Fakahinohino ki hono fakatau ‘o ha ‘api
Kuo mau fokotu‘utu‘u ha fakahinohino ke fakahaa‘i atu ai ‘a e me‘a ‘oku fiema‘u ke ke fakahokó ke tataki ‘aki ho‘o fonongá ‘i ha founga malu mo pau.
1. Kamata‘angá
Fakakaukau ki ho‘o ngaahi taumu‘a taimi lōloá pea fokotu‘utu‘u mo ho‘o palani fakahaofi pa‘angá mo e patisetí.
2. Teuteú mo e tohi kolé
‘Ilo ki he lahi ‘o e pa‘anga te ke lava ‘o noó, tātānaki ho‘o pa‘anga tipōsití pea mahino‘i mo e founga ki he nō ‘apí.
3. Fekumí
‘Ilo‘i ‘a e me‘a kotoa pē ‘oku fiema‘u ke ke ‘ilo ki ai fekau‘aki mo e kumi ‘apí pea faka‘aonga‘i ha ngaahi me‘angāue ke kumi ‘aki ‘a e ‘api ‘oku fe‘unga mo koé.
4. Fakatau maí
‘Ilo‘i ‘a e founga ki hono fakatau mai ho‘o fuofua ‘apí, ‘ilo fekau‘aki mo e ngaahi founga kehekehe ki hono fokotu‘u ‘o e mahu‘inga fakapa‘angá (offers) mo e founga fakataú pea ngāue atu foki ki hono fokotu‘u atu ho‘o fuofua mahu‘inga fakapa‘angá (first offer).
5. Fakakakato ‘o e Fakataú
‘Ilo ki he me‘a ‘e hoko ‘i he ‘aho ke totongi ‘osi ki aí mo e me‘a kotoa pē ‘oku fiema‘u ke ke fai ke mateuteu atu ki hono ma‘u mai ho ‘uluaki ‘apí.