Te hūnuku atu

Mēnā kei te wehe koe i tō whare o Kāinga Ora, me tuku pānui ā-tuhi mai koe i te 21 rā i mua.

Ka pēnei mā te whakakī, me te tuku mai i tēnei puka ki a mātou: Notice to End Tenancy Agreement [PDF, 163 KB].

Te hūnuku ki tētahi atu whare a Kāinga Ora

Ki te hiahia koe ki te hūnuku atu ki tētahi atu whare a Kāinga Ora, ko te tīmatanga tino pai ko te waea mai ki tō mātou Pokapū Tautoko Kiritaki. Ka kōrerorero tāua mō ō āhuatanga, kātahi ka rapu i ngā kāinga e wātea ana i tō rohe ka whakatutuki i ō hiahia. Ka tūhonoa ai ngā kāinga katoa nō Kāinga Ora ki ngā kairēti i runga i ō rātou hiahia, ā, he rārangi tatari kei te nuinga o ngā rohe, nō reira tē taea e mātou te kī taurangi ka taea e koe te hūnuku wawe.

Ki te rapu mātou i tētahi atu kāinga mōu, ā, ka waiho koe i tō kāinga kia mā, kāore he tūkinotanga, ā, kua utua katoatia ō utu, ka tono mātou ki Hīkina Whakatutuki(external link) ki te whakawhiti i tō monihere o nāianei ki tō kāinga hou. Ka whakarite hoki mātou kia whakawhitia ngā rēti kua utua tōmuatia e koe ki tō kāinga hou. Māu e whakarite tō nekehanga taputapu me te tūhono i tō waea, i tō hiko.

Ā muri i te whakamōhio atu ki a koe

I roto i te 48 haora o te whiwhi i tō pānui, ka tukuna atu he rārangi arowhai ki a koe hei āwhina i a koe ki te hūnuku atu me te whakarite i tētahi tirotirotanga whakamutunga kia pai ai te tirotiro i te Pūrongo Āhua o te Papanoho mai i te wā i kuhu atu koe. Mēnā me utu koe i ētahi whakatikahanga ki te kāinga, ka taea e mātou te āwhina i a koe ki te whakarite i ngā utu anō e hāngai ana ki tō pūtea kia ea ai i a koe i roto i te wā.

Ki te hiahia koe ki te wehe atu i mua i te mutunga o tō wā whakamōhiotanga e 21-rā, waea mai ki a mātou hei te wā tino tata ka taea. I ngā wāhi i reira he nui te hiahia ki ō mātou kāinga, ka taea pea e koe te wehe atu i mua atu mēnā he mā, he tika tō kāinga, ā, ki te whakaae mātou kia mutu tōmua te retihanga. Ina pēnei ai, me utu noa koe i te rēti tae noa atu ki te hūnuku mai te kairēti hou.

Ki te rerekē ō whakaaro

Ki te rerekē ō whakaaro, ā, kāore koe i te hiahia tonu ki te hūnuku atu, ka taea anake e mātou te whakaae kia noho tonu koe mēnā kāore anō mātou kia whakarite i ētahi atu takohanga, pērā i te waitohu ake i tētahi kairēti hou. Kei konei mātou hei āwhina atu, nō reira waea mai ki a mātou hei te wā tino tata ka taea mēnā ka huri ō āhuatanga.

Ki te whakamutua tō retihanga e Kāinga Ora

Ki te whakamutua e Kāinga Ora he retihanga, ko te tikanga ka tukuna e mātou te pānui ā-tuhi o te toru marama (90 rā) i mua. I ētahi āhuatanga, me poto ake te wā whakamōhio, hei tauira, mēnā kāore te whare i te haumaru mō te noho, mēnā ka whakatau rānei te Taraipiunara Retihanga kia whakamutua te retihanga.

Ina hoatu mātou i te whakamōhiotanga ki a koe, ka whakaritea tētahi wā hei toro atu ki te papanoho hei aromatawai i ngā whakatikahanga me mahi, i ngā tūkinotanga me whakatika i mua i tō hūnuku atu.

Mēnā i hūnuku tuatahi mai koe ki tētahi kāinga nō Kāinga Ora i mua i te Rātapu te 7 o Āperira i te tau 2019, nāu pea tētahi monihere i utu. Mēnā i pēnā, ka tono mātou ki ngā Ratonga Retihanga a Hīkina Whakatutuki(external link) hei whakahoki i te utu ki a koe ina kua whakaritea e mātou hei pai te āhua o tō kāinga, ā, kua utua katoatia ō utu.

Te tono i tētahi reta tautoko retihanga

Mēnā kei te hūnuku atu koe mai i tō kāinga a Kāinga Ora ki tētahi retihanga tūmataiti ka āhei koe ki te tono reta tautoko retihanga mai i a mātou.

Ka āwhina tētahi reta tautoko retihanga i te kairetiwhare tūmataiti ki te whakarite ki te kōwhiri i te kaireti tika mō tōna kāinga. Kei roto i ngā tono retihanga ko ngā mōhiohio whaiaro kia pai ai te tuku tohu atu ki te kiritaki a Kāinga Ora. Mēnā ka tono tō kairetiwhare, kaiwhakahaere whare rānei mō tētahi reta tautoko retihanga, me tono koe mai i a mātou kātahi ka tukuna atu ki a ia.

Ko te reta tautoko retihanga he reta tērā mai i a Kāinga Ora kua whai mea pērā i ēnei:

• Te roa o tō noho hei kiritaki a Kāinga Ora.
• Mēnā i pai tō tiaki i te papanoho kia mā, kia pai te āhua.
• Mēnā kei te nama tonu koe ki a Kāinga Ora.

Me pēnei tō tono mō tētahi reta tautoko retihanga:

1. Go to our ‘Tenant enquiries’ form
2. Under ‘What do you need help with?’ select ‘My tenancy’
3. Under 'What is your request about?' select ‘Tenancy Reference Letter’
4. Me mātua whakauru atu i tō ingoa whānui, te wāhi noho Kāinga Ora, me tētahi wāhi noho tuku mēra, wāhitau īmēra rānei kia pai ai te tuku atu i te reta tautoko retihanga.

Tono hunga kē hei kōrero mō tētahi reta tautoko retihanga

Mēnā ka hiahia tētahi hunga kē (pērā i tō kairetiwhare, kaiwhakahaere whare rānei) ki te kōrero mō tō reta tautoko retihanga ki a Kāinga Ora, me tono whakaae rā anō i a koe i te tuatahi.

Hei whakarite kia tukuna tō whakaae ki tētahi hunga kē, me whai i ēnei mahi:

1. Go to our ‘Tenant enquiries’ form
2. Under ‘What do you need help with?’ select ‘My tenancy’
3. Under 'What is your request about?' select ‘Tenancy Reference Letter’
4. I roto i te pouaka kuputuhi me whakamōhio mai kei te 'hiahia koe ki te whakaae atu ki tētahi hunga kē ki te kōrero mō tō reta tautoko retihanga ki a Kāinga Ora'. Kia maumahara ki te whakauru atu i tō tau waea, wāhitau īmēra rānei kia pai ai tā mātou whakapā atu me te āwhina i a koe ki te whakarite i tēnei.