Ngā mōkai
E mōhio ana mātou he rawe ngā mōkai hei hoa, ā, e hiahia ana mātou kia kite wheako ā mātou kairēti me ō rātou whānau i ngā tini hua o te whai mōkai.
He kairetiwhare e pai ana ki ngā mōkai a Kāinga Ora
E mōhio ana mātou he hoa rawe ngā mōkai, ā, e hiahia ana mātou kia kite wheako ā mātou kairēti me ō rātou whānau i ngā tini hua o te whai mōkai.
Mā te whai mōkai, e whakaae ana ngā kaireti a Kāinga Ora ki te whai i ngā ture ā-rohe a te kaunihera, ā, mēnā kei te noho rātou i roto i tētahi wharenoho iti, ki te whai i ngā ture rōpū rangatōpū e hāngai ana ki te mau i ngā mōkai i roto i te whare.
Kia pai hei rangatira mōkai
Pērā i ērā atu rangatira mōkai i Aotearoa, e haepapa ana ā mātou kairēti mō te pupuri, mō te hauora, mō te oranga hoki o tā rātou mōkai – kei roto i tēnei, engari kāore i te herea pēnei:
- te kai,
- te wai,
- te korikori,
- ngā nama rata kararehe,
- te whakarite kia mau mōtete takawai (microchipping),
- ngā kano ārai mate,
- te whakakore taihemahema,
- te rēhitatanga,
- te rongoā noke, me
- ngā rongoā puruhi.
Hei āwhina i ā mātou kairēti kia pai hei rangatira mōkai ka tuku tīwhiri, tohutohu hoki mātou, ā, ka āki i a rātou ki te kimi i ētahi atu kōrero ārahi i ngā pokapū e hāngai ana.
Mēnā he āwangawanga ōu mō tētahi mōkai
Mehemea e tūkinohia ana tētahi mōkai, mehemea rānei e āwangawanga ana koe mō te oranga o tētahi mōkai, whakapā atu ki te SPCA(external link).
Mēnā e hāereere ana tētahi kurī i te tiriti, mēnā he hoihoi tana auau mō te roanga o te rā, mēnā he haututū, mēnā ka whakaeke i tētahi rānei whakapā atu ki te wāhanga Whakahaere Kurī o te kaunihera ā-takiwā.
Pānuitia ētahi atu mōhiohio mō tā ngā kairēti whai mōkai i ō rātou kāinga.
Kua whakahoungia te whārangi: 5 Hōngongoi 2023