Tuku whakaaro mai, tuku amuamu mai rānei
Mehemea he amuamu tāu mā mātou e whakatika, he marohi hei tuku mai, he kōrero mō tētahi mahi kua oti pai, e hiahia ana mātou ki te rongo kōrero i a koe.
Ko tā mātou e hiahia ana kia hāneanea, kia pai hoki ngā whare o Kāinga Ora me ngā hapori mō te noho – me te aha he pērā te nuinga. Engari ina pupū ake ngā raruraru, ka tino whakapau kaha mātou kia puta ai te painga mō te katoa.
Mēnā kāore koe i te rata ki tētahi mea e pā ana ki tētahi whare o Kāinga Ora, kei te raruraru rānei, me wawe tonu te whakapā mai kia pai ai tā mātou tirotiro. Kei reira ētahi ara rerekē mō te whakapa mai ki a mātou kia pai ai te tuku whakaaro mai, te tuku amuamu mai rānei – ka kitea anō ēnei i raro i Whakapā mai.
Ki te hiahia koe ki te amuamu ā-tuihono e pai ana tō whakamahi i tā mātou Puka mō ngā urupare me ngā urupounamu, me tīpako noa i 'Amuamu' ki raro i te 'Momo urupounamu'.
Ina whakapā mai koe ki a mātou mō tētahi raruraru kua pā ki a koe, kei reira ētahi mōhiohio hira me whiwhi mātou kia pai ai te tūhura. Me whakamōhio mai ki a mātou:
- He aha te raruraru, ā, he pēhea te hāngai ki a Kāinga Ora
- Mēnā kei te whakapā mai koe mō tētahi whare ake o Kāinga Ora, me whakamōhio mai i te wāhi noho
- Mēnā kei te whakapā mai koe mō tētahi āhuatanga ake, me whakamōhio mai:
- I te rā me te wā i pā mai te āhuatanga
- Ko wai te hunga kei roto
- Ētahi atu mōhiohio hāngai ki ōu whakaaro ka āwhina pea i a mātou ki te whakatau i te raruraru.
E tūtohu ana mātou kia tukuna mai anō e koe tō ingoa, tō wāhi noho me ō taipitopito whakapā. Ko te tikanga o tēnei ka whakapā atu anō mātou ki a koe ki te kōrero atu kei te aha mātou mō te āhuatanga, te tuku pātai anō mēnā e hiahiatia ana. Engari, ka taea e koe te noho muna mēnā ka hiahia koe.
He mea nui ki a mātou ngā amuamu, ā, ka whakapau kaha matou kia taea ai ngā putanga pai mō te hunga ka tuku whare mātou me ō rātou hapori. E ai ki te āhuatanga, ehara i te mea he tere tēnei hātepe i ngā wā katoa, engari e pūmau ana mātou kia tika.
Ahakoa e whai ana mātou ki te whakamōhio haere i a koe i roto i tēnei hātepe, he mea nui kia mōhio koe he whāiti ngā mea ka taea e mātou te tuku ki a koe i raro i te Ture Matatapu. Arā, kāore e taea e mātou te tuku mōhiohio mō ngā mahi tauwhāiti i whai mātou, ngā mahi whai ake rānei.
E mārama ana mātou ka hōhā pea koe i tēnei, engari me mōhio koe kai te tino whakapau kaha mātou kia wawe te whakatau i ngā raruraru. Ahakoa he ahurei ngā mahi ake ka whāia e mātou mō ia āhuatanga, kei roto pea i ērā ko te:
- Kōrerorero ki ā mātou kiritaki mō te āhuatanga me ngā mea ka taea e rātou hei whakatau i te āhuatanga – i te nuinga o te wā mā tēnei noa iho kua tau taua āhuatanga
- Tuku tautoko whaikiko ki ngā kiritaki hei āwhina i a rātou ki te āwhina ki te whakatau i ngā raru mō ngā para, mahi tautiaki rānei
- Tūhono i ngā kiritaki ki ngā tari tautoko hei whakarite i te pūtake o te raruraru
- Whakamahi i ngā tikanga i raro i te Residential Tenancies Act ina hiahiatia, tae atu ki tuku pānui takahi tikanga, whakatūpato rānei
Ina whiwhi mātou i tētahi amuamu, ko te whāinga kia whakamanahia tērā i roto i te rua rā mahi me te whakapā haere ki a koe i a mātou e tirotiro ana i te āhuatanga.
Mēnā kei te tatari koe mō tētahi kōrero, me whakapā mai ki tā mātou rōpū Tautoko Kiritaki i 0800 801 601 kia pai ai tā mātou whaiwhai ake me te rōpū o te rohe.
Tērā ētahi āhuatanga he pai ake te whakapā atu ki tētahi atu tari ki te āwhina, i mua i te whakapā atu ki a Kāinga Ora. Ka uru ki tēnei:
- Mēnā ki ōu whakaaro kei te noho mōrearea tonu te tangata, me waea tonu atu ki 111
- Mēnā kei te māharahara koe mō ngā mahi kino pea, me whakamōhio atu ki ngā Pirihimana i 105
- Mēnā ko te turituri te raruraru, me whakapā atu ki te tari whakahaere turituri i tō Kaunihera
- Mēnā ko ngā kurī te raruraru, me waea atu ki Animal Control i tō Kaunihera
- Mēnā kei te māharahara koe mō te ora o ngā kararehe, he mōkai rānei kua whakarērea, me whakapā atu ki te SPCA tūtata.
Ina pūrongohia e koe tō māharahara ki tētahi o ēnei whakahaere, me whakapā mai ki te whakamōhio mai kei te aha, ā, kua whakapā atu koe ki ētahi atu mana. Ko te tikanga o tēnei i tua atu i tā mātou whaiwhai ake i ō māharahara, ka taea hoki e mātou te toro atu ki te tari tika ki te rapu mōhiohio atu anō mēnā e hiahiatia ana.
Ahakoa ko te maha o ngā whare o Kāinga Ora me ngā hapori kei roto he pai, ā, he wāhi rawe mō te noho, tērā ētahi wā ruarua nei ka whakararu, ka anipā rānei ngā kiritata i ngā whanonga whakararuraru.
E mārama ana mātou ki te pānga o ēnei āhuatanga, ka mutu e pūmau ana mātou ki te whakapau kaha kia tau ēnei – me te aha he maha ā mātou tikanga rerekē hei āwhina i a mātou me tēnei.
E whai ana a Kāinga Ora i ngā putanga pai mō te hunga e noho ana i roto i ō mātou kāinga me ō rātou hapori. Kia tutuki ai tēnei, ka mahi ngātahi mātou me ā mātou kiritaki, ngā whānau me ētahi atu ratonga tautoko ina hiahiatia ana kia mārama ai mātou ki te pūtake o ngā whanonga kino me te tuku tautoko kia toitū ai te whakapaitanga.
Ahakoa ko tā mātou aronga tuatahi he tautoko kia rerekē te whanonga, he maha atu anō ā mātou tikanga – tae atu ki ngā tikanga i raro i te Residential Tenancies Act (RTA), ina tika ana.
I ngā āhuatanga tino iti nei e kore nei e tika mō te kiritaki, te hapori whānui rānei kia noho tonu, ka taea e mātou te whakamutu retihanga – ka pērā tonu mātou. I ēnei āhuatanga i te nuinga o te wā ka tukuna e mātou tētahi atu whare Kāinga Ora ki te kiritaki, ā, i te nuinga o te wā ka whai te nuinga o ngā kiritaki hei tīmatanga hou mō rātou me te kore raruraru atu anō.
He rerekē te tikanga mō tēnā āhuatanga me tēnā āhuatanga, ā, ka whai whakaaro ki ngā tūmomo āhuatanga rerekē, he uaua tēnei i ētahi wā. Engari he rite tonu tā mātou whāinga i ngā wā katoa – kia tutuki ai he putanga e whaitake ai mō te katoa, ā, kia tino wawe hoki.
Kei Kāinga Ora e ū ana mātou ki te whakatinana i ō mātou uara me ā mātou paerewa mō te ngākau pono me te whanonga. E mōhio ana mātou arā pea ētahi wā ka whakamōreatia ēnei, ka pā rānei he āhuatanga ka whakatakea mai i te tūkino, i te rauhi rānei ki ētahi atu, ā, me tika te anganui ki ēnei, arā, te rēti anō i ō mātou kāinga, te whakamahi hē i ngā hua ā-ahumoni, te whakakonuka, te keiā, ngā pānga taupatupatu.
E pai ana tō pūrongo i te mahi tinihanga e whakapaetia ana e ā mātou kaimahi, e ā mātou kairēti, e ā mātou kaikirimana rānei mā te
- waea ki: 0800 8355 469 – e 24 hāora, e 7 ngā rā i te wiki, tērā rānei te
- īmēra ki: integrityservices@kaingaora.govt.nz
Kua whakahoungia te whārangi: 24 Hōngongoi 2023