Whiwhi ratonga - te whakarato rawa me ngā ratonga ki a mātou
Ka rapu haere tonu a Kāinga Ora i ngā kaiwhakarato he auaha, tōtika, ā, he pai ngā utu.
Ka oti ā mātou mahinga hoko katoa i roto i te anga o
- Ngā Ture me Ngā Mātāpono Whiwhi Ratonga a te Kāwanatanga
- Te Aratohu Kaupapahere me Ngā Tikanga a Kāinga Ora
Ā mātou mahi
He pokapū pūkenga arumoni te Rōpū Whiwhi Ratonga. Nō mātou te kawenga mō te whakariterite me te whakahaere i te rautaki rapu rawa, te tīpako, te tuku kirimana me te whakahaere kaiwhakarato mō ngā rawa me ngā mahi tae atu ki te hangatanga mō te tari.
He pēhea tā mātou mahi
Ko tō mātou hiahia he whakamahi i ngā whakaritenga whakarato onāianei (ngā kirimana me ngā rōpū) i mua i tā mātou toro atu ki te mākete me ngā arawātea tono hou. Ka pānuitia ngā arawātea hou mō te tuku rawa, ratonga, te whakahou rānei neke atu i te $100,000 te wāriu me ngā mahi hangatanga hou neke atu i te $10 miriona te wāriu ki te Government Electronic Tendering Service (GETS). E whakaratoa ana tēnei ratonga koreutu e Hīkina Whakatutuki (MBIE).
Mēnā kei te mahi koe me mātou ka taea e koe te rēhita mā te haere ki gets.govt.nz(external link)
Ka whakamahi hoki e mātou a Tenderlink, ko tētahi o ngā pūnaha whiwhi ratonga tāhiko nui rawa o te Tuakoi Tonga. Tirohia ngā arawātea i Tenderlink(external link).
Kua whakatūria e Kāinga Ora ngā rōpū maha hei tuku rawa, ratonga me ngā mahi. E tuwhera ana (ka whakaaetia e mātou ngā tono ahakoa te wā), e kati ana rānei.
He mea nui te haumaru o ā mātou kaikirimana ki a mātou, nō reira i mahi tahi mātou me ō mātou hoa mahi ngātahi Hauora me te Haumaru kia herea te whakaritenga whai tohu Hauora me te Haumaru mō ngā kaiwhakarato katoa e hiahia ana ki te tuku ratonga hangatanga ki a mātou. Me mātua whai ngā kaiwhakarato i tētahi Tohu Hauora me te Haumaru i mua tā rātou tuku ratonga hangatanga ki tō mātou tari.
Pānuitia ā mātou whakaritenga whiwhi ratonga onāianei.
Kua whakahoutia e Kāinga Ora te takotoranga o Ngā Here Kirimana mō Ngā Ratonga Mātanga (CCCS). Ka whai tēnei i ngā whakariteritenga me ngā whakahaere ahumahi hira pērā i Te Kāhui Whaihanga me te Association of Consulting and Engineering New Zealand. Ka nui tā mātou mihi ki ēnei rōpū mō te tohungatanga o ō rātou whakaaro me te aronga mahi tahi mō tēnei whakatikatanga.
Tikiake i te tuhinga kua whakatikahia [PDF, 943 KB].
Me whakapā mai mō ngā whakaaro mā te cccsfeedback@kaingaora.govt.nz
Ko tā mātou Tikanga Whanonga Kaiwhakarato he rārangi ture me mātua whai ō kaimahi me ō kaikirimana ina mahi ana, tuku ratonga rānei mā Kāinga Ora. Ko ngā kaiwhakarato kaikirimana he wāhanga rātou nō te wāhanga tuku ratonga, arā kei te whakakanohi koe i ngā tūmanako me ngā uara o Kāinga Ora ki ā mātou kiritaki.
Tikiake i Ngā Tikanga Whanonga Kaiwhakarato a Kāinga Ora [PDF, 825 KB]
Kei te urupare mātou ki te kaha hiahia ki ngā whare noho tūmatanui mā te whakawhānui ake i tā mātou kaupapa hanga me te whakawhanake anō i ngā papanoho onāianei. Tata ki te $2.6 piriona tā mātou haumi ki ngā whakapaunga o waho, e whiwhi arawātea ai ngā kaiwhakarato ki te whai mahi me te āwhina i a mātou ki te whakatutuki i tā mātou whāinga o te whakarato kāinga me ngā hapori mō ngā tāngata o te motu e tino whakaraerae ana. He kiritaki tōtika a Kāinga Ora e pūmau ana ki te utu i ngā kaiwhakarato i te wā tika.
Ka tukuna e mātou tētahi Mahere Whiwhi Ratonga (APP) ki a MBIE, ā, he matapae ā-tau tēnei o tā mātou whai ratonga e tūmanakohia ana. Kei roto te APP i te rārangi kua whakakotahitia o ngā whiwhi ratonga a te Kāwanatanga o Aotearoa.
Kia mōhio: Tērā pea ka whakatikahia, ka whakakorehia pea ngā matapae whiwhi ratonga. He kaupapa hanga mahere anake ngā mōhiohio. Ehara i te mea he whakaatu i tētahi whakapatipati, tono rānei, ā, ehara tēnei i te paihere i a mātou ki te hoko i ngā rawa me ngā ratonga e whakaahuatia ana.
Kei te hiahia ki te mahi me mātou? Tirohia ngā whai wāhitanga onāianei kei Tenderlink(external link), haere rānei ki te Government Electronic Tendering Service(external link) (GETS)
Mēnā kāore he kirimana ake mō ngā rawa me ngā ratonga i ōtahia i runga i tētahi ōta hokonga, ka mana ko ngā ture me ngā here arowhānui a Kāinga Ora.
Ko te whakarite kua whakaae ngā kaiwhakarato ki ēnei ture me ngā here arowhānui ina tuku ana i ngā rawa / ratonga ki a mātou.
Tikiake i ngā ture me ngā here arowhānui a Kāinga Ora [PDF, 718 KB]
Te aratohu Torotoro ki Ngā Kaiwhakarato [PDF, 431 KB]
E whakarārangi ana a Pā Harakeke tā mātou anga Whiwhi Ratonga Toitū me te Pāpori i te aronga o Kāinga Ora ka whai me ana mahi whiwhi ratonga hei whakarato putanga pāpori me te toitū e ai ki te Anga Whiwhi Ratonga Toitū me te Pāpori, ā, kia hāngai hoki ki ā mātou whāinga whakahaere rautaki.
Kua whakamahia e Kāinga Ora te Harakeke hei tohu mō tā mātou kaupapa whiwhi ratonga pāpori me te toitū, e whakaatu ana i tā mātou ngaki i ngā putanga toitū mō Aotearoa.
Pānuitia ngā kōrero atu anō mō Pā Harakeke - Te Anga Whiwhi Ratonga Toitū me te Pāpori
Ka whakatūria e MBIE ngā paerewa o ngā tikanga pai mō te whiwhi rawa, ratonga me ngā mahi a te Rāngai Tūmatanui o Aotearoa. Ka whakamahia e Kāinga Ora ēnei paerewa ki a mātou mahi whiwhi ratonga.
He aratohu tā MBIE kei roto i tētahi kaupapa Kāwanatanga hei āwhina i ngā kaiwhakarato kia pai ake te whakahaere i te Kāwanatanga me te tautoko i ngā tikanga whiwhi ratonga pai.
Me pēhea te whakarato ki te Kāwanatanga - te aratohu(external link)
Ko tā te aratohu:
- he tuku i tētahi tirohanga whānui o te mākete Kāwanatanga
- he whakaahua i ngā ture me ngā hātepe ka whai ngā tari Kāwanatanga hei hoko rawa, ratonga hoki
- he whakarārangi ki hea kimi ai i ngā arawātea Kāwanatanga
- he tuku kupu āwhina mō te whakarite me te tuku i tētahi tono, he āwhina i a koe kia pai ake ō tūponotanga ka kōwhiria koe hei tuku rawa, ratonga rānei ki te Kāwanatanga
- he whakamārama i ngā kupu ka whakamahia i roto i te hātepe.
Mō ētahi mōhiohio anō me pānui i te paetukutuku Te Whiwhi Ratonga a te Kāwanatanga – ngā mōhiohio mā ngā kaiwhakarato(external link).
Ka whakahaerehia e mātou ngā tuku whakaaro me ngā amuamu a te kaiwhakarato e ai ki te Aratohu ki Ngā Tuku Whakaaro me Ngā Amuamu a MBIE.
Mēnā he pātai āu, he whakaaro rānei mō tētahi hātepe whiwhi ratonga, īmēra atu ki ProcurementComplaints@kaingaora.govt.nz, ā, ka whakaūngia e mātou i whiwhi mātou i ō kōrero i roto i te 48 haora.
Ka whakaratoa e MBIE tētahi ratonga tuku whakaaro matatapu a te kaiwhakarato.
Ko te hātepe mō te tuku i tētahi amuamu ōkawa kei roto i te Aratohu ki te Tuku Whakaaro me Ngā Amuamu a te Kaiwhakarato(external link).
Whakapā mai
Mēnā ka huria e koe ō mōhiohio kaute pēke, wāhi noho, ingoa kamupene, ētahi atu mōhiohio rānei i tukuna i mua, me īmēra mai ki newsuppliersetup@kaingaora.govt.nz kia taea ai e tō mātou rōpū Hoko hei Utu ngā huringa e hiahiatia ana.
Me mātua tukuna ngā uiui katoa mō ngā arawātea tono onāianei e ai ki ngā taipitopito i roto i te tono ake.
Mō ngā pātai tauwhānui, te tuku whakaaro rānei, me whakapā atu ki tō mātou Rōpū Whiwhi Ratonga i procurement@kaingaora.govt.nz.
Kua whakahoungia te whārangi: 28 Huitanguru 2023