Ko ha feitu‘u lelei ke ngāue ai

‘Oku ‘i ai ‘a e ngaahi ngāue mahu‘inga ‘oku fakahoko ‘e he Kāinga Ora pea ko ‘emau ngaahi faka‘amú ‘oku lahi. Te mau toki lava pē ‘o a‘usia ‘emau ngaahi taumu‘á kapau te mau ngāue fakataha, ‘aki hotau lelei tahá, ki ha vīsone ‘oku tatau.

‘Oku mau tui ‘oku fai ‘e he kakaí honau lelei tahá ‘i ha ‘ātakai ‘oku ‘i ai ‘a e fefalala‘aki, tokanga, tokoni, anga-fakatōkilalo mo e ako. ‘Oku mau toe fai foki homau lelei tahá ‘i he taimi ‘oku mau fatongia ‘aki ai ke a‘usia ‘emau vīsoné pea tauhi ha ‘ātakai ngāue ‘oku mau pōlepole ai. Ko homau ‘ātakai ngāué ‘a e fakava‘e ki he ‘emau lavame‘a ‘i he tu‘unga ko ha kautahá.

Ngaahi monū ‘a e tokotaha ngāué

‘I he tu‘unga ko ha tokotaha ngāue ‘a e Kāinga Ora, ‘oku mau fiema‘u ke fakapapau‘i ‘okú ke ma‘u ‘a e ngaahi me‘angāue mo e tokoni kotoa ‘okú ke fiema‘ú ke tokoni‘i ‘aki kimautolu ke a‘usia ‘emau ngaahi taumu‘á.

‘Oku mau ma‘u ha ngāue‘anga ‘oku fakatefito ‘i he ngaahi ‘ekitivitī ‘a ia ‘oku ‘oatu ai ‘e he ‘emau ngaahi ‘ōfisí ha fili ke ‘o ha ngaahi feitu‘u ngāue ke fakalahi ai ‘a e tu‘unga lelei ‘o e ngāué pea ‘oku fakalototo‘a‘i ai ‘a e kakaí ke nau loto‘aki ‘enau ngaahi ngāue ‘i he ‘ōfisí.

‘Oku mau loto ke fakapapau‘i ‘okú ke mo‘ui lelei, ma‘u ha mo‘ui fakaengāue ‘oku palanisi, pea loto foki ke poupou‘i mo tupulaki ho‘o fakalakalaka fakafo‘ituitui mo e fakangāué fakafou ‘i he ako lolotonga ‘a e ngāué, ngaahi polokalama ako fakataukei, ngaahi fehiki‘aki fakangāué mo e ngaahi faingamālie ako.

‘Oku ‘i ia ‘emau ngaahi Monū kehekehe ‘oku kau ki ai ‘a e:

Ngaue ‘oku makatu‘unga ‘i he ‘ekitivitií (ABW) - ko e fenga‘unu‘aki ‘i ha ‘ātakai fakangāue ‘okú ne fakaivia koe ke fokotu‘utu‘u lelei ho‘o ngāué – ‘o fengā‘unu‘aki ‘i ha ngaahi feitu‘u ngāue kehekehe ‘okú ne poupou‘i koe ke ke hoko ‘o ola lelei ange ‘i ho‘o ngāué ‘o makatu‘unga ‘i he ngāue ‘okú ke fakahokó. ‘Oku ngāue ‘a e ABW ‘i he lahi taha ‘o ‘emau ngaahi ‘ōfisi takatakai ‘i he fonuá. Lomi‘i ​eni ke ‘ilo lahi ange fekau‘aki mo e ABW ‘i he Kāinga Ora.

Mālōlō Fakata‘ú - te ke ‘atā atu ki ha taimi mālōlō meí he ngāué ko e uike ‘e 5 ‘i he ta‘u.

Ngaahi Faingamālie ki he Fakalakalaka ‘o e Ngāue Ma‘u‘anga Mo‘uí - ‘Oku mau tuku atu ha ngaahi fili ki ha ngaahi ako fakalotofale/ki tu‘a, ‘o kau ai ‘a e malava ko ia ke ma‘u ha taimi mālōlō ki he akó (study leave) kapau te ke fakakakato ‘a e ngaahi makatu‘ungá. Pehē foki, te mau tokoni mo fakalototo‘a‘i koe ‘i ho‘o halanga fakalakalaka ho‘o ngāue ma‘u‘anga mo‘uí mo e tupulaki ‘i he Kāinga Ora ‘aki hono ‘oatu ‘a e ngaahi fehikitaki fakangāue (secondments) mo e ngaahi faingamālie fakalakalaka kehe.

Employee Assistance Programme (EAP) - Te ke lava ‘o vakai ki he ‘emau EAP ta‘etotongi mo fakapulipulí, ‘a ia ‘okú ne ‘oatu ha sēvesi fakaetataki/akonaki ke tokoni‘i koe ke ke fehangahangai mo e ngaahi palopalema ‘oku felāve‘i mo e ngāué.

Ngaahi Sivi ki he Matá mo e Mata Sio‘atá - ‘Oku mau fakahoko ha sivi fakata‘u ki he vakaí (vision) mo e mata sio‘ata ‘oku fakama‘ama‘a ki he kau ngāue ‘oku ‘atā atu ki aí.

Ngaahi Houa Ngāue Ngaofengofua - ‘Oku mau mahino‘i te ke ala fiema‘u ke ngāue ‘i ha ngaahi houa ‘i tu‘a ‘i he taimi angamaheni 8.00 pongipongi ki he 5.00 efiafi ‘i he uike ke ma‘u ho‘o ngaahi fiema‘u mo ho‘o fāmilí. ‘Oku mau ‘atā atu ki hono alea‘i ha fokotu‘utu‘u fakangāue ‘okú ne a‘usia ho‘o ngaahi fiema‘u ki ha potupotu tatau ‘i he ngāué/mo‘uí, (makatu‘unga ‘i ho‘o tūkunga fakafo‘ituituí).

Ngaahi Malu‘i ki he Mo‘ui Leleí - ‘Oku mau ‘oatu ki he kau ngāue ‘oku ‘atā ki aí ha ngaahi malu‘i, kau ai ‘a e malu‘i ki he Mo‘uí, Ngaahi Me‘a Fakamamahí mo e Malu‘i ki he Pa‘anga Hū Maí. Pehē foki, ‘e lava ke kau atu ‘a e kau ngāue tu‘uma‘ú ki he UniMed Medical insurance pea ma‘u ha malu‘i angamaheni ki he mo‘ui leleí ‘oku mau totongi, pea lava ke mau fakalōloa ‘a e malu‘í kiate koe mo ho‘o fāmilí ‘i ha tu‘unga totongi ‘oku fakama‘ama‘a.

Long Service Leave (Livi ki he Ngāue Ta‘u Lahí) - ‘Oku mau ‘oatu ki he kau ngāue taimi kakató mo e kau ngāue konga-taimí ha livi ki he ngāue ta‘u lahí ‘o fakatatau ki he ‘enau ngaahi aleapau ngāué mo ‘emau tu‘utu‘uni fakangāue Long Service Leave.

Parental Leave (Livi ke Tokanga‘i ‘a e Fānaú) - Tānaki atu ki he polokalama ‘a e Pule‘angá ki he livi ke tokanga‘i ‘a e fānaú, ‘oku mau ‘oatu ha vahe (allowance) ki he livi ke tokanga‘i ‘a e fānaú ki ha tokotaha ngāue tu‘uma‘u ‘oku ‘atā atu ki ai. ‘Oku 'fakalahi' ‘e he vahe ko ‘ení ‘a e livi ke tokanga‘i ‘a e fānaú ‘oku totongi ‘e he Pule‘angá ki ho‘o vahe angamaheni ‘o fakatatau ki he vahe angamaheni ‘i ha uike ‘e ono.

Sick Leave (Livi ‘i ha Puke) - Meí he ‘aho ‘uluakí, ‘oku ‘atā atu ha tokotaha ngāue ki ha ‘aho livi ‘i ha puke ‘e 15 pea mo ha ‘aho ‘e 15 ‘oku tānaki atu hili hono fakakakato ho‘o māhina hokohoko ‘e taha ua ho‘o ngāué.