Langa fakalakalaka ‘i he feitu‘u koló
Ko hono fakaivia ‘a e ngaahi komiunitī ‘oku lele lelei mo tupulakí fakafou ‘i he ngaahi palani ki he feitu‘u koló mo e ngaahi langa ‘oku fakahoko lelei.
Ko e talanoa ki he‘emau langa fakalakalaka ‘i he feitu‘u ‘i koló
Ko e langa fakalakalaka ‘i he feitu‘u ‘i koló ko e uho ia ‘o e founga ‘oku kamata‘i mo tānaki atu ai ‘a e Kāinga Ora ki ha ngaahi komiunitī ‘oku longomo‘ui. ‘Oku mau hoa ngāue mo e iwi, ngaahi potungāue ‘a e Pule‘angá, ngaahi kautaha mo e ngaahi komiunitií ke fakafehokotaki ‘a e kakaí ke ma‘u ha‘anau ngāue, ki he ngaahi founga fefononga‘aki, ngaahi feitu‘u ‘atā, ngaahi nāunau mo e ngaahi ‘api ‘oku nau fiema‘ú.
Palani Ki He Langa Fakalakalaka ‘i he Feitu‘u ‘i Koló
‘Oku hu‘u ‘a e tokanga ‘a ‘emau Palani Ki He Langa Fakalakalaka ‘i he Feitu‘u Koló ki he founga te mau hokohoko atu ai ha liliu lelei mo ‘oatu ha langa fakalakalaka ola lelei ‘i he kotoa ‘o Aotearoa Nu‘u Silá.
Ngaahi polōseki langa fakalakalaka lalahi ‘i he feitu‘u koló
‘Oku palani ‘a e Kāinga Ora ke tuku atu ha ngaahi ‘api fo‘ou, māfana mo mātu‘u ‘e 40,000 ki he fonuá kotoa ‘i he‘ene ngaahi polōseki langa fakalakalaka lalahi ‘i he feitu‘u koló. Ko hano tuifio ‘eni ‘o ha ngaahi ‘api ma‘á e kakai ‘oku tu‘unga mā‘ulalo ‘a ‘enau pa‘anga hū maí, ngaahi ‘api ‘i he māketí mo ha ngaahi ‘api ma‘ama‘a ‘a ia ‘e langa ‘i he ta‘u ‘e 20 ka hoko maí.
Langa ‘o ha ngaahi ‘api mo ha ngaahi komiunitī ‘oku nau matu‘uaki ‘a e tu‘unga kehekehe ‘o e ‘eá
‘Oku mau fakatokanga‘i ‘a e mahu‘inga ‘o hono langa ‘o ha ngaahi ‘api mo ha ngaahi komiunitī ‘oku nau matu‘uaki ‘a e feliliuaki ‘i he tu‘unga ‘o ‘etau ‘eá.
Ko ‘emau Polokalama ki he Kelekelé (Land Programme)
Ko e Polokalama ki he Kelekelé ‘a e Kāinga Ora na‘e fokotu‘u ia ke fakatau mo langa fakalakalaka hake ‘a e kelekelé ke hiki hake ‘a e lahi ‘o e ngaahi fale nofo‘anga ‘oku ma‘ú mo fakalelei‘i ‘a e tu‘unga ‘o e ma‘ama‘a ‘a e ngaahi ‘apí ‘i he ngaahi feitu‘u ‘oku fiema‘u ki aí.
‘Oku fakamafai‘i ‘e he Lao ki he Langa Fakalakalaka ‘i he Feitu‘u ‘i Koló (Urban Development Act) 2020 ‘a e Kāinga Ora ke ne kamata‘i, fokotu‘utu‘u, pea fakahoko ‘a e langa fakalakalaka ‘i he feitu‘u ki koló ‘a ia ‘e tānaki atu ki ha ngaahi komiunitī tu‘uloa, kau kātoa ki ai, mo longomo‘ui.
Ke hoko ‘a e fanga ki‘i kolo mo e ngaahi kolo lalahi ‘o Nu‘u Silá ko ha ngaahi senitā ‘oku puipuitu‘a kehekehe mo tupulaki, ‘oku fiema‘u ke mau fakapapau‘i ‘oku mau ma‘u ha ngaahi ‘api māfana, mātu‘u, mo fakatupu mo‘ui lelei fe‘unga ‘oku ofi ki he ngaahi ngāué, akó, founga fefononga‘aki fakatokolahí mo e ngaahi feitu‘u fakamānako mahu‘ingá.