Ngaahi Tu‘utu‘uní mo e Ngaahi Makatu‘ungá

1. ‘Oku ngāue‘aki ‘a e ngaahi Tu‘utu‘uni ko ‘ení ki he ngaahi totongi kotoa pē ‘oku fakahoko ki he Kāinga Ora – Homes and Communities (Kāinga Ora).  ‘Oku ‘ikai kau ai ‘a e ngaahi me‘a ko ení -

a. Totongi nofó
b. Ngaahi totongi nofo ‘oku tōmuí
c. Ngaahi maumau na‘e fakatupunga ‘e he tokotaha nofo totongí
d. Ngaahi fakamole fakalūkufua (Void costs)
e. Ngaahi totongi fakafoki ‘a e Kōsilió / kau ngāue fakakonitulekí

2. Kapau ‘okú ke totongi ha taha ‘o e ngaahi me‘a ko eni ‘oku ‘ikai fakakaú, telefoni pe fetu‘utaki ki he tokotaha ko ia ‘i he Kāinga Ora ‘oku mo fengāue‘akí ke ‘ilo ‘a e feitu‘u totonu ke totongi ki ai ‘a e ngaahi me‘a ko iá pea mo e ngaahi tu‘utu‘uni mo e ngaahi makatu‘unga ‘e ngāue‘akí.

3. ‘E ngāue‘aki ‘a e ngaahi tu‘utu‘uni ko ‘ení ki he ngaahi totongi ko ‘ení (ko e fakatātā pē ‘eni) -

a. totongi atu ‘o ha ‘inasi fe‘unga ‘o e fakamole ki ha ‘ā, holisi malu‘i pe ngaahi fa‘unga me‘a kehe ‘oku fevahevahe‘aki (pe ‘oku lolotonga langa, fetongi pe fakalelei‘i)
b. totongi atu ‘o ha ‘inasi fe‘unga ‘o e fakamole ki ha kau fale‘i / kau ngāue fakakonituleki fekau‘aki mo ha ngaahi ngāue langa fakalakalaka / ngāue ‘oku uesia ai koe mo ho ‘apí (halanga paipa fo‘ou / ngaahi sēvesi ‘oku fetongi ‘i lalo fonuá)

Mahu‘ingá mo e totongí

4. ‘Oku hā atu ‘a e mahu‘inga ki he Ngaahi Koloá pe Ngaahi Sēvesí ‘i he fakamahu‘inga, keisi pisinisi, ‘inivoisi pe me‘a fakapepa meimei tatau ‘a e Kāinga Ora (ko e "Talamahu‘ingá (Quote)").

5. ‘Oku fiema‘u ke fakahoko ‘a e totongí ‘i he ‘aho 20 ‘o e māhina hili ko ia ho‘o ma‘u ‘o ha ‘inivoisi. Kapau ‘e ‘ikai ke fakahoko ‘a e totongí ‘i hono taimi totonú, ‘e ala hilifaki ‘e he Kāinga Ora ha totongi tupu ‘i he toenga mo‘uá (ko e ngaahi maumau kuo fakafuofua‘í - liquidated damages) ‘oku fika‘i faka‘aho mei he ‘aho ‘oku totonu ke fakahoko aí ki he ‘aho ‘e toki totongi aí ‘i ha tu‘unga totongi tupu ko e 2.5% ki he māhina, ‘o fakataha‘i fakamāhina ‘i he ‘aho 1 ‘o e māhina takitaha.

6. ‘E toe fiema‘u foki ke ke totongi ‘a e ngaahi fakamole mo e mahu‘inga kotoa pē ke totongí (kau ai ‘a e ngaahi fakamole fakalao ‘i he vaha‘a ‘o e loeá mo e tokotaha ‘okú ne faka‘aonga‘í) ‘i he ‘ene fekau‘aki mo hono totongi fakafoki pe feinga ke totongi fakafoki mai ‘o ha mahu‘inga kuo te‘eki ai totongi mai.

7. ‘E fiema‘u koe ke ke totongi kakato ‘a e mahu‘inga ‘i he ‘inivoisí ‘i he ‘ene a‘u ki he ‘aho ‘oku totonu ke totongi aí.

8. ‘Oku totonu ke ke totongi ‘a e ‘inivoisí ‘i he founga totongi ‘oku hā atu ‘i he ‘inivoisí.

Tuku atu (Delivery)

9. Ko hono tuku atu ‘o ha fa‘ahinga Koloa mo e / pe Ngaahi Sēvesi ‘e fakakakato ia ‘o fakatatau ki he Talamahu‘ingá (Quote).

Matu‘utāmakí (Risk) mo e Totonu ki aí (Title)

10. Kapau ‘okú ke totongi ha fa‘ahinga Koloa ‘oku ‘oatu ‘e he Kāinga Ora, ‘e paasi atu leva kiate koe ‘a e tu‘unga ke ala hoko ai ha matu‘utāmaki ki he koloa ko iá ‘i hono ‘oatu pē ‘o e ngaahi Koloá ‘o fakatatau ki he TalaMahu‘ingá ka ‘e kei ma‘u pē ‘e he Kāinga Ora ‘a e totonu ki aí kae‘oua kuo ke totongi kakato ‘a e ngaahi Koloá.

11. Kapau ‘okú ke totongi ha ‘inasi ki ha fa‘ahinga Sēvesi, kapau ‘oku tiliva atu ‘a e ngaahi sēvesí ‘o fakatatau mo ha Tala Mahu‘inga, ‘e fiema‘u ke ke totongi ho inasi ko ia ‘oku fokotu‘u ‘i he Talamahu‘inga ko iá.

Malu‘í (Warranty) mo e Fakangatangata ‘o e Mo‘uá

12. Kuo fai e felotoi ke ‘oua ‘e fakakau ‘a e ngaahi makatu‘unga fakalao mo ia ‘oku faka‘uhinga‘í (implied) mo e ngaahi fakapapau ki he tu‘unga lelei kotoa pē ‘i he taupotu taha ‘e fakangofua ‘e he laó. Ko ha fa‘ahinga Koloa mo e ngaahi Sēvesi ‘oku ‘oatú ‘e malu‘i pē ia ‘o fakatatau ki he tu‘unga ‘oku loto ki ai ‘a e Kāinga Ora ‘i ha tohi, tukukehe ‘a ia ‘oku tu‘utu‘unia ‘e he laó.

13. Ki he tu‘unga ‘e fakangofua ‘e he laó, ‘e fakangatangata ‘e he Kāinga Ora ‘enau ngaahi mo‘ua kiate koé ‘e ala fakatupu mei hono ‘oatu ‘o e (pe ‘ikai lava ke ‘oatú) ngaahi Koloá pe Sēvesí, pe ko e tu‘unga lelei ‘o e ngaahi Koloá mo e pe ngaahi Sēvesí pea ‘e ‘ikai ai kaunga ‘a e Kāinga Ora ki ha fa‘ahinga mole ‘ikai fakahangatonu, mahu‘inga pe makehe ange. Faka‘aonga‘i ‘o e Fakamatalá

14. ‘Okú ke loto ki he:

a. ‘E ala ma‘u ‘e he Kāinga Ora ha fakamatala fekau‘aki mo koe mei ha fa‘ahinga taha pē (kau ai ‘a e fa‘ahinga fakamo‘oní - referees mo ha fa‘ahinga kautaha fakamo‘ua pe tānaki mo‘ua) pea ‘okú ke loto ke ‘omai ‘e ha tokohata pehē ki he Kāinga Ora ‘a e fakamatala ko iá;
b. ‘E ala faka‘aonga‘i ‘e he Kāinga Ora ha fa‘ahinga fakamatala ‘okú ne ma‘u fekau‘aki mo koe ki ho‘o tu‘unga falala‘anga ki he fakamo‘uá pea mo ‘oange ‘a e fakamatala ko iá ki ha fa‘ahinga taha pē, kau ai ha fa‘ahinga kautaha fekau‘aki mo e fakamo‘uá pe tānaki mo‘uá, ki hono vakai‘i ‘o e fakamo‘uá mo e tānaki mo‘uá; mo
c. Hono ngāue‘aki ‘o ha fakamatala kehe pē ‘oku tānaki ‘e he Kāinga Ora fekau‘aki mo koe ‘i he ‘ene fakahoko ngāué.

Lao ki hono Fakahokó mo e Pule‘í (Execution and Governing Law)

15. Kapau ‘e fakamo‘oni ‘a e ngaahi Makatu‘unga ko ení ‘e koe ko ha fakafofonga pe fakahoko ia ma‘á u, kuo pau ki he fakafofonga ko iá pe tokotaha ‘oku fakamo‘oní ke hokohoko atu ‘i he taimi kotoa ‘ene mo‘ulaloa fakataha mo fakataautaha ki he ngaahi fatongia ‘o e ngaahi Makatu‘unga ko ení.

16. ‘Oku ‘ikai ke ‘i ai ha‘o ngofua ke ke fakafetongi (assign) ‘a ho‘o ngaahi totonu ‘i he malumalu ‘o ha fa‘ahnga aleapau mo e Kāinga Ora tukukehe hano fakangofua atu ia ‘e he Kāinga Ora ‘i ha tohi. ‘E ala fakafetongi ‘e he Kāinga Ora ‘a ‘ene ngaahi totonú ‘i he malumalu ‘o ha fa‘ahinga aleapau mo koe ‘o ikai fiema‘u ki ai ha‘o fakangofua.

17. Kapau ‘e ‘ikai ala fakahoko ha fa‘ahinga tu‘utu‘uni, ‘e lau leva kuo tāmate‘i ‘a e kupu ko iá pea kei mo‘ui mo ngāue kakato ‘aki pē ‘a e kotoa ‘o e ngaahi kupu kehé.

18. ‘E pule ‘a e ngaahi tu‘utu‘uni ko ení ‘i ha fa‘ahinga tu‘utu‘uni kehe kuo ke fokotu‘u mai tukukehe kapau ‘oku kau atu ‘a e ngaahi tu‘utu‘uni ko iá ‘i heni.

19. ‘Oku pule‘i ‘e he ngaahi lao ‘o Nu‘u Silá ‘a e ngaahi Makatu‘unga ko ‘ení pea ‘okú ke loto ke talangofua ki he mafai ta‘efakangatangata fakafeitu‘u (non-exclusive jurisdiction) ‘o e ngaahi Fakamaau‘anga ‘o Nu‘u silá.