Ngā Kaupapa Whanaketanga Tauwhāiti :: Kāinga Ora

Kei roto i tēnei ko te hātepe matawhānui mō te hanga mahere, te taha putea me te whakarato i ngā kaupapa whanaketanga ā-tāone matatini – e kīia ana ko Ngā Kaupapa Whanaketanga Tauwhāiti (SDP).

Kua kati te wā tuku whakaaro tūmatanui mō ngā āhuatanga hira e marohitia ana o ngā SDP pea e rua

I te 31 o Ākuhata 2023, i whakamōhiotia tūmatanuitia e mātou me te tono whakaaro mō ngā āhuatanga hira e marohitia ana mō ngā kaupapa whanaketanga e rua kua whakatauhia (ngā SDP) – te Porirua Northern Growth Area me te Tauranga Western Corridor. Kei roto tēnei i te hātepe hei aromatawai mēnā me tūtohu mātou ki te Minita Hanga Whare me te Minita Pūtea kia whakatūria e rāua ēnei kaupapa hei SDP.

I te mea kua kati te wā tuku whakaaro, kei te arotakehia e mātou ngā whakaaro kua tae mai i te whakamōhiotanga tūmatanui o ngā āhuatanga hira e marohitia ana me te whakaaroaro mēnā me whakatikatika ngā āhuatanga hira e marohitia ana i mua i tā mātou whakaoti i te pūrongo aromatawai. Kei roto pea i tēnei ko te kōrerorero tahi anō me te whai whakaaro ki ngā whāititanga me te arawātea.

Kātahi ka tuku tūtohutanga mātou ki aua Minita mēnā me whakatū te kaupapa hei SDP. E manako ana mātou kia whakaotihia te wāhanga aromatawai i te tīmatanga o te tau 2024.

Ahakoa kua kati te tuku whakaaro mai, ka taea tonu e koe te tiro ngā pānui tūmatanui, me te rapu kōrero atu anō i tā mātou pae SDP pūmau.

Ngā kaupapa kua whakaarohia kia aromatawaitia hei SDP pea

E whakarārangihia ana ki raro nei ngā kaupapa kua whai whakaarohia e Kāinga Ora kia tīpakohia, me te putanga o aua whai whakaarotanga.

Te rā o te whakatau tīpako	Te kaupapa marohi	Te tūnga SDP	Te pūrongo tūtohutanga S29
Hepetema 2022	Western Corridor, Tauranga	Kua tīpakohia kia aromatawaihia	Te pūrongo mō te Western Corridor [PDF, 1.7 MB]
Ākuhata 2022	Northern Growth Area, Porirua	Kua tīpakohia kia aromatawaihia	Te pūrongo mō te Northern Growth Area [PDF, 1.9 MB]
Noema 2021	Sunfield development, Papakura, Tāmaki Makaurau	Kāore i tīpakohia kia aromatawaihia	Te pūrongo mō te Sunfield development [PDF, 2.1 MB]

He aha tētahi Kaupapa Whanaketanga Tauwhāiti (SDP)?

Ko te SDP ko tētahi kaupapa whanaketanga ā-tāone me (t)ētahi wāhi kua whakawhāitihia, me ngā whāinga ā-kaupapa kua whakapuakina, me tētahi rōpū mana whakahaere kua tautuhia (ngā "āhuatanga matua" e toru o tētahi SDP).

He ara tēnei kia mahi ngātahi te kaunihera me te kāwanatanga ā-motu ki ngā rangatira whenua, ki ngā mana whenua, ki ngā kaiwhakawhanake tūmataiti, ki te hapori anō hoki hei whakamahere, hei tuku i ngā tūmanako whanaketanga ā-tāone ngātahi.

Ka whakahuia e tētahi SDP ngā tini tukanga tūtahi ki te kore e whakahuia pēneitia, e hiahiatia ana mō te whanaketanga ā-tāone, ā, ka whakaaheingia kia urua ērā mā tētahi tukanga kotahi kua pāhekohekotia. Ka whakaritea tuatahitia te whakamahere, te tūāhanga, te whakamahinga whenua, me ngā whakaritenga pūtea mā tētahi mahere whanaketanga reretahi, he mārama hoki. Ka whai whakaarohia ngā pānga Māori, ngā pānga ā-taiao, ā-pāpori, ā-ahurea hoki, me ngā uara tuku ihotanga i te tukanga.

Ka hāngai tino pai pea te tukanga SDP ki ngā kaupapa matatini tē taea, e kore pea e taea, te tuku, te whakawhanake tika i raro i ngā tukanga o nāianei. Ka whāia te whakatutuki i ngā tauārai he auau te kati i te tīmatanga ake o ngā kaupapa, pērā i ngā wāhi nui me ngā rangatira whenua maha, i ngā here ā-pūtea, i ngā wero whakamahere matatini rānei.

Ka pēhea te mahi a ngā tukanga tīpakohanga me te aromatawai SDP?

Ka whakatakotoria e te Urban Development Act tētahi tukanga pakari me whakaoti i mua i te whakatūnga mai o tētahi SDP, i mua i te tīmatanga o te whakarato i te kaupapa hoki.

Ka tīpakohia kia aromatawaihia tētahi kaupapa whanaketanga ā-tāone e Kāinga Ora, e ngā Minita haepapa rānei (ko te Minita o ngā Whare Noho e noho haepapa ana mō te Ture, me te Minita o te Pūtea). Ko ngā rōpū, ko ngā hinonga, hei tauira, he iwi, he kaiwhakawhanake, he kaunihera rānei, he kaupapa whanaketanga tā rātou ki ō rātou whakaaro ka tū pea hei SDP, ka taea te matapaki i tā rātou kaupapa ki te rōpū SDP o Kāinga Ora kia whai mōhio mai mēnā ka whaihua pea i te whakamahi i te tukanga SDP.

Mēnā ka tīpakohia he kaupapa kia aromatawaitia hei SDP pea, me kī i roto i te hātepe aromatawai ko te kōrerorero tahi tōmua ki te hunga whai pānga Māori, hira hoki, te pānui tūmatanui i ngā āhuatanga hira e whakaaroarohia ana e Kāinga Ora mō te kaupapa e marohitia ana, me te whakarite i tētahi pūrongo aromatawai kaupapa matawhānui.

Hei te mutunga o te tukanga aromatawai, ka tūtohu a Kāinga Ora ki ngā Minita haepapa, mēnā rānei me whakatū te kaupapa hei SDP. Kātahi ka riro mā ngā Minita haepapa te whakatau mēnā rānei me whakaae ki te tūtohutanga.

E whakamana ana te Urban Development Act 2020 i a Kāinga Ora ki te tīmata, ki te whakahaere, ki te whakamahi hoki i te whanaketanga ā-tāone e āwhina ana i ngā hapori toitū, he whakauruuru, he momoho hoki. I roto i tēnei ko tētahi tukanga matatini mō te whakamahere, te tuku pūtea, te whakaratonga hoki o ngā kaupapa whanaketanga ā-tāone matatini – e kīia ana ko ngā Kaupapa Whanaketanga Tauwhāiti (SDP).

Ētahi mōhiohio anō

Ka whakaritea e te Urban Development Act 2020(external link), ki te taha o te Kāinga Ora – Homes and Communities Act 2019(external link), tētahi pou tarāwaho mō te whanaketanga ā-tāone takahuri hei āwhina i ngā hapori kia toitū, kia whakauruuru, kia momoho hoki.

Kia pānui i te ture, kia whai mōhiohio atu anō, torohia te paetukutuku a Te Tūāpapa Kura Kāinga(external link). Ki te hiahia koe ki te rapu i ētahi mōhiohio anō mō te Urban Development Act, ki te kōrerorero rānei i te tīpakohanga pea o tētahi kaupapa kia aromatawaitia hei SDP pea, ka taea te īmēra mai ki te rōpū ki sdp.enquiries@kaingaora.govt.nz.