KiwiBuild
‘Oku fakaivia ‘e he KiwiBuild ‘a e kau kautaha langa fakalakalaká ke toe vave ange ‘a ‘enau tuku mai ha ngaahi ‘api ‘oku fe‘unga mo e ivi fakapa‘angá ki he māketí ma‘á e kau fuofua fakatau ‘apí.
‘Oku fengāue‘aki ‘a e polokalama KiwiBuild mo e kau langa fale nofo‘angá ke fakalahi mo fakafaingamālie‘i atu ha ngaahi ‘api nofo‘anga ma‘ama‘a ki he kau fuofua fakatau ‘apí pea mo fakavave‘i ‘a hono tuku atu ‘o e ngaahi ‘api fo‘oú ki he māketí. ‘Okú ne poupou‘i ‘a e ngaahi langa ‘i he ngaahi tu‘unga lalahi kotoa - mei he ngaahi polōseki ki he fale nofo‘anga fakataautahá, ki hono langa ha ngaahi nofo‘anga ma‘ama‘a ‘o a‘u ki he ngaahi langa lalahi fo‘ou ‘i he ngaahi feitu‘u ki koló.
Vakai‘i pe ‘oku ke ‘atā atu ki ai
Ke ‘atā atu ke fakatau ha ‘api KiwiBuild ‘oku fiema‘u ke ke:
- ta‘u 18 pe lahi hake ai
- hoko ko ha tangata‘ifonua Nu‘u Sila, tokotaha nofo-fonua pe ko ha tokotaha ma‘u visa nofofonua ‘a ia ‘oku 'nofo angamaheni ‘i Nu‘u Sila'
- hoko ko ha tokotaha toki fuofua fakatau ‘api pe tokotaha ma‘u ‘api kimu‘a
- ma‘u ha pa‘anga hū mai te‘eki ai ke to‘o tukuhau mei he māhina ‘e 12 kuo ‘osí ‘oku:
- $120,000 pe si‘isi‘i ange ai ki ha tokotaha fakatau fakataautaha; pe
- $150,000 pe si‘isi‘i ange ai kimu‘a hono to‘o ‘a e tukuhaú ki ha tokotaha fakatau fakataautaha ‘oku ‘i ai ha toko taha pe lahi ai ‘oku fakafalala ange kiate ia; pe
- $200,000 pe si‘isi‘i ange ai ‘i hono fakataha‘í ki ha tokotaha fakatau ‘e toko 2 pe lahi ai, tatau ai pē pe ‘oku toko fiha ‘a e fa‘ahinga ‘oku fakafalala ange kiate kinauá/kinautolú.
‘E toe fiema‘i foki ke ke tukupā ke nofo ‘i ho ‘api KiwiBuild ‘i he vaha‘a taimi si‘isi‘i taha ‘oku tu‘utu‘uniá kimu‘a ke nofo totongi ‘a e ‘apí pe fakatau atu:
- ‘ikai toe si‘isi‘i hifo he ta‘u ‘e taha ki ha nofo‘anga loki taha (studio) pe ‘api loki mohe taha
- ‘ikai toe si‘isi‘i hifo he ta‘u ‘e tolu ki ha ‘api ‘oku loki mohe ua pe lahi ange ai.
Tohi kole ke ‘atā atu ki he KiwiBuild
Kapau ‘okú ke fakakaukau te ke lava ‘o ma‘u ‘a e ngaahi makatu‘unga ki he ‘atā atu ki he KiwiBuild, ‘e fiema‘u ke ke tohi kole ke tomu‘a tali ‘a ho‘o ‘atā atú. ‘E fiema‘u ke ke fakahoko eni kimu‘a ke ke fakatau ha ‘api pe kau atu ki ha fili pāloti (ballot).
‘E fiema‘u ke ke ma‘u:
- Ha tatau kuo fakamo‘oni‘i ‘o ho‘o tohita‘u Nu‘u Silá, tohi fakamo‘oni ‘o e tangata‘ifonuá, paasipootí mo e/pe tu‘unga ‘o e visá
- Ha Fakamatala Fakamā‘opo‘opo ‘o e Pa‘anga Hū Maí (Summary of Income)(external link) mei he Potungāue ki he Pa‘anga Hū Mai ‘a e Pule‘angá ki he māhina ‘e 12 na‘e toki ‘osí
- Ha tatau kuo fakamo‘oni tohinima ki ai ‘o e Fakamo‘oni Fuakava KiwiBuild(external link)
‘E lava ‘e he fa‘ahinga ‘oku nau ngāue pē ma‘á kinautolu (self-employed) ‘oku tohi kole maí ‘o ‘omai ha taha ‘o e ngaahi me‘á ni ko ha fakamo‘oni ‘o e pa‘anga hū maí:
- Ha fakahū tukuhau fakataautaha(external link) (IR3)
- Ha fakahū tukuhau fakataautaha ‘oku teuteu‘i ‘e ha ‘akauniteni
- Ha Fakamatala Fakamā‘opo‘opo ‘o e Pa‘anga Hū Maí (Summary of Income)(external link) ki he ta‘u fakatukuhau fakamuimui tahá
Te ke lava ‘o ‘ilo lahi ange fekau‘aki mo hono fakahū ‘o ho‘o tohi kolé ‘i he uepisaiti KiwiBuild(external link)
‘Oku ma‘u ‘a e ngaahi ‘api KiwiBuild ‘i he feitu‘u fē?
‘Oku lisi atu ‘a e ngaahi ‘api KiwiBuild ke fakatau atú ‘i ha taimi ‘oku tu‘utu‘unia ‘e he kautaha langá ‘i he taimi ‘oku mateuteu atu ai ke tuku atú.
Te ke lava ‘o ma‘u ‘a e ngaahi fanongonongo fakamuimui taha ki he KiwiBuild ‘aki ha‘o lēsisita ki he ‘emau lisi meilí(external link) pe vakai‘i ‘a e uepisaiti KiwiBuild(external link).
‘Oku fiha ‘a e ngaahi ‘api KiwiBuild?
Ko e mahu‘inga ‘o ha ‘api KiwiBuild ‘oku makatu‘unga ia ‘i hono lahí (size) mo e feitu‘u ‘oku tu‘u aí. ‘Oku ngāue‘aki ‘a e ngaahi fakangatangata ki he mahu‘ingá ki hono fakapapau‘i ‘a e tu‘unga totongi mā‘olunga taha ‘e fakatau atu ‘aki ha ‘api KiwiBuild.
Ko e ngaahi fakangatangata lolotonga ki he mahu‘inga KiwiBuild ko e:
Feituʻú |
Nofo‘anga loki taha (studio) pe loki mohe taha ($) |
Loki mohe ua ($) |
Loki mohe tolu ($) |
---|---|---|---|
Vāhenga ‘Aokalaní |
550,000 |
760,000 |
860,000 |
Feitu‘u ‘i kolo ‘o Hamilton |
550,000 |
640,000 |
720,000 |
Feitu‘u ‘i kolo ‘o Tauranga |
550,000 |
740,000 |
780,000 |
Feitu‘u ‘i kolo ‘o Uelingatoní |
580,000 |
760,000 |
850,000 |
Feitu‘u kolo ‘o Christchurch |
550,000 |
640,000 |
720,000 |
Vahefonua Queenstown-Lakes |
550,000 |
760,000 |
860,000 |
Toenga ‘o Nu‘u Silá |
550,000 |
640,000 |
720,000 |
‘I he ngaahi langa ‘e ni‘ihi, ‘e ala ‘atā atu ha ngaahi ‘api KiwiBuild lalahi ange ‘oku loki fā pe lahi ange pea ‘e fakamahu‘inga ia ‘o fakatatau ki ai. Vakai‘i ‘a e ngaahi ‘api KiwiBuild ‘oku ‘ataá(external link).
Ki ha fakamatala lahi ange, ‘īmeili pe telefoni ki he timi KiwiBuild.
- ‘Īmeili: info@kiwibuild.govt.nz
- Senitā fetu‘utakí: 0508 935 266 (9 pongipongi - 5 efiafi, Mōnite ki he Falaite)
Kuo fakafo‘ou ‘a e peesí: 15 Mē 2023