Ko e ngāue mo kimautolú

‘Oku kumi ma‘u pē ‘e he Kāinga Ora – Homes and Communities ha kau hū koloa mo fakahoko ngāue ‘oku nau filio‘i fo‘ou, falala‘anga mo ma‘ama‘a.

• Ngaahi Fokotu‘utu‘u Lolotonga ‘a e Kāinga Ora ki hono Kumi ‘o e Kau Fakataú
• Pā Harakeke - Fa‘unga-ngāue Ki He Lelei Fakasōsialé mo Hono Leva‘i Lelei ‘a e Ngaahi Fakamolé
• Ko homau Ngaahi Hoa Ngāue Te Mahi Ngātahi ki he Ngāue Monomonó

‘Oku taumu‘a ‘a e Pa‘anga Tokoni ki hono Fakavave‘i ‘o e Langa Fale Nofo‘angá (Housing Acceleration Fund) ke hiki‘i hake ‘a e tu‘unga vave mo e lahi ‘o e ngaahi fale nofo‘anga ‘oku ma‘ú, pea mo fakalelei‘i ‘a e tu‘unga ma‘ama‘a ‘o e ngaahi ‘apí ke lava ‘o fakataú, ma‘á e ngaahi ‘api ‘oku tu‘unga mā‘ulalo pe lotoloto ‘a ‘enau ma‘u‘anga pa‘angá.

• Pa‘anga ki hono Fakavave‘i ‘o e Ngaahi Ngāue Lalahí

Ke fakapapau‘i ‘e kei lava ‘a e Kāinga Ora ‘o hokohoko atu ‘a ‘ene fakalahi hake ‘a hono tuku atu ‘o ha ngaahi ‘api ‘a e pule‘angá ‘oku māfana mo mātu‘ú, kuo mau fokotu‘u ai ha‘amau Ma‘u Mafai ki hono Fakangofua ‘o ha Langa ‘a kimautolu pē.

‘Oku fakatahataha‘i ‘i he Ngaahi Nofo‘anga ‘oku Tokoniá ‘a e ngaahi fale nofo‘anga ‘oku fakapa‘anga ‘e he pule‘angá mo e ngaahi sēvesi tokoni ‘oku mātu‘aki fu‘u fiema‘u ki he tu‘unga lelei ‘a e mo‘ui ‘a e kakai mo e kāinga ‘oku nau nofo ‘i he ‘apí.

‘Oku fakamafai‘i ‘e he Lao ki he Langa Fakalakalaka ‘i he Feitu‘u ‘i Koló (Urban Development Act) 2020 ‘a e Kāinga Ora ke ne kamata‘i, fokotu‘utu‘u, pea fakahoko ‘a e langa fakalakalaka ‘i he feitu‘u ki koló ‘a ia ‘e tānaki atu ki ha ngaahi komiunitī tu‘uloa, kau kātoa ki ai, mo longomo‘ui.

Ko e Kāinga Ora – Homes and Communities ko ha sino ngāue ia ‘a e Kalauní. ‘Okú ne fakaafe‘i atu ha ngaahi Fakahā ‘o ha Fie Kau Mai (Expressions of Interest) meí ha ngaahi kautaha langa fale ‘oku nau ‘atā ke kau ki ai ke fokotu‘u kinautolu ki ha ngaahi polōseki.

Meí he taimi ki he taimi, ‘e lisi atu ai ‘e he Kāinga Ora ha ngaahi fale nofo‘anga ‘oku ma‘u fakataautaha ‘i he ngaahi feitu‘u ‘oku mā‘olunga ai ‘a e fiema‘u fale nofo totongi ma‘ama‘á.