ma aogā o le tasi i le isi, ma e aveaveai le aogā i tulaga matou te faaaoga ai, ma faapena ona maua ai taunuuga aogā.

Tautinoga Autu

O tautinoga ma faamoemoega autu nei e limataitaiina avanoa matou te galulue faatasi ai i avanoa ua faamatuuina atu i faiga lautele ma faiga gafataulimaina e maua ai oloa ma auaunaga.

Manatunatu ma saunia faiga e lelei mo Māori

• Fesootai ma Iwi/ Rōpū Māori ia malamalama ma faaaoga manatu Te Ao Māori.
• Faailoa, aloaia ma puipuia tulaga tau fanua aiaina e Māori.
• Malamalama i konekarate o faia nei ma faalapotopotoga umia e Māori ma faatupu avanoa e siitia ai tomai faapisinisi.
• Lagolago ma faagaioia avanoa e ausia ai faanaunautaiga a Iwi/ Rōpū Māori.
• Tau aofia le Te Ao Māori i taunuuga patino i konekarate tetele ua matou saunia.

Faatumauina le Uluola o le Motu o Tagata ma Afioaga

• Saunia avanoa mo tagata o faaaogaina auaunaga a le Kāinga Ora ia auai i poloketi faalotoifale.
• Faamuamua tulaga tau soifua maloloina ma le saogalemu o tagata faigaluega, afioaga ma tagata lautele.
• Faamautinoa le fesootai o kamupani fai oloa ma vaipanoa o faatino ai galuega.
• Saunia auala e maua ai avanoa mo pisinisi Pasifika, pisinisi mo tulaga lautele ma pisinisi faalotoifale.
• Saunia avanoa mo pisinisi mo tulaga lautele e avea ai ma poloketi.

Faatuputeleina Avanoa e Tau Atiae ai Tagata Faigaluega ma Galuega.

• Faafaigaluegaina tupe i avanoa e atiae ai le tomai o vaega e patino i ai se auaunaga.
• Uunaia ma lagolagoina kamupani o maua mai ai oloa ma auaunaga ia auai i polokalame faaa‘oa‘o ma polokalame e a‘oa‘o ai tomai.
• Lagolagoina alafua e maua ai galuega i totonu o matātā galuega fausaga mo vaega e patino i ai aemaise lava mo Māori.
• Faailoa avanoa e maua mai ai oloa ma auaunaga mai pisinisi mo faiga lautele ma pisinisi faalotoifale.

Taimua i Faiga e ausia ai se Siosiomaga Gafataulimaina

• Faamautinoa o aofia i fuafuaga galuega o fausaga faiga e tuuitiitia ai le faamaimau, ma isi faiga e ilo ese ai otaota e mafai ona toe faaaoga ua gata le aogā ma faiga e lafoai ai.
• Faamautinoa galuega fausaga fou uma o aofia ai oloa gafataulimaina ma faaaoga ai punaoa faalenatura e gaosia ai a latou oloa.
• Uunaia ma lagolagoina kamupani fai oloa ia faia se tapulaa o le maualuga o kasa oona e gaosia mai oloa o latou saunia.
• Faamautinoa le gafataulimaina o le puleaina o aafiaga o maketi e maua mai ai oloa, e aofia ai taiala faataatia e taofia ai le faaaoga le tatau o mea faigaluega, malosiaga faalenatura ma punaoa ma faatau mai talu lava o mea o moomia.
• Faatino faiga e faamautinoa ai tatou te le o faia ni tulaga e atili faaletonu ai faiga o faagaioia ai le maua mai o oloa ma auaunaga.
• Filifili oloa o fuafuaina i le tau e tusa ma le aogā soloatoa ma auiliiliga o aafiaga i le siosiomaga.