Kāinga Whenua
Te āheinga ki te pūtea mō te hanganga Māori ki te whenua Māori me ngā rangatira whenua maha.
Ko te Kaupapa Pūtea Taurewa Kāinga Whenua ko tētahi kaupapa i waenga i a Kāinga Ora me Kiwibank hei āwhina i te Māori ki te whakatutuki i te whai whare i tō rātou whenua rangatira maha.
E wātea ana ngā pūtea taurewa ki ngā tarahiti whenua Māori, ki ngā tāngata takitahi hoki kei a rātou te tika ki te noho i tō rātou whenua Māori rangatira maha. He rerekē ngā whakaritenga me ngā tukanga tono, nō reira tīpakohia te kōwhiringa e arohia ana e koe kia ako atu anō.
He mea uaua pea te whiwhi pūtea hei whakawhanake i te whare noho i te whenua Māori nā te mea nā te tūnga o te whenua kua raru ngā kaituku ki te whai huarawa taurangi mō te whare me te whenua, pērā i tā rātou mahi mō ngā pūtea taurewa whare noho noa. Ko te whare anake te huarawa taurangi mō tētahi pūtea taurewa Kāinga Whenua, kaua te whare me te whenua pērā i te nuinga o ngā pūtea taurewa whare.
E whakaae ana, e tuku ana a Kiwibank i te pūtea taurewa, ā, me whakatutuki koe i ā rātou paearu tuku noa me ngā paearu a Kāinga Whenua anō hoki. E tuku ana a Kāinga Ora i te rīanga mōkete kaituku mō te pūtea taurewa.
He herenga hoki nā tētahi pūtea taurewa Kāinga Whenua ki te momo whare ka taea e koe te hanga, te hoko, te neke anō ki te whenua rānei. Me kotahi papanga te whare o te 50 mita pūrua i te itinga iho, ki ngā poutoka, ā, me whai urunga huarahi tika. Me noho i te tuawhenua o Te Ika-a-Māui, o Te Waipounamu rānei.
Rapu i ētahi atu mōhiohio
- Te pūtea taurewa Kāinga Whenua mō ngā tāngata takitahi
- Te pūtea taurewa Kāinga Whenua mō ngā tarahiti whenua Māori
- Te hoko, te hanga rānei i tētahi whare hou ki te pūtea taurewa Kāinga Whenua [PDF, 1.3 MB]
- He Whakaaetanga Kāinga Whenua [PDF, 773 KB] Kia mōhio mai: hei tohutoro anake tēnei tuhinga, ā, me whakaoti anake e Kāinga Ora – Homes and Communities ina whiwhi mātou i ngā tuhinga pūtea taurewa whakamutunga i a Kiwibank. Kātahi ka tukuna ki ō Rōia kia whiwhi i ngā waitohu o ngā kiri katoa e whai wāhi mai ana.
- te tautoko tāpiri ki Tupu (Māori Housing Network)(external link)
Kua whakahoungia te whārangi: 31 Kohitātea 2023