Polokalame Au Faauu Kāinga Ora
Na e faauu talu ai nei po o tau faauma lau tikeri tau fanua ma fale, galuega o fausaga tetele, faainisia faufale, tekonolosi, fuafuaina po o le mataisau faufale?
Afai e te fia auai i polokalame e saunia fale, ma e te fia saunia fale sili ona lelei mo Tagatanuu uma o Niu Sila, ona fetaui tonu ai lea o le tau auala atu o se taumafaiga faapenei i le Kāinga Ora – Homes and Communities.
E 18 masina e faafoe ai le polokalame tau atinae mo au faauu ma e fuafua e atiae ai lou tomai i se tasi o mataupu e tolu, Construction and Innovation (C&I), Urban Planning and Design (UPD) po o le Tekonolosi. E saunia ai polokalame e faasino sa‘o ai lava le faiga o se galuega ma e maua ai se malamalamaaga o le ola galue e auala atu i polokalame e maua ai taunuuga sili mo Tagatanuu Niu Sila, ma e telē le avanoa e maua ai se galuega i le Kāinga Ora ma ona tua atu. E amata mai lava i le uluai aso le faatinoga o galuega e maua ai taunuuga ma tiute tauave aogā. Tou te pulupulu lima faatasi ma taitai matātā alamanuia i le faatinoga o poloketi mataina mo le manuia o Aotearoa.
Matou Aogā
E nafa Kāinga Ora – Homes and Communities, ma galuega e toe suia ma toe faafou ai fale, taunuuga ma le vaaia o le matātā atoa o saunia fale, e auala atu i le saunia o fale ma afioaga e maua ai le ola manuia o Tagatanuu Niu Sila. O se avanoa sili ma aogā le faia o galuega mo Kāinga Ora auā suiga sili ona lelei mo Tagatanuu Niu Sila. E faaaoga tomai, fuafuaga ma galuega faatino aogā, e atiina ae ai fale ma tuaoi faalotoifale e onomea ma le lumanai o Aotearoa.
E aogā faiga faapaaga a Kāinga Ora ma isi e tusa ma faiga fou tau atinae o faamoemoe atu i ai, e atiae ai taulaga i se tulaga lelei ma aogā, e fesootai ai aiga i galuega, auala o feoaiga, nofoaga taalaelae ma nofoaga faitele e faaaoga e tagata. E aofia ai le vave maua o fanua ua avanoa ma fetaui lelei mo le fau ai o fale, ma fetaui lelei ituaiga fale eseese o maua ai e aofia ai fale mo tagata lautele, fale e gafatia na totogi, fale maua mai fefaatauaiga faamaketi e aunoa ma ni noataga, ma fale mo tagata muai faatau se fale o ituaiga eseese, ma e eseese foi le lautelē ma aiaiga e nofoia ai.
E faasili ia i matou le faia o suiga sili ona lelei mo Niu Sila. E aofia ai le avea ma paaga faatuatuaina mo Māori ma iwi, matou te puipui ma amanaia o latou aiatatau, o mea o aiaina ma faanaunautaiga o folasia i le Te Tiriti o Waitangi.
Faamanuiaga o le polokalame
Siosiomaga felagolagomai
Faamuamua tagata (e tausisia le va fealoai, matamau ma manatu alofa i isi) ma o le fatu lena o la matou polokalame ma e lagolagosua malosi i ai se Faiaoga o Galuega, Faufautua ma se Faauo i taumafaiga uma a le au faauu.
Continuous Learning
Faatulaga polokalame tau aoaoga e vave ai ona faatupu le tomai ma le malamalama e patino i le tagata ma le galuega.
Fesuisuiai
Polokalame fesuisuiai a vaega. E auai le au faauu i faiga sa‘o e faatino ai galuega e maua ai taunuuga ma tiute tauave aogā e faaleleia atili ai le soifua o Tagatanuu Niu Sila.
Galuega Tumau
E amata le au faauu uma i le Kāinga Ora i tulaga e avea ai ma tagata faigaluega tumau ma e siitia i galuega tumau i le mae‘a ai o le polokalame ma o galuega e talafeagai ma vaega o le faalapotopotoga na faafaigaluega ai.
Aiaiga o Talosaga
Afai e mafai ona e tali mai i le ‘ioe’ i faamatalaga taitasi o tusia i lalo ifo, o lona uiga e te agavaa e tuuina mai sau talosaga mo le polokalame au faauu:
- O a‘u o se Sitiseni Niu Sila, Nofomau Niu Sila po o umia se visa e Nofo ai
- E iai la‘u Bachelor’s Degree po o faamoemoe e faauma la‘u Tikeri i le amataga o le Polokalame Au Faauu ia Fepuari 2024. Tagai i le lisi o ituaiga tikeri o moomia. [PDF, 30 KB]
- E mafai ona ou auai i le Polokalame Au Faauu ia Fepuari 2024.
- E mafai ona ou faamautu i Aukilani mo le 18 masina e faafoe ai le Polokalame Au Faauu.
Talosaga nei loa
Amata saili se avanoa e faafaigaluega ai oe i le Polokalame Tau Atiae Au Faauu(external link).
Faagasologa o le Iloiloga
E 4 vaega e faagasolo ai le iloiloina o talosaga. Faatoa laasia le isi vaega o le iloiloga pe afai e te ausia tulaga o moomia. E tatala le faia o talosaga i le aso 21 Iulai ma e tapunia i le 11.55pm o le aso 25 Aokuso 2023. O le faagasologa lenei o le iloiloga:
Sui auai o le Polokalame Au Faauu
E faaaoga ai se faiga e a‘oa‘o ai le tele o mataupu i galuega o faamasani ai i le ola galue, ma e lelei le filifili o le mataupu e fetaui ma oe:
E lagolagosua le C&I i taumafaiga a le Kāinga Ora e faatuputeleina ai le gafatia ona saunia o fale mo tagata lautele e auala atu i le fuafuaina o fausaga ma le saunia o fale sili ona lelei e fetaui ma manaoga o tagata i lenei vaitaimi nei ma ona tua atu, ma tulei faiga fou i galuega o fausaga atoa. E fautuaina foi e le vaega Construction and Innovation taiala e fausia ai fale lelei, lagolagosua i le fuafuaina ma le faagaioiga o le toe fesiitai o tagata mautotogi ua aafia i galuega o fausaga, ma saunia se faiga e faasolo ai galuega ma lipotia galuega e sua ai fanua mo ogapaipa. O sui o le aufaigaluega e ono sui i ai au fesootaiga e aofia ai:
Taiala Faataatia Tau Atinae
Faailoa avanoa mo atinae mai laufanua o umia i le taimi nei ma auala o lo o faia ai feutanaiga mo le faatauina mai. Ia faatautaia suesuega i nofoaga o tau atiina ae ma faatulaga ai le vaega maualuga, le aogā, ma faiga e sili ona fetaui ma faigofie e faaaoga ai. Faatalanoa ma paaga e fesootai sa‘o ma le faalapotopotoga nisi auala eseese e tau atiae ai fanua. E vaavaaia le otootoga o le poloketi ma le faamatuu atu o avanoa e tau atiae ai i vaega e nafa ma le Polokalame.
Faafoeina o le Atinae
Saunia se folasaga puupuu, faataitai ma faamaonia pe faigofie ona faatino, ma tuuina atu le mataupu faapisinisi i se faiga e faamaonia aloaia ai ma le vaaia atoa o le faagasologa e faataunuu ai. Saunia ma vaavaaia mataupu faapisinisi e maua ai avanoa mo atinae. Faafaigaluega ma vaai lelei le au faufautua. Faafaigaluega au konekarate mo le fia Mauaina mai o oloa ma auaunaga. Vaaia tala o le tupe mo galuega tau atinae, faatulaga ma faamaonia le tausisia o tulafono faatonutonu. Lipotia faagasologa o le atinae.
Fuafuaina ma le Vaaiga o Poloketi
Vaaia ma lipotia polokalame mo galuega faufale. Vaaia galuega o faatino e au konekarate. Vaaia tala o le tupe ma le faatulagana o faasolo ai galuega. Mataitu ma vaai po o tausisia taiala.
E saunia e le vaega Urban Planning and Design tomai faapitoa le fuafuaga faataatia mo se taulaga ma le fuafuaina o le vaipanoa atoa. E taimua i le puleaina o faiga faapaaga tetele a le Kāinga Ora, ma galulue vavalalata ma vaega patino tau lotoifale, iwi, matagaluega faalotoifale ma matagaluega a le malo faapea matātā tumaoti o faafoea poloketi atinaega o le taulaga.
E faaaoga tekonolosi e faamauina ai faafesili uma ma talosaga, saunia ma lagolagoina tulaga moomia tau masini faatekonolosi, puipuiga ma tekonolosi tetele, fesootaiga ma polokalame e faaaoga i aso uma. E faagaioia auaunaga ua matou saunia e faaaoga ai taiala faavae tau fesootaiga faatekonolosi televavave e maua ai se taatiaga lautele o fale ma atinaega o taulaga. O fesootaiga faatekonolosi televavave o auala fou e faagaioia ma maua ai auala e fua i ai filifiliga fai, ma e mafai ona faia tulaga nei e auala atu i tekonolosi eseese faaonaponei (e pei o le Azure, Microsoft, ServiceNow, SalesForce). Matou te faaaogaina faiga o faia nei (e pei o le Oracle ma faiga tau vaoteatea) ma faiga faatekonolosi televavave fou e toe faatulaga ai faiga masani o faafoe ai galuega ma auaunaga faapisinisi i faiga e gafatia ona tali atu ma vave maua.
O nisi nei o au faauu
Maimoa i video e te maua ai se faamatalaga sa‘o mai sui auai o le polokalame i le taimi nei ma isi na faauu mai ai.
Uma na faafou le itulau: 21 August 2023