/ Fakapa‘anga ‘oku tu‘uloá (Sustainable finance)

Fakapa‘anga ‘oku tu‘uloá (Sustainable finance)

‘Oku fakatefito ‘a hono tokonia ‘o e tu‘unga lelei ‘o e mo‘ui ‘a e kakai ‘o Nu‘u Silá, kau ai ‘a hono pukepuke mo fakatupulaki ‘a e tu‘unga lelei ‘o e mo‘ui ‘a e ngaahi to‘utangatá, ‘i he taumu‘a ‘a e Kāinga Ora.

‘Oku ngāue atu ‘a e Kāinga Ora ‘i he ‘aho kotoa pē ke ‘oatu ha fale nofo‘anga ma‘á e kakaí mo tānaki atu ki he tu‘unga lelei ‘o e mo‘ui ‘a e kau kasitomā ‘oku nofo ‘i homau ngaahi ‘apí. ‘Oku mau ‘oatu ha ngaahi ‘api māfana, mātu‘u mo malu, ka ‘oku mau toe ngāue foki mo ‘emau kau kasitomaá ke tokoni‘i kinautolu ke nau nofo lelei ‘i homau ngaahi ‘apí, ‘i he tu‘unga fakangeingeia mo nonga, ‘i he ngaahi komiunitī ‘oku fehokotaki.

‘E lava ke faka‘uhinga‘i ‘emau lavame‘á ‘aki ha ngaahi ola ‘e ono:

Tu‘unga lelei ‘a e mo‘ui ‘a e kasitomaá	Ngaahi komiunitī ‘oku tupulaki
Ngaahi faka‘amu ‘a e kakai Maulí	Liliu ki he sisitemi ngāué
Tu‘unga lelei ‘a e ‘ātakaí	Ma‘u ha ‘api nofo‘anga

Ke a‘usia ‘a e ngaahi ola ko ‘ení, kuo ‘ohake ai ‘e he Kāinga Ora ‘a e ngaahi Totongi Malu‘i ki he Tu‘unga Lelei ‘o e Mo‘uí (Wellbeing Bonds) ke ne fakapa‘anga ‘a e ngaahi polokalama ngāue ‘oku ‘atā atu ki he ngaahi ngāue ki hono leva‘i leleí, ‘o fakatefito ‘i hono fakahoko ‘o e ngaahi polōseki ki he fale nofo‘angá mo e langa fakalakalaka ‘i he feitu‘u koló. Ko e Ngaahi Totongi Malu‘i ki he Tu‘unga Lelei ‘o e Mo‘uí ‘oku ngāue‘aki ki ai ‘a e founga fakapa‘anga (proceeds instrument) ‘oku ‘i he malumalu ‘o e Fa‘unga Ngāue Ki he Fakapa‘anga Tu‘uloa ‘a e Kāinga Ora.

Fa‘unga Ngāue Ki he Fakapa‘anga Tu‘uloá

Ko e taumu‘a ‘a e Fa‘unga Ngāué ke fakafenāpasi ‘emau ngaahi tukupā ki he me‘a fakasōsialé mo ‘ātakaí ki he ngaahi tu‘unga fakavaha‘a pule‘anga ki he pōnite ‘oku tu‘uloá (international sustainability bond standards).

‘Oku fakamatala‘i ‘i he Fa‘unga Ngāué ‘a e founga kuo fakapa‘anga ‘aki ‘e he Kāinga Ora ‘a e ngaahi polosekí mo e ngaahi fakamole fou ‘i he Ngaahi Pōnite kihe Tu‘unga Leleli ‘o e Mo‘uí.

‘Oku fakafo‘ou hokohoko ma‘upē ‘a e fa‘unga ngāué he ‘oku hokohoko atu ‘a e tupulaki ‘a e māketi ki he leva‘i lelei ‘a e pa‘anga ngāué ‘i he ‘alu ‘a e taimí.

Sustainable Finance Impact Report (Lipooti Ki he Uesia ‘a e Fakapa‘anga ‘oku Tu‘uloá)

Ko e taumu‘a ‘o e Līpooti ki he Uesiá (Impact Report) ke tukuatu ‘a e ‘ata ki tu‘á (transparency) ki he kau ma‘u totongi pōnité (bondholders) mo e ngaahi kupu fekau‘aki kehé mo e uesia ‘oku nau fakatupú, ‘o fakatatau mo e ngaahi fiema‘u ki he ngaahi totongi malu‘i lanu matá, fakasōsialé, mo e tu‘unga leva‘i leleí ‘a ia kuo fokotu‘u ‘e he ICMA.

‘I hono fakalūkufuá, ‘oku fekumi ‘a e līootí ki he anga ‘o ‘emau fononga ‘i he halanga ‘oku tu‘uloá, ‘o fakatefito ‘i he ngaahi fakalakalaka kimuí ni mai ‘i he tafa‘aki ko ‘ení. ‘Oku mau līpooti fekau‘aki mo e ngaahi me‘afua ki he uesiá (impact metrics) fakataha mo e ngaahi uesia ‘oku fakamatala‘í, ‘o ngāue‘aki ‘a hono talanoa‘i ‘o e ngaahi a‘usiá.

‘Oku mau tukuatu ha līpooti ki he Uesiá ‘o fakata‘u ki he ngaahi pa‘anga kuo tānaki mei he totongi malu‘í ‘i he vaha‘a taimi ko iá.

Ngaahi līpooti kimu‘á

Faka‘ikai‘i ‘o e Fakamatalá (Disclaimer)

Ko e fakamatala ‘i he peesi uepisaiti ko ‘ení ‘oku tukuatu ia ‘e he Kāinga Ora - Homes and Communties ‘i he ngaahi taumu‘a ke ‘ilo ki ai ‘a e kakaí. ‘I ha taimi ‘e ‘oatu ai ‘i he peesi uepisaiti ko ‘ení hano fakatau atu ‘o ha ngaahi me‘a malu‘i (securities), ‘e ‘ikai ‘atā atu ia ki ha fa‘ahinga taha ‘e hū mai ki he peesi uepisaiti ko ‘ení ‘i tu‘a mei Nu‘u Sila pea mo ha toe taha ka ko ia ‘okú ne tauhi pau ki ha fa‘ahinga lao pe lao tu‘utu‘uni fekau‘aki mo e ‘inivesí (securities laws or regulations). ‘I ha taimi ‘e ‘oatu ai ‘i he peesi uepisaiti ko ‘ení hano fakatau atu ‘o ha ngaahi pa‘anga ‘inivesi ki ha fa‘ahinga taha pē ‘i Nu‘u sila, ‘e tukuatu pē ia ki he kau ‘inivesitoa fakalūkufuá ‘o fakatatau ki he Financial Markets Conduct Act 2013 (FMCA).

Ko kinautolu te nau hū mai ki he peesi uepisaiti ko ‘ení te nau fakatokanga‘i mo tali ‘a e fiema‘u ko ia ke nau tauhi pau ki ha fa‘ahinga lao ‘inivesi pe ngaahi lao tu‘utu‘uni fekau‘akí (kau ai, ‘o ‘ikai fakangatangata kihe FMCA).

Kuo fakafo‘ou ‘a e peesí: 14 Nōvema 2023