Te whai whare a te kairēti

E tuku ana te kāwanatanga ki ngā kairēti whare kāwanatanga te kōwhiringa ki te hoko i te whare e noho ana rātou. Nōu pea te wawata o te whai whare, ka mahue te waea atu ki te kamupene hūnuku. Ki te kore koe e aro ake ana ki te hoko i tō whare, kaua e āwangawanga, ka taea te rēti tonu i a mātou. Kāore he herenga kei a koe ki te hoko.

He mea nui te mōhio kāore ngā papanoho katoa e whakawāteatia hei hokotanga.

Te takuhe Whai Whare a te Kairēti

Ko te takuhe Whai Whare a te Kairēti ko tētahi koha o te 10% o te utu hokotanga o ētahi whare a Kāinga Ora tae atu ki te mōrahi o te $20,000. Kāore te takuhe Whai Whare a te Kairēti i te wātea mai ki ngā wāhi he nui te hiahia ki ngā whare kāwanatanga. Ko ētahi o ēnei wāhi ko:

• Tāmaki Makaurau
• Te Tāone Nui o Te Whanganui-a-Tara
• Ōtautahi
• Kirikiriroa, me
• Tauranga.

Kia mōhio mai e wātea mai ana tēnei mō te hokotanga o ētahi papanoho tauwhāiti a Kāinga Ora, ā, tē taea te whakahāngai ake ki te hoko i ērā atu papanoho.

Mēnā he kairēti koe, ā, kei te hiahia koe ki te tono ki te takuhe Whai Whare a te Kairēti, ka taea te whakaoti i te puka tono takuhe Whai Whare a te Kairēti [PDF, 378 KB] hei wāhanga o tō tono ki te hoko i te papanoho e noho nā koe i tēnei wā.

Oti ana te puka ka taea te matawai me te īmēra i tō tono ki THOGrant@kaingaora.govt.nz.

Ka taea hoki e ngā kaihoko te whakakotahi i te takuhe Whai Whare a te Kairēti ki te Pūtea Taurewa Whare Tuatahi, ki te takuhe Whare Tuatahi, ki te tangohanga whare tuatahi a KiwiSaver hoki/rānei, mēnā e māraurau ana koe ki te hoko i te retihanga e noho nā koe.

Mēnā he kairēti koe, ā, e aro ake ana koe ki te hoko i tō whare me mahi i tētahi o ēnei:

• tīkina ake te mātārere Whai Whare a te Kairēti [PDF, 697 KB]
• waea mai ki a mātou ki 0508 935 266, tērā rānei
• whakaotihia te puka i raro nei: