Te Rautaki a Kāinga Ora 2030
Ko te Rautaki a Kāinga Ora 2030 ko tētahi tuhinga ārahi ka noho i te taha o Te Rautaki Māori, ka whakaatu mai ki a mātou me pēhea e rapu whakatau ai, e whakamahi rauemi ai hoki hei āwhina ki te auaha i te anamata o te whare noho me te whanaketanga ā-tāone i Aotearoa.
E ōrite ana te mana o ēnei tuhinga e rua – he mea motuhake tēnā me tēnā, engari e honoa ana hoki tētahi ki tētahi, mā te pou tarāwaho putanga ngātahi me te tauākī o te takunetanga.
Tō mātou tūnga
Kei te ngako o te Rautaki 2030 te auaha i te pūnaha whare noho me te whanaketanga ā-tāone.
He maha ngā pānga o Kāinga Ora ki te taiao whare noho me te whanaketanga ā-tāone katoa. Me mātua whakamahi mātou i taua tūnga, i tō mātou mana, i tō mātou tirohanga wā-roa hoki hei whakatutuki i ā mātou whāinga mō te hunga nō Aotearoa. He hiahia nō mātou ki te whakatinana i te huringa, kia pai ake ai, ā, e hāngai ana tērā ki te kōwhiri ki te mahi kē i ngā mahi.
E hāngai ana hoki ki te whakahoa tūturu, ki te whakahoa pai kia whakapiki i te ratonga whare noho me te tuku ara mō ngā tāngata kia uru mai ki ngā wāhi noho rēti he hauora, he mahana hoki, kia uru atu rānei ki tō rātou ake kāinga.
Te whakahāngai i ā mātou mahi ki ngā Kaupapa Matua Rautaki
Kua kōwhiri mātou i ngā kaupapa matua ā-rautaki e rima hei arotahinga ināianei ka āwhina ai i a mātou ki te whakatutuki i ō mātou putanga wā-roa.
Ehara ngā Kaupapa Matua ā-Rautaki i ngā mahi anake e whakamahia ana e mātou, engari e pērā ana te waiwai ki te angitu ka whakaaro mātou i ā mātou rauemi, i ā mātou mahi o nāianei ki ērā. E whakamōhio mai ana, e ārahi ana hoki ēnei kaupapa matua i ngā tini wāhanga o Kāinga Ora e tuku ana i ā mātou kaupapa matua whare noho, ā, e whakarato ana i ngā whare noho me ngā ratonga kounga mō te hunga nō Aotearoa.
Te whakaaro i tēnei rā, te whakapai ake i te āpōpō
Kei te tautuhi te Rautaki 2030 i tō mātou horopaki, i tā mātou wawata mō te anamata, i tā mātou urupare rautaki hoki. Kei roto rā ā mātou kaupapa matua, ā, ko te mea nui, e whakaaturia ana ngā inenga o te angitu e hiahiatia ana hei whakatutuki i ērā.
Kua hoahoatia te tuhinga ki te aro ki te tauriparipa e waru tau te tawhiti atu, kei roto rā ngā huringa tahua e rua. Ka whakahoungia hei te huri haere a te ahunga kāwanatanga, a ngā āhuatanga mākete hei whakahāngai i ā mātou mahi ki te taiao ā-waho.
Pānuitia te Rautaki a Kāinga Ora 2030 [PDF, 1.9 MB] me Te Rautaki Māori o Kāinga Ora 2021 - 2026
Kua whakahoungia te whārangi: 29 Poutūterangi 2023