Te tū hei kiritata pai

E pēnei ana te kiritata pai:

• he manawa popore – ka whakautehia ngā tika me te tūmataiti o ētahi atu
• he manawa rahi – ka mārama i a ia kei tēnā, kei tēnā ōna ake āhua o te mahi i ngā mahi, ā, he pai tonu tērā
• he pūaroha – ka kite atu ina raru tētahi mea, ā, ka mahia he mahi hei anganui atu
• he haepapa – mō ngā mahi a ō rātou whānau, a ō rātou manuhiri, a ā rātou mōkai

E tono ana mātou ki a koe:

• kia kōrerorero i ngā take ina puta he raru, kia whakarongo ki ngā tirohanga o ētahi atu, me te ngana kia tae atu ki tētahi whakaaetanga ka whaihua mō te katoa
• kia tiro koe i ngā papanoho o ngā kiritata ina noho rātou i wāhi kē me te pūrongo i ngā mahi ohiti
• kia noho tonu te turituri e puta mai ana i tō whare (he puoro, he pāti, he pūoho, he kurī, he waka, he aha atu anō) i te nui e pai ana, inarā i te pō
• kia manawanui i te tākaro ki waho a ngā tamariki a ngā kiritata
• kia wātea tonu ngā ara kuhunga ngātahi
• kia tika tonu te āhua o tō iāri.

Te whakatau raru

Ahakoa he pai tō hononga ki ō kiritata i te nuinga o te wā, ka puta pea he wā ka tautohe koutou. I te tuatahi me kōrero koe ki tō kiritata, nā te mea ka tau pea te nuinga o ngā raru i te matapaki pai.

I ētahi wā tē tau ngā raru i te kōrerorero. Ki te pēnei, me tīmata ki te tuhituhi i ngā taipitopito, tae atu ki ngā āhuatanga ka pā, ki ngā wā ka pā anō hoki. He mea āwhina pea tēnei kia mārama ai he aha kei te haere. Ka whaitake hoki ō tuhinga ki a koe mēnā me kōkiri tonu te take.

I ētahi wā me tono pea koe i te āwhina hei whakatau i ngā raru:

• Ki te whakaaro koe e mōrea ā-tinana ana tētahi, inarā ko te tamariki, waea wawe atu ki ngā pirihimana ki 111.
  • Ko 111 te nama ohotata mō Ngā Pirihimana, mō te Ahi, mō te Waka Tūroro hoki.
  • Ko 105 te nama mō Ngā Pirihimana mēnā ehara i te ohotata.
• Mēnā he raru ōu ki te turituri nui, ka hiahia pea koe ki te waea atu ki te Tari Whakahaere Turituri i tō kaunihera ā-takiwā.
• Mēnā he raru ōu ki ngā kurī, ka hiahia pea koe ki te waea atu ki te Tari Whakahaere Kararehe i tō kaunihera ā-takiwā.

Mēnā ka pūrongo koe i tētahi raru ki ngā mana, tēnā waea hoki mai ki a mātou ki 0800 801 601 hei whakamōhio mai ki a mātou mō te take.

He aha ka taea e Kāinga Ora?

Nā te mea he kawenga tā mātou ki tō mātou hapori, ka mahi mātou i te mahi mēnā ka raweke tētahi i te rangimārie, i te āhuru, i te tūmataiti, i te haumaru rānei o rātou e noho tata ana.

Whakapā mai ki te hiahia koe ki te āwhina me ngā raru i tō takiwā noho. Ka mahi tahi mātou ki a koe, ki ērā atu e whai wāhi atu ana hei whakatau i te raru.