Ngaahi fa‘ahinga ‘o e fale nofo‘angá
Ko e nofo taha ko ia ‘a e Kāinga Ora ki hono langa ‘o e ngaahi ‘api fo‘oú ‘oku ‘uhinga ia ‘oku mau faka‘aonga‘i ai ha ngaahi fa‘ahinga mo e lahi kehekehe ‘o e ‘api nofo‘angá ke faka‘aonga‘i lelei ‘emau ngaahi kelekele ‘oku ma‘ú, fakakakato ‘a e ngaahi fiema‘u ‘a e kakai ‘oku ‘i aí mo fakapapau‘i ‘oku fakaai lelei ‘a e fiema‘u nofo‘anga ‘a kinautolu ‘oku nau fiema‘u lahi taha ha falé.
Tānaki atu ki he ngaahi fale pule‘anga mo fakamāketi tu‘u tokotahá, ‘oku mau toe tuku atu ha ngaahi fale piki-ua, ngaahi fale kaka ki ‘olunga ‘oku fungavaka ua pe tolu, ngaahi fale nofo‘anga tu‘u fakataha (terraced houses) mo e ngaahi fale ‘apaatimeni. ‘Oku mau tuku atu ha ngaahi fale fungavaka lahi ange ‘i he ngaahi feitu‘u ‘i kolo ‘o Nu‘u Silá. Hangē ko ‘Aokalaní, ‘e lava ke pupupupu ange ‘a e langá (intensification) ‘o fakafou ‘i he Unitary Plan (Palani Fakatahataha‘í).
Tu‘u mavahe (Stand-alone)
Ko e ‘api tu‘u mavaé ko ha fale nofo‘anga ‘oku tu‘u ‘iate ia pē (free-standing). ‘Oku fa‘a ui pē ko e ‘api tu‘u tokotaha ki ha fāmili, ‘o kehe ia mei ha ‘api nofo‘anga ki ha fāmili tokolahi.
Lue ‘i he founga 3D ‘i ha ‘api tu‘u mavaahe(external link).
Bridge Street
Ngahi fale piki-uá (Duplexes)
Ko e ngaahi fale piki-uá ko ha ngaahi ‘api nofo‘anga ‘oku ‘i ai ha ongo ‘api ‘e ua mo ha hū‘anga kehekehe. Ki he Kāinga Ora ko e ngaahi ‘api ko ‘ení ‘oku fa‘a tu‘u fakataha pea ‘i ai ha loki mohe ‘e ua.
Lue ‘i he founga 3D ‘i ha ‘api pikiua(external link).
Kawakawa Lane
Ngaahi ‘Apaatimení
‘Oku faingofua hono tauhi ‘o e nofo ‘i he ngaahi ‘apaatimení ki he ngaahi fāmili iikí. ‘Oku hā mei he fakatotoló ‘e lava ke fakatupu ‘e he ngaahi ‘apaatimeni mā‘ulalo kuo fa‘u fakalelei, mo si‘isi‘i fe‘ungá (compact) ha nofo ‘oku ongo fakakomiunitī. Ko e ngaahi ‘apaatimeni ‘a e Kāinga Ora ‘oku fa‘a hoko ko ha ngaahi ‘api loki mohe ‘e taha mo e ua.
Banff Avenue
Ngaahi ‘api tu‘u fakatahá
Ko e ngaahi ‘api tu‘u fakatahá ‘oku hoko fakataha mo honau kaungā‘apí ‘i ha tafa‘aki ‘e taha pe ongo tafa‘akí fakatou‘osi ke fa‘u ai ha ngaahi fale tu‘u hokohoko. Oku fakapotopoto ange ‘enau faka‘aonga‘i ‘a e kelekelé pea fe‘unga ange mo e ivi fakapa‘angá ‘i hono fakahoa ki he ngaahi ‘api tu‘u mavahé. Ko ‘emau ngaahi ‘api tu‘u fakatahá ‘oku fungavaka ua ki he fā ‘a hono mā‘olungá.
Lue ‘i he founga 3D ‘i ha ngaahi ‘api tu‘u fakataha(external link).
Maria Street
Ngaahi fale ‘oku kaka ki ‘olungá (Walk-ups)
Ko e ngaahi fale ‘oku kaka ki ‘olungá ‘oku fa‘a ‘i ai hono fungavaka ‘e ua pe tolu hono mā‘olungá. ‘Oku ‘oatu ‘e he ngaahi fale ‘apaatimeni ko ‘ení ‘a e lahi tahá ko e ngaahi ‘iuniti loki mohe ‘e taha mo e ua. ‘Oku faka‘aonga‘i ‘e he Kāinga Ora ‘a e fa‘ahinga fale ko ‘ení ‘i he ngaahi feitu‘u ki koló ofi ki he ngaahi loto koló ke ngāue lelei ‘aki ‘a e ngaahi ‘ēlia iiki angé. ‘Oku ‘ikai fiema‘u ki ai ha ‘eleveita he ‘oku mā‘ulalo pē.
Lue ‘i he founga 3D ‘i ha ‘api ‘oku kaka ki ‘olunga(external link).
Bader Drive, McKenzie Road mo e Cessna Place
Kuo fakafo‘ou ‘a e peesí: 28 Sepitema 2022