Lisi atu ‘o hoku fale nofo‘angá ‘o fakafou ‘i he Kāinga Ora

Fakafou ‘i he ‘emau polokalama Home Lease (Lisi ‘Apí), ‘oku mau lisi ai ha ngaahi kalasi kehekehe ‘o e ‘api nofo‘anga takatakai ‘i Nu‘u Sila, meí he ngaahi ‘api fāmili tu‘u tahá ki he ngaahi loki iiki ‘i he ngaahi fale ‘apaatimení.

Ko e ngaahi ‘api lisí ‘oku vahe‘i ia ki he kakai ‘oku nau fiema‘u lahi taha iá mo e fa‘ahinga ‘oku nau lēsisita ‘i he lisi talitali Public Housing (Fale Nofo‘anga Ma‘á e Kakaí) ‘a ia ‘oku tokanga‘i ‘e he Potungāue ki he Fakalakalaka Fakasōsialé (MSD). ‘Oku fakahoko ai ‘e he Kāinga Ora ‘a e fatongia ko e lenilootí, pea ‘oku mau pule‘i kotoa ‘a e ngaahi fengāue‘aki kotoa mo e kakai ‘oku nofo ‘i he ‘apí.

Tatau ai pē pe ko ha tokotaha ma‘u ‘api fakataautaha koe pe ko ha kautaha langa lahi ange, ngalingali ko ‘emau polokalama Home Lease (Lisi ‘Apí) ‘a e lelei taha ma‘aú. ‘Oku mau lava ‘o ‘oatu ha pa‘anga hū mai nofo totongi ‘oku pau, taimi lōloa mo hokohoko, pea ‘oku pau ‘a e ngaahi totongi fakamāhina ki he totongi nofó, neongo kapau ‘oku ‘ikai ke nofo‘i ‘a e ‘apí ‘i he vaha‘a taimi ‘o e hiki atu ha taha ka e hū mai ha tokotaha fo‘ou ki he falé. ‘Oku mau toe tokanga‘i foki ‘a e ngaahi fakalelei fakalūkufua ki he ‘apí ‘o fakafofonga‘i ‘a e tokotaha ‘o‘ona ‘o e ‘apí.

Ko hono fakakakato ‘emau ngaahi makatu‘ungá

‘Oku ‘ikai ke tali ‘a e ngaahi ‘api kotoa ki he ‘emau polokalama Home Lease (Lisi ‘Apí). ‘Oku pau ke ma‘u ‘e he ‘apí ‘emau ngaahi makatu‘unga ke ‘atā mai ki aí, pea ‘oku kau ki ai ‘a e ngaahi tu‘unga fefeka ke fakapapau‘i ‘oku nofo lelei ‘emau kau kasitomaá ‘i ha ngaahi ‘api ‘oku māfana, mātu‘u, fakatupu mo‘ui lelei mo malu.

Te mau ala tali ha ‘api kapau:

‘Oku tu‘u ‘i ha feitu‘u ‘oku mā‘olunga ange ai ‘a e fiema‘u ki ha ‘api ma‘á e kakaí ‘i he ‘emau ngaahi fale ‘oku ‘atā atú
Na‘e langa ia hili ‘a e ta‘u 2000 (lelei ange ka pehē)
‘Okú ne ma‘u ‘a e Ngaahi Tu‘unga ki he Ngaahi ‘Api Fakatupu Mo‘ui Leleí ‘a e Pule‘angá
‘Oku lolotonga ‘atā ‘o ‘ikai nofo‘i, pe ‘oku ‘amanaki ke hiki atu ‘a e tokotaha ‘oku nofo aí.
‘Oku ma‘u ‘a e ngaahi makatu‘unga kehe ‘a e Kāinga Ora

Foomu ‘o e Lisi ke Fakakakató

Fakakakato ‘emau lisi ke fakakakato vave mo faingofuá ke sio pe ‘oku ma‘u ‘e ho‘o ‘apí ‘emau makatu‘unga ‘uluaki ki he ‘atā ke kau maí. Kapau ‘okú ne ma‘u, te mau fetu‘utaki atu fekau‘aki mo e tafa‘ki ki he tohi kolé.

Fakatokanga‘i: Kapau ‘oku ‘i ai ha ‘IO ‘i ha taha ‘o e ngaahi fehu‘i ‘i laló ‘oku ‘uhinga ia ‘e ‘ikai ‘atā ke kau mai ho ‘apí ki he ‘emau polokalama Home Lease (Lisi ‘Apí), pea ‘e ‘ikai ke fiema‘u ke toe hoko atu ki he tafa‘aki tohi kolé. Ko e faka‘atā makehe pē ‘e tahá kapau koe falé na‘e langa ki mu‘a ‘i he ta‘u 2000 - ‘i he ngaahi tu‘unga ‘e ni‘ihi te mau ala tali ia.

Te mau fetu‘utaki atu kiate koe kapau ‘okú ke ma‘u ‘emau ngaahi makatu‘unga ‘uluaki ki he ‘atā ke kau maí.

‘Oku fiema‘u ke tali ‘a e ngaahi fehu‘í kotoa.