Tono ki te Takuhe Whare Tuatahi

E kaha āki ana mātou kia tono koe ki te whakaae-tōmua. Mā konei e mahue te kimikimi, ā, he mea āwhina hei whakatere ake i te tukanga.

Oti ana tō pānui i ngā mōhiohio ki raro nei, ā, kei a koe ngā mea katoa e hiahiatia ana, e pai ana tō tono ā-tuihono(external link).

Whakaae-tōmua

Hei tono ki te whakaae-tōmua, me whakaoti koe i te tono Takuhe Whare Tuatahi, tae atu ki ngā tuhinga e whakaatu ai i tō moni whiwhi, i ō takoha KiwiSaver hoki.

E whaimana ana ngā whakaae-tōmua mō te 6 marama – ki te kore koe i hoko i tētahi kāinga i roto i tērā wā, me tono anō.

Mehemea kei a koe te whakaae-tōmua, ina kite koe i tētahi papanoho e hiahia ana koe ki te hoko, me tuku mai ki a mātou te Whakaaetanga hokotanga me ngā tuhinga mō te Whakaaturanga o te moni tāpui e rua wiki i mua i te rā whakataunga.

Te tono ā muri i te whakaae a tētahi tono

Mēnā kua tukuna e koe tētahi tono angitu ki tētahi papanoho, ā, kāore tāu whakaae-tōmua, me tono koe ki tētahi Takuhe Whare Tuatahi e 4 wiki i te itinga iho i mua i te rā whakataunga. Whakapā mai ki a mātou ki 0508 935 266 mehemea he iti iho i te 4 ngā wiki i mua i te whakataunga, nā te mea kāore tētahi takuhe e utua atu ā muri i te whakataunga.

Ngā mea e hiahiatia ana hei tono

Me hihira tō māraurau - Mēnā kāore anō koe kia pēnei, me whakarite ka tutuki i a koe ngā here mō te Takuhe Whare Tuatahi.

Hihiratia ngā paearu papanoho - I mua i te tono ki te whakaae katoa, whakaritea ka whakatutuki te papanoho i ngā paearu e hiahiatia ana mō tētahi Takuhe Whare Tuatahi.

Me whai tārua tāhiko (hei tauira, he PDF) o ēnei tuhinga katoa hei tāpiri ki tō tono tuihono.

Tautohu ā-whakaahua - He tārua o tō uruwhenua, o tō tiwhikete whānautanga, o tō raihana taraiwa rānei ki te ingoa e whakamahia ana mō tō tono.

Mēnā e tono ana koe ki te whakaae-katoa me tuku hoko e koe:

• Te whakaaetanga hokotanga - He kape i waitohua, i tuhia te rā o te whakaaetanga hokotanga e 2 wiki i te itinga iho i mua i te rā whakataunga.
• He whakaaturanga o te moni tāpui - He whakaaturanga kei a koe te moni tāpui o te 5% o te utu hokotanga i te itinga iho.

Ina kua whakaae-tōmuatia koe, kua kite hoki i tētahi whare - Me tuku e koe te Whakaaetanga hokotanga me te Whakaaturanga o te moni tāpui.

Te hanga i tētahi whare hou

Ki te hanga koe i tētahi kāinga hou, me mātua tuku hoki e koe:

• tētahi kirimana hanga, tētahi whakatau utu mai i tētahi kairūri utu hanganga hoki/rānei
• he kape o tō tika ki te noho ki te whenua Māori, mēnā e hāngai ana.

He pātai?

Me he pātai āu i mua i tō tono, ka taea e koe te:

• waea mai ki a mātou ki 0508 935 266
• īmēra mai ki a mātou ki enquiries@kaingaora.govt.nz.

Tono ā-tuihono

Tono ā-tuihono ināianei(external link)

Whakaritea kei a koe ngā kape kua matawaihia o ngā tuhinga katoa e hiahiatia ana kia pai ai tō tukuatu i ēnā tahi ki tō tono. Me oti te tono tuihono i roto tonu i te 59 meneti – ā muri i tērā ka pau te wā, ā, ka mate koe ki te tīmata anō.