Faamaumauga Tuai - Otootoga
E fia afe faamaumauga e fesootai i fale a le malo, e aofia ai fale sa umia i se vaitaimi e le malo, o lo o teu malu i le Archives New Zealand.
E te maua faamaumauga nei i le upegatafailagi, Archway(external link).
E eseese matagaluega na vaaia fale a le malo i Niu Sila i le tele o tausaga, ma e maua faamaumauga e faamaonia ai. E iai faamaumauga na maua mai le Housing Division a le Ministry of Works, o le State Advances Corporation, Housing Corporation of New Zealand ma le Housing New Zealand Ltd.
O isi matagaluega e pei o le Police, Education, Māori Affairs, ma le Post Office, Corrections ma isi na umia fale sa vaaia e matagaluega eseese a le Housing New Zealand.
Afai ua e maua se faamaumauga e fia faaaoga, faafesootai le Archives New Zealand(external link).
E aofia foi ia matou faamaumauga talosaga a tagata e patino i nisi o fanua ma fale.
E aofia i faamaumauga fuafuaga mo fale ma paipa e faaalu ai le suavai ma ata. O ituaiga ata nei e tele na moomia e pulega faalotoifale, tagata umia se fale ma tagata e faia galuega faafou mo fale. E maua fuafuaga nei i ituaiga fausaga tuai na pue ma faamauina ai, ma e mafai na lolomi nisi o fuafuaga.
O nisi o fuafuaga faufale na pue i ituaiga pepa tuai, ma se vaega itiiti o fuafuaga o paipa e faaalu ai le suavai, ua uma na scan ma e maua se kopi faatekonolosi pe a talosagaina, ma e leai se tupe e totogi. E leai se fuafuaga na lolomi ua scan.
E le o taimi uma e mafai ai ona iloa se fuafuaga na faaaoga patino lava i se fale. E lelei lou faitau muamua i faamatalaga o tusia i lalo a o lei faafesootai mai e tusa ma faamatalaga o se fale ma fanua o fia maua.
O vaitaimi o aofia i fuafuaga
E mai le va o le 20,000 ma le 30,000 fuafuaga o faamauina i ituaiga pepa tuai o lo o matou umia. E aofia i ituaiga pepa tuai nei fuafuaga mo fale na fau i le va o le 1937 ma le 1987. Na o se aofaiga laiti o fale e fesootai i ai le tele o fuafuaga, e ui i nisi o tulaga na faaaoga ai le fuafuaga lava e tasi i le tele o isi nofoaga i le atunuu atoa:
- 100 ma ona tupu na faaaoga tele ai fuafuaga e 6
- 80 ma ona tupu na faaaoga tele ai fuafuaga e 10
- 40 ma ona tupu na faaaoga tele ai fuafuaga e 80,
- ae itiiti ifo ma le 10 na faaaoga tele ai fuafuaga e 6,200.
Talu mai le 1987 e leai ma se fuafuaga o fale na fau i le vaitaimi lea na faamauina i ituaiga pepa tuai.
E mafai na e faailoa mai le vaitaimi na fau ai lo‘u fale?
E tele fale e mafai ona matou faailoa le vaitaimi na fau ai. A o isi, e mafai ona tau mate le vaitaimi na faamauina ai ia matou faamaumauga se fale, ae e le mafai ona maua faamatalaga e iloa tonu ai le aso na fau ai.
Tou te umia faamaumauga o galuega faaleleia na faia i lo‘u fale?
E le masani ai ona matou taofia faamaumauga o galuega faaleleia pe a mavae le fitu tausaga. E itiiti lava tulaga matou te umia ai soo se faamatalaga e fetaui tonu ma lau mataupu.
O le ā le umi e faatali ai mo le maua mai o se fuafuaga?
Afai e maua se fuafuaga o se fale, ma ua uma na scan, ona imeli atu loa lea.
Afai o faigofie na maua se fuafuaga e lei scan ina, e mafai na scan ma imeli atu, po o le fai o se kopi laupepa ma lafo atu i le meli, ma o nai aso maua atu.
O fuafuaga na pue i ituaiga ata tuai e teu i nisi o ofisa ma o le tele o ituaiga nei e faaaoga fasi laupepa e sue ai i ofisa o teu ai. E iai tulaga e umi ai o tau sue le fuafuaga o fia maua, po o le tau saili o se kopi o le fuafuaga e fia scan. Afai o se tulaga lea, e sili ai le faamatuu o nai vaiaso e maua atu ai le fuafuaga. E ono umi se taimi e faatali ai le maua atu o fuafuaga na o kopi laupepa e maua ai.
Fuafuaga mo itumalo o matou taofia
Matou te taofia fuafuaga mo itumalo uma i Niu Sila. Peitai, e le o maua ai faamatalaga atoa mo fale ma fanua i:
- Manawatu,
- Taranaki,
- Waikato ma
- Bay of Plenty.
O itumalo nei e faigata ona iloa fuafuaga na faaaoga.
E tutusa lelei lo‘u fale ma isi fale i le fetaulaigāala - faamata e aogā e iloa ai le fuafuaga?
E ui i tulaga e foliga ai peiseai e tutusa fale pe a e titilo atu i ai i fafo, ae iai lava suiga iti e eseese ai fausaga. E seāseā ona faaaoga tele le fuafuaga lava e tasi i le fetaulaigāala lava e tasi. O tulaga faapenei, matou te le tuuina atu ai se fuafuaga ona o tulaga e ono sese ai se faamatalaga ua matou tuuina atu.
Faamatalaga e moomia na e tuuina mai mo le fia maua atu o se fuafuaga
O tulaga masani lava na o le tuatusi o le fale e fia maua mai. O tulaga e faigata ai ona iloa se fuafuaga, e ono aogā le sue i fuafuaga o paipa e faaalu ai le suavai o umia e le pulega faalotoifale. Afai o umia e le pulega se fuafuaga o paipa e faaalu ai le suavai, e mafai na faailoga i se numera faamauina i totonu o le fuafuaga po o autafa o laina o faailoga ai le fale i le fuafuaga o paipa e faaalu ai le suavai. Atonu e aogā le numera lena e iloa ai faamatalaga pe afai e leai se faamaumauga o le fale o matou taofia.
E ono i ai se faaletonu pe afai ua sui le igoa o le fetaulaigāala, po o le toe faanumera o fale. E le faapea o le a lē maua atu ai se tali, pau le tulaga o le umi o le taimi e faatali ai se‘i faamautinoa lelei. Afai o e iloa ni suiga faapenei, faamolemole faailoa le tulaga lea i lau talosaga.
Na tali mai le pulega e leai se pemita o le fale - aisea?
O le 1991 na faavae ai le Building Act, ma tuufaatasia ai le tele o tulafono. A o lei aulia le 1991, e lei noatia i tulafono le tele o sui faufale na faua fale a le Malo mo se pemita faufale. Peitai, na iai faatagana aloaia ma pemita na maua mo le fuafuaina o paipa e faaalu ai le suavai. A o lei aloaia le 1991 Building Act, na fau fale a le malo i lalo o le pule faatulafonoina a matagaluega e aunoa ma le moomia o se pemita e avatu e se pulega. E mavae atu le 1991, ae faasolo loa na moomia pemita. E iai tulaga e le maua ai i se pulega faamatalaga o fale tuai, ae e le faapea ai na solia tulafono i le fauga o se fale.
O le - 1974 na faavae ai - le Housing Corporation ma na matuai tausisia tuutuuga na faavae ai. Na vaavaaia lelei le fauina o fale uma a le malo e le au suesue faamauina mo fale ma ofisa vaavaai. Na fau fale a le malo ma na lelei tele le vaaiga o fale, e ui i le leai o ni faamaumauga o tulaga nei na faia e pulega faalotoifale.
E tele faamaumauga o ata o le talaaga o fale a le malo, vaevaeina o fanua, fauina o fale ma galuega e fesootai i ai o matou teuina. E maua foi ia matou faamaumauga ata o aufaigaluega taitasi, ata o au vaega, totonu o ofisa ma mataupu o fia iloa ma aiaina e tagata e tusa ma talaaga o matagaluega na taulimaina fale a le malo i Niu Sila.
Atonu e fetaui ata nei ma nisi o fia suesue i talaaga o le soifuaga, galuega faufale ma atinaega, po o gafa.
Afai na iai se tasi o lou aiga sa faigaluega i nisi o matagaluega na vaaia fale a le malo, faafesootai mai e talosaga se sui mai le Records Team e fesoasoani e saili pe maua se ata o e manao ai. E moomia se talosaga tusia e faamaonia ai lau faiā i se isi pe afai o fia maua ata e iloa tonu ai se tagata.
We Call It Home
O le 2005 - na lolomi ai talaaga o le atoa ai o le selau tausaga o fale a le malo - na tusia e Dr Ben Schrader ma faaulutalaina We Call it Home - A History of State Housing in New Zealand.
Na faatonuina le lomiga e le Ministry of Culture and Heritage ma le lagolagosua a le Housing New Zealand, ma e manino lelei i le tusi tulaga moni o fale a le malo ma aafiaga i tagata.
Na toe faamanatu mai ai tala mai tagata sa nonofo i fale a le malo, o tulaga na fetaiai ma i latou, atinaega o fale a le malo, manaoga fesuisuiai o tagata nofo mautotogi ma talitonuga o tagata i lotoifale ma afioaga na fau ai fale a le malo.
E te maua i le upegatafailagi NZHistoryNet(external link) nisi faamatalaga o le tusi.
E maua le We Call It Home i le tele o faletusi.
State Housing in New Zealand
State Housing in New Zealand – tusia Cedric Firth, tusiata Gordon F Wilson. Lomiga a le Ministry of Works, Wellington. E faailoa mai ai foliga tonu o fale a le malo i le 1949. E tumu le lomiga i ata tusi o fola atoa o fale ma ata na pue.
Upu Tomua
O se faaletonu tele i lenei vaitau tulaga o fale. O le tulaga moni lava lea o tupu i Niu Sila faapea le tele o isi atunuu. Atonu e leai ma se vaitaimi muamua e faatusalia i ai le moomia vave o le tele o fale. Ma e atonu foi e leai ma se vaitaimi muamua na matuā lavelave tele ai faaletonu o tulaga o fale.
E le moomia se faamaoniga e iloa ai le fesootai o le ola fiafia, soifua maloloina, ma le moomia o fale, ma o le galuega autu mo le isi sefulu tausaga o le a savalia nei, le saunia o fale e sili ona talafeagai mo aiga uma i Niu Sila. O se galuega tele, ae e faamoemoe i le faatino e le Malo ma vaega tumaoti o fuafuaga ua faataatia ma e fiu e mafai ona ausia lea faamoemoe.
E fia faailoa le muai faavae ai o le lipoti lenei, ona o faafesili mai atunuu mamao ma totonu o le atunuu e tusa ma galuega na faatino e le vaega o le Housing Division a le Ministry of Works.
Building the New Zealand Dream
E mafai foi ona e maua faamatalaga o talaaga o fale a le malo i le Building the New Zealand Dream, by Gael Ferguson (ISBN 0-86469-191-2).
Lipoti Maketi Fale
Na matou saunia Lipoti Maketi Fale i le va Iuni 2003 ma Tesema 2005.
Na faavae lipoti i faamaumauga na maua mai le tele o faalapotopotoga ma o lipotia ai tulaga e pei o suiga i le tau o fale faatusa i fale o avanoa, o tulaga eseese tau nonogatupe, aofaiga o fefaatauaiga, fale mautotogi tumaoti ma tagata faigaluega.
Na lipotia ai tulaga e ono aliae e afaina ai le alafua o agai i ai i le lumanai mo fale i Niu Sila.
O lipoti nei na suia ai le Lipoti Aoao Maketi Fale, na saunia e le Ministry of Building, Innovation and Employment(external link).
E iai ni pulega tutoatasi e suesueina tulaga o fale i Niu Sila?
Ioe. O le Centre for Housing Research Aotearoa New Zealand (CHRANZ(external link)).
E faapefea na faaaoga e le Housing New Zealand suesuega mo ana polokalame fai?
O suesuega ma iloiloga o itu taua nei o faiga ua faia e le Housing New Zealand mo le saunia o polokalame ma taumafaiga e aogā mo le tali atu i fale o moomia. O tausaga taitasi e suesueina ma iloiloina ai galuega fai a le pulega ma o tulaga nei o lo o faamauina i le Faamatalaga Auga Faavae, ma le Lipoti Faaletausaga.
Uma na faafou le itulau: 13 November 2019