Ko e fili ‘a e kau nofo totongí ke nau fokí

‘Oku mau mahino‘i ko e mavahe mei ho komiunitií ‘e lava ke fakatupu puputu‘u mo fakatupu mo moveuveu, ko ia ai ‘oku ‘i ai ha tu‘utu‘uni ngāue ‘a e Kāinga Ora ‘oku ‘uhinga ia ko e kau nofo totongi kotoa ‘oku uesia ‘e he toe langa fo‘oú ‘oku ‘i ai ‘enau fili ke toe foki ki honau komiunitī fakakoló ‘i he vave taha ‘e ala lavá.

Ko e me‘a ‘e hoko kapau te mau palani ke toe fai ha langa fo‘ou

Kapau ‘oku uesia koe ‘e ha langa fo‘ou pea fiema‘u ke ke hiki ki ha fale ‘e taha, ‘e ‘eke atu ‘e ha Advisor Customer Liaison (Tokotaha Fetu‘utaki ki he Fale‘i ma‘á e Kasitomaá) fekau‘aki mo e feitu‘u ‘oku ke loto ke nofo aí. Te nau fakakaukaua ‘a e tu‘u‘anga ‘o e ngaahi feitu‘u ‘oku ke fiema‘u ke ke toutou ‘a‘ahi ki aí, hangē ko e ngaahi ‘apiakó, ngaahi ngāue‘angá, toketaá mo e ngaahi siasí.

‘Oku ‘uhinga ia kapau ‘e fiema‘u ke mau fakahiki koe ki ha ‘api ‘e taha te mau feinga homau lelei tahá ke:

• kumi ha ‘api tu‘umau ‘i ho komiunitī lolotongá, kapau ko e me‘a ia ‘oku ke fiema‘ú.
• kapau ‘e ‘ikai ke mau lava ‘o ma‘u ha ‘api feungamālie ‘i ho komiunitī fakakoló ‘i he vave tahá, te mau fakahiki fakataimi koe pea fokotu‘u ke mu‘omu‘a ‘a hono kumi ha ‘api fakafetongi ma‘á u.
• kapau ‘e ‘ikai ke ke fie nofo ‘i ho komiunitī fakakoló, pe kapau ‘oku ke fiemālie ‘i ha ‘api ‘i tu‘a mei he feitu‘u ko iá, ‘e ‘ikai fiema‘u ia ke ke foki ki he kolo na‘á ke ‘uluaki ‘i aí.

Na‘e fokotu‘u ‘a e tu‘utu‘uni ngāue Choice to Return (Fili ke Fokí) ke ne ‘oatu ha fale ki he kau nofo totongi tokolahi taha ‘e ala lavá ‘i he ngaahi kolo ‘oku fe‘unga mo ‘enau mo‘uí. ‘E ala taimi lahi hono kumi ha ‘api ‘e fe‘ungamālié, ka ko hono fakafaingamālie‘i ‘o e ngaahi konga kelekele ke langa ha ngaahi ‘api lahi angé ‘oku ne ‘oatu ai ha ngaahi fili lahi ange ma‘á e tokotaha kotoa. Kapau ‘oku uesia koe ‘e ha taha ‘o ‘emau ngaahi langa fo‘oú pea fiema‘u ke ke hiki, ko e faitu‘utu‘uni ki he kolo ke ke nofo aí ‘e tataki ia ‘e koe.