Palani Ngāue ki he Fefaikehekehe‘aki ‘i he Tu‘unga Vāhengá ‘i he Vaha‘a ‘o e Tangatá mo e Fefiné pea mo e Vaha‘a Fakamatakalí (Gender and Ethnic Pay Gap Action Plan)

‘Oku tukupā ‘a e Kāinga Ora ki he Kia Toipoto(external link) pea te ne poupou ki he Te Kawa Mataaho Public Service Commission ke tātāpuni ‘a e fefaikehekehe‘aki ko ‘eni ‘i he vaha‘a ‘o e tu‘unga vāhenga ‘o e kakai fefiné mo e kakai tangatá, kakai Maulí, Pasifikí mo e ngaahi matakali kehé, ‘i he Ngāue Fakapule‘angá. ‘I hono fakahoko ko ia ‘o e Kia Toipoto ‘i he Kāinga Ora, te mau muimui ai ki he tataki ‘a e Public Service Commission ‘a ia ‘e kau ki ai ‘a e fengāue‘aki mo ‘emau kau ngāué mo e ngaahi ‘iunioní ke holoki hifo ha ngaahi fefaikehekehe‘aki.

Te mau fua fakaofiofi ‘a e fakalakalaka kuo mau fakahokó ke fakalelei‘i ai ‘a e tu‘unga ‘oku mau ‘i aí mo tānaki atu ai ki hono fakasi‘isi‘i hifo ‘o e fefaikehekehe‘aki ‘i he tu‘unga vāhengá ‘i he ngāue fakapule‘angá. ‘I he Kāinga Ora, ‘oku ma‘u atu ‘e he kau ngāué ‘a e tu‘unga vāhenga tatau ki he ngāue tatau, ‘o tatau ai pē pe ‘oku nau fefine pe tangata pe ko e hā ‘a honau tu‘unga fakamatakalí. ‘Oku fakafehokotaki atu ‘a e vahé ki he lakangá pea ‘ikai ko e tokotaha ko iá pe ko e tu‘unga ‘o ‘ene faifatongiá. Ko ‘emau taumu‘á ke toe ‘i ai foki mo ha ngaahi faingamālie mahino ma‘á e kakai ‘i he Kāinga Ora ke nau a‘usia ai ‘a ‘enau ngaahi faka‘ānaua ki honau halanga ngāué pea ‘oku mau tukupā ke langa hake ‘emau kau ngāué ke nau a‘u ki he tu‘unga lelei taha te nau ala malavá.

Palani Ngāue ‘a e Kāinga Ora ki he Fefaikehekehe‘aki ‘i he Tu‘unga Vāhengá ‘i he Vaha‘a ‘o e Tangatá mo e Fefiné pea mo e Vaha‘a Fakamatakalí [PDF, 223 KB]