Ko e Leva‘i Lelei ke Tu‘uloá ‘i he Kāinga Ora

Koe‘uhí ko ha kautaha fakahoko ngāue kimautolu ‘i he ngaahi sēvesi nofo totongí ki ha kakai nofo totongi ‘e toko 200,000 nai, ‘o mau tauhi ai ‘a e ngaahi ‘api ‘e 69,000 mo tuku atu ‘a e ngaahi ‘api fo‘ou fakalahi ‘e 1,100 ‘i he ta‘u takitaha, ‘oku ‘i ai ‘a homau faingamālie lahi ke mau fakalelei‘i ange ‘a e tu‘unga mo‘ui lelei ‘a e ‘ātakaí ‘o fakafou ‘i he‘emau ngaahi ngāue langá mo e langa fakalakalaka ‘i he feitu‘u ‘i koló, pea mo fakavave‘i ‘a e ngaahi liliu lelei ‘i he kotoa ‘o e sekitoa fakatokolahí ‘i Nu‘u Silá. ‘Oku mau tukupā ke fakapapau‘i vahevahe-taau mo potupotu-tatau ‘a e liliú ma‘a ‘emau kau kasitomaá.

‘Oku mau fiema‘u ke fakapapau‘i ‘oku fakakau atu ‘a e ngaahi founga ngāue leva‘i lelei ke tu‘uloá ki he founga ‘o ‘emau palani‘i ‘a e langa fakalakalaka ‘i he ngaahi feitu‘u ‘i koló, langa ‘o e ngaahi ‘apí mo ‘emau fakahoko pisinisí. ‘I ha ngaahi tafa‘aki lalahi ‘e ono ‘oku mau fakamu‘omu‘á, ‘oku mau palani ke:

• poupou atu ki ha maliu atu ki he founga langa ‘oku si‘isi‘i ai ‘a e kāponi ‘oku tukuangé,
• fakalelei‘i ange ‘a e ngaahi ola ‘i homau ngaahi komiunitií ki he tu‘unga ‘o e fa‘ahinga kehekehe ‘o e me‘amo‘uí mo e ngaahi vaotā ‘i koló,
• malu‘i mo fakafokifoki ‘a e ngaahi halanga vai ‘oku nau tu‘u takatakai ‘i he ngaahi feitu‘u ‘oku mau langa fakalakalaká,
• poupou ki he fefononga‘aki ‘oku si‘isi‘i ai ‘a e kāponí,
• fakasi‘isi‘i hifo ‘a e veve meí he langa mo e holoki falé,
• fakapapau‘i ‘oku mālohi ‘a e tu‘unga matu‘uaki ‘o ‘emau ngaahi ‘apí mo homau ngaahi komiunitií ki he ngaahi uesia tupu meí he feliliuaki ‘i he ‘eá ‘i he kaha‘ú.

Ko ‘emau Palani ki he ‘Ātakaí [PDF, 1.1 MB]

Ko e ngaahi ‘ēlia ‘oku fakahu‘unga ki ai ‘a ‘emau tokangá