Te whakapūmau i te haumaru o tō kāinga

Ka taea te whakarite kia haumaru tonu tō kāinga mā te raka me te whakamau i ngā kūaha, i ngā matapihi hoki ina kāore i te whakamahia. Ka whakamau a Kāinga Ora i ngā whakarawa haumaru ki ētahi matapihi i ō mātou kāinga, ā, ka taea te tuku aki mēnā ka raru tō whakamahi i ēnā. Waea noa mai ki a mātou ki 0800 801 601.

Ki te haere mai tētahi ki tō kūaha me te mea atu e mahi ana ia mō Kāinga Ora, tono atu ki te kite i tana kāri tuakiri. Ki te kore e taea e ia te whakaatu i tētahi, me tono kia wehe atu ia me te waea wawe mai ki a mātou ki 0800 801 601.

Mēnā ka haere koe ki wāhi kē:

• whakaritea ko te āhua o tō kāinga ānō nei e nohoia ana mā te waiho i te reo irirangi, i tētahi rama rānei kia kā tonu. Ka taea e ngā ine-wā pūwāhi hiko mai i te toa taputapu e pātata ana ki a koe te whakakā, te whakaweto rānei i ngā rama hei ngā wā kua whakaritea.
• tono atu ki tētahi e whirinakihia ana pērā i tētahi kiritata, i tētahi whanaunga, i tētahi hoa rānei hei tiki i tō pōhi. Ka taea hoki te tono ki a New Zealand Post kia puritia māu
• tono atu ki tētahi e whirinakihia ana kia whai mōhio mai mēnā ka taea e ia te tapahi i te pātiti, te tuku atu i tō para hoki.
• hei wāhanga o tō Whakaaetanga Retihanga, me mōhio a Kāinga Ora mēnā kei wāhi kē atu koe mō te neke atu i te 31 rā.

He whakaaro pai te whai mōhio ki ngā tāngata i tō takiwā noho, te uru rānei pea ki tō Neighbourhood Support Group e pātata ana. He haumaru ake tātou ina mahi ngātahi.

Kia whai mōhio ki ētahi atu kōrero mō te uru atu, mō te tīmata rānei i tētahi rōpū i tō takiwā noho, waea atu ki a Neighbourhood Support New Zealand ki 0800 463 444.

Mātakitakihia ki raro nei mō ngā mea pai hei mōhio ina whakarite ana kia haumaru tō whānau i te kāinga.