Housing Acceleration Fund

O Mati 2021 na faasilasila ai e le Malo le $3.8 piliona mai le Housing Acceleration Fund (HAF), o se tasi o taumafaiga e faaopoopo ai le tele o fale ma faaleleia tulaga e gafatia ai ona totogi fale mo tagata muai faatau se fale ma tagata nofo mautotogi e auala atu i vaega nei:

• faamatuu mai le tele o fanua mo le atinaega o fale, aemaise i vaipanoa e lata i galuega, auala mo feoaiga lautele, ma nofoaga faitele mo tafaoga;
• lagolagoina le saunia o atinae tetele sili ona moomia mo atinae ua faia; ma
• lagolagoina le faataunuuina o ituaiga fale eseese (fale e mafai ona umia ma nofo mautotogi ai) ma e gafatia na totogi e tagata e maualalo ma feololo tupe maua.

O le HAF e le o se galuega o taumafai le malo e fai toatasi. E faamoemoe e atiae le fau o fale i luga o sootaga ma vaega ma faalapotopotoga i totonu o taulaga ma itumalo, ma galulue faatasi ma pulega faalotoifale, matātā tumaoti, iwi ma Māori, ma matātā e le o maua ni tupe mamā mo le tali atu i le moomia o fale e Tagatanuu Niu Sila.

Vaega ua faatulagaina e le Kāinga Ora mo le HAF

E iai le matafaioi autu a le Kāinga Ora i le faatinoga o vaega tetele o le HAF. O vaega tetele nei:

Large Scale Projects (LSPs)
O lo o matou faataunuuina poloketi tetele e ta‘ua o large scale projects (LSPs) i Aukilani i Mt Roskill, Māngere, Tāmaki, Northcote ma Oranga ma le tasi i Eastern Porirua. O poloketi tetele nei e toe faaolaola ai totonu o taulaga e faaleleia ai taunuuga o moomia i tuaoi faalotoifale ma saunia avanoa e faatuputeleina ai fale i nofoaga e talafeagai ma onomea na fau ai.

O le faateleina o mea o faafaigaluegaina mo LSPs e auala atu i le HAF e vave ai ona faagaioia ma faateleina le tele o fale e fau i atinaega ua faia ma tele ai fale e mafai ona faaaoga i laufanua o siomia ai.

Infrastructure Acceleration Fund (IAF)
O le IAF o se fesoasoani tupe mo atinae tetele mo le teufaafaigaluegaina ina ia mafai e atinae tetele ona lagolagoina le maua o fale fou i Aotearoa atoa. O le faamoemoe o le IAF le vave faagaioia ma le faateleina o fale e maua e auala atu i le faatupeina o atinae tetele sili ona moomia mo atinae. O le IAF e faia i luga o se faiga e faatupeina ai atinae tetele e mafai ai ona iloa ma filifili poloketi e moomia se fesoasoani e faatupe ai atinae tetele. E moomia ona faamaonia tulaga e sili ona aogā i ai le IAF, i le ave o le faamuamua i vaipanoa pito afaina mai mea o faalavelavea ai le saunia o atinae tetele ma faaletonu pito tetele e saunia ai fale ma faataugofie ai fale, a o faapena ona faamautinoa le gafatia e soo se poloketi i Aotearoa ona maua se fesoasoani tupe.

Faitau le tele o isi faamatalaga e faatatau i le IAF, e aofia ai le faavasegana e vailiili ai le maua o fesoasoani tupe mo atinae tetele ma le faiga o faagasolo ai le tuuina mai o se Tauofoga Tulaga o fia Aiaina.

Polokalame e faaaoga faatasi

E faaaoga faatasi le HAF ma isi taumafaiga e lua na faasilasila ia Mati

Kāinga Ora Land Programme
E faaaoga faatasi le HAF ma le Kāinga Ora Land Programme, ma e maua ai le $2 piliona e mafai ona nonoina atu e mafai ai e Kāinga Ora ona mauaina mai ma atiae fanua mo le faateleina o fale ma faaleleia tulaga e gafatia ai ona totogi.

Affordable Housing Fund
O le $350 miliona ua taatia ese mo le Residential Development Response Fund, na muai faavae i luga o le faamoemoe e lagolagoina ai le matātā galuega o fausaga e auala atu i le COVID-19, ma ua toe faatulagaina e lagolagoina ai le faataunuuina o le tele o fale e gafatia na totogi e nofo mautotogi ai ma fale e mafai na umia.

E taulai le Affordable Housing Fund i le faateleina o fale e gafatia na totogi (mautotogi ma fale umia) i fanua e umia e iwi ma Māori, pulega faalotoifale, vaega faitele ma fai atinae faufale tumaoti, ma e faalagolago foi i le Crown e totogi nisi o tupe alu ma aafiaga.